1 PETER 4:18 - PATHIEN LEKHABU THIENGTHO (BSI)

¹⁸ Pathien Lehkha thu’n, “Mi diktatte bawn, hukdam a hih hâm hâm uh chun, Pathien khawksalo leh mi gilote chun, khawia a mai uh lâkdawk ding ahi ta ding um?” a tih guol khan.

1 PETER 4:18 ပူးပေါင်းရင်းမြစ်များ

THUCHINGTE 11:31

Ngaitie, mi diktatte chuh leisiet a hi kipahman piek a hih chun; minunsiete leh thil hihkhielte chuh gawt in a umna lâwm lâwm dingu e!

EZEKIEL 18:24

“Himahleh, mipha chun a phatna a kiheimangsan a, thil gilo a hih a, migilote hih guola thil tenum a hih chun a hing dinga ahim? A thilpha hih chengcheng kha hetzing hita puo’n tin, ginum lohna zieka a thiemlohna leh gitlohna a hih ziek chun, ziehaw ziek chun thi ding ahi.

LUKE 23:31

Thing hing a bawn zie tawbang phet hi a hih chun, thing gaw achun bang a hung ti taphet dem maw?” a ti a.

JUDA 1:15

“Ngaitiem u, mi chengcheng chunga vaihawm ding leh, Pathien khawksalote’n, Pathien khawksalo kawma a thilhih cheng cheng teu leh, Pathien khawksalo, mi gilote’n, amah a gensietnau cheng cheng teu zieka mawh chansak dingin, Lalpa chuh a vânsâwlchâk sang tamtak te tawh hung ding a hii,” ti’n.

1 KORINTH 10:12

Zieziekchun, dinga kingaihtuoh chuh chingthei hen; khutilochun, puk kha’na.

ROME 1:18

Thutak, takkhanlo taka dalte, Pathien khawksak lohna leh, takkhanlohna chengcheng chung achun, van apat in Pathien lungnatna hung kilak ahi;

NASEPTE 14:22

“Dahum tamtak thuokin, Pathien gam ah I lut ding him uh ahi,” ti’n, sinsakte haw lungthim a sudet u a, taksanna a chuh um zing dingin a tîl zel u a.

2 PETER 3:7

Himahlele, tu a van leh leisiet umte hi, zie Pathien thupiek mah chun, meia sukmangthai dinga sit a hi tai. Pathien khawksalo mite chunga vaihawmna ni leh, sukmangthai ni a dinga sît a um a hi tai.

1 PETER 5:8

Pilkieu unla, khawthengai un! na kilanpih uh Diabol chun, keipi bakkai kitum sek bangin, a nek theih ding hawl in a kipei hethut sek hi.

ROME 5:8

Himahlele, Pathien chun a mi hehpihna chuh pahchak takin ana latsak a, migilo I hih lai u a, Krista I sik u a a thih ziek khan.

ZEKARIA 13:9

Tichun, amun thumna te chuh mei ah patep ing ka ting; dangkaguo sukthientho bangin amau hih thiengtho ing ka ting. Sana patep a um bangin amau chuh enchien ing ka. Zie tieng chuleh kei kawmah paucham untin, amau haw ngaitha’ng ka. Chun, amau chuh ka mite ahiu, ti’ng ka ting, amau haw chun, Lalpa chuh ka Pathien uh ahi, ti’n au,” tih hi Lalpa kamsuok ahi.

JEREMIA 25:29

Ngaiun! ka min pu khawpi ahin thil phalo bawl ka pan ta a, nang haw hi gawt loh a um diek ding na hiu em? Gawt loh in um puo’n lau: lei chunga mi chengcheng chungah chemzâm lên sak ding ka hi ngâl a,’ tih hi sepaihte Lalpa kamsuok ahi.”

HEBRAI 4:1

Zieziekchun lau hitiu, khutilochun, a chawlhna lutna ding thutiem chuh ana um zing ngâl in, na lak uh a khatto ting lo in hung um kha vei un lau.

ROME 5:6

I hât loh lai u khan, a phatcha’n Krista chuh mi gilote sik in a na thi ta ngâl a.

THILSIEMBUL 13:13

Sodom mite chuh Lalpa mitmuh in huoisie taka nunsie leh migilo ahiu hi.

NASEPTE 27:24

Ka kawmah, ‘Paul, lau kih, Kaisar masanga ding ding na hi; chun, ngai ah, kuong a na hun kitawnpih chengcheng te hile, Pathien in a hun piek ahi,’ ei tih ahi.

LUKE 15:1

Chun, siehdawlte leh migilote khenkhat chuh, Isu thugen ngai dingin a hung u a.

1 SAMUEL 15:18

Chun Lalpa chun, ‘Chieh inla migilote Amalek te chu nuoichimit inla, a manthai suok kêi masangsieh un do zel ah’ ti’n a hun sawl a.

NASEPTE 27:31

Himahleh, Paul chun, sepaih zalawiupa leh sepaihte kawma chun, “Kuong pute chuh kuong a a um zing loh u chun bit thei puo’n lau,” a ti a.

1 TIMOTHE 1:9

Ziehaw hi he leuhing: Dan hi mi diktatte dinga siem a hi puoh a; dân khawksalo leh, dân bawhsiete ding leh, Pathien khawksalo haw leh, mi gilote ding leh, mi thiengtho lo haw leh, Pathien zah lo haw ding leh, pate that haw leh, nute that haw ding leh,

JAKOB 5:6

Mi diktat chuh thiemmawh na chansak u a; na that tau a, ziete chun nanguh a hun do puoi.