1 PETER 4:17 - PATHIEN LEKHABU THIENGTHO (BSI)

¹⁷ Vaihawmna chuh pat a hun ta a, Pathien mite chung ahin pat hi ding ahi. Eihaw chunga pat a hih chun, Pathien apat a Chanchin Pha gingcha lote tawpna ding chuh bang tawbang phet a hi ta dem!

1 PETER 4:17 ပူးပေါင်းရင်းမြစ်များ

JEREMIA 25:29

Ngaiun! ka min pu khawpi ahin thil phalo bawl ka pan ta a, nang haw hi gawt loh a um diek ding na hiu em? Gawt loh in um puo’n lau: lei chunga mi chengcheng chungah chemzâm lên sak ding ka hi ngâl a,’ tih hi sepaihte Lalpa kamsuok ahi.”

2 THESSALONIKA 1:8

Pathien nawlh a, Lalpa Isu Chanchin Pha zawp nuom lote gawt dinga, mei kuong tawh a hung tieng leh hih ina.

EZEKIEL 9:6

Teksie haw, tangval haw, nungak haw, naupang haw leh nupi haw chuh that suok kêi unla; ahihziekin, tiemtehna nei haw vang chuh va naih kiu in; ka mun thiengtho a chun pan un,” a ti a. Khutichun, Ho-In maia upa haw a chun a pan tau a.

1 PETER 2:8

Chun, Pathien Lehkhabu mun danga, “Pukna suong leh dalna suongpi tawh” ti a a gen guol khan. Thu chuh a taksan loh ziekun a kipalpai sek uh a; zie chuh, Pathien in amau haw dinga a phasak chuh ahi.

ROME 2:9

Mihiem thil gilo hih ta chengte chung achun gimtheihna leh natna hung um intin, Juda mite chungah um masa’n tin, chun Grikte chungah um ina.

LUKE 23:31

Thing hing a bawn zie tawbang phet hi a hih chun, thing gaw achun bang a hung ti taphet dem maw?” a ti a.

MALAKI 3:5

Vaihawm dingin hung kit vak ding ka hi, dawithiemte, zawlsaite, lepchieh a kipautiemte chung leh, meithai leh chagah leh kithalakte lawh suchavai a, bawlsiete leh, gamdang mi nawhmangte leh, ei kihcha lote chung achun hetpihtu diktak hi ding ka hi, tih hi Bangkim hihthei Lalpa kamsuok ahi.

AMOS 3:2

“Nang haw mai hi khawvel a nam chengcheng laka ka het na hiu a: zieziekchun, na manlohna teu chengcheng ziekin hun gawt ding ka hi,” ti’n.

ISAI 10:12

Zieziekchun hiti hi hung hi’n tin, “Lalpa chun Zion tâng leh Jerusalem chunga ka nasep ding chengcheng ka sep zawh tieng, Asuria leng lunggil uong tak leh kiletsak tak chuh hun gawt ing ka,” a ti a.

HEBRAI 5:9

Tichun, bukim taka a um nung in, a thu zawpte chengcheng dingin, hukdamna bulpi a hung hi tai.

HEBRAI 2:4

Chun, Pathien ngêi inle, melchikna leh thilmak tamtak te hihin, amah deih dungzuia Thagau Thiengtho thilpiek tawh amau haw chuh a hetpih a.

HEBRAI 2:2

I pileputeu kawma Vânsâwlchâkte manga thugen kha bawn a dik a, chun, sukkhelhna leh thu ngaih lohna chun ditthukna a muh ngâl u chun,

GALATI 5:7

Hih vang na hih pha sek u kha uo! Thutak chuh na zawpna dinguh kuo a hun dal? Bangti’n a a hun thep zawh theih?

HEBRAI 11:8

Taksanna ziekin Abraham chuh sapa a um lai khan, Pathien in luoh dinga a tiemna gama chieh dinga a sapna chuh a zawp ta a. Tichun, a chiehna ding nasan le he lo in a chiehdawk ta a.

GALATI 3:1

Aw Galati gama mi ngawlte haw! kuo hun dawih ngawl na hiu hi? Na maikawk uh a Isu Krista khetdên a chientaka latsak a hih mai zên tawh!

JEREMIA 49:12

Lalpa chun hiti hin a tii: “Khawn dâwn lo ding ten le a dâwn ngâl u chun, nang gawt loh hiel in na suokcha ding a ahim? Gawt loh in pawt puo’n na tin, dâwn tei inla.

ROME 1:1

Paul, Krista Isu suok, sawlchak hi dinga sap. Pathien in a Chanchin pha gen dinga a kawihchuompa chun:

GALATI 6:10

Khutichun, hunlemchang I neih dungzui zel un, mi chengcheng chungah thilpha hih hitiu; taksanna a I inkawteu chungah hih deuh pên hitiu.

1 TIMOTHE 3:15

Himahlele, ka hung hak khakpalh leh, Pathien inkawte laka mi chuh, bangtia um ding ahim tih, na het theihna dingin ka hun zik ahi; ziehaw chuh Pathien hing sapchuom, thutak khuom leh kingakna chuh ahiu hi.

HEBRAI 3:6

Krista vang chuh, Pathien inkawte laka Chapa taksanum ahi. A inkawte chuh eimau haw hi I hiu a, a tâwp chana I hansannau leh, I kinepnau leh I suonnau hi dettaka I tukchak phawt u chun.

1 PETER 2:5

Chun, nang haw le, suong hingte guola, thagau lam ho In a sak dawkin na um tau a, Isu Krista zâla Pathien pawm tâk, thagau lam kithawihna lân dinga, thiempu thiengthote banga na zenviel theihna dingun.