1 PETER 4:16 - PATHIEN LEKHABU THIENGTHO (BSI)

¹⁶ Himahlele, Kristien a hih ziekin thuok mahleh, zakcha kihen; Krista minpu na hih ziekuh chun, Pathien pakcha zawu hen.

1 PETER 4:16 ပူးပေါင်းရင်းမြစ်များ

PHILIPPI 1:29

Krista dinga nasep theihna ding hun lemchâng piek na hiu a, amah na ginchak mai uh hilo in. amah zieka na thuok uh le phal a hi ngâl a.

1 PETER 4:19

Zieziekchun, Pathien phasak lam banga thuokte chun, thilpha bawl in, a thagau uh chuh a Siempa taksanum tak kawm achun vawp sak hen.

2 TIMOTHE 1:12

Zieziekchun ahi, zie thil haw hi ka thuok chuh. Himahlele, ka zakcha a puoi, ka taksan pên pa chuh ka he a, a kawma ka vawp sak chuh zie Ni a ding chun a vawppha thei hi tih chientakin ka he ngâl a.

NASEPTE 5:41

Sawlchakte chuh, vaihawmte kawm apat a a pawtdawk phet u chun, Isu min zieka zahchâkna thuok taka guota a um ziek u chun a kipâk mah mah u a.

PHILIPPI 1:20

Ka utpen leh ka kinepna pên chuh, ka nasep ding hi thulh lo a, himahleh, hun tina, a diek takin tulai taka hi hansanna a ka dim a, ka thih in le, ka hin in le Krista chuh ka sapum a limbawl a a um theihna dingin.

ISAI 50:7

Lalpa Pathien in ei panpih ziekin muolpho in ka um puoh a, zieziekchun ka maichang hi meisuong bangin ka dawh a; tichun, zahhuoi a umlo ding ka hi tih ka hêi.

NASEPTE 26:28

Ziephet chun, Agrippa chun Paul kawmah, “Chawmlo kal mai thepa, Kristien a ei siem guo na hi hi!” a ti a.

ISAI 54:4

Lau ki’n la, sukzahhuoi a um kit lo ding na hi a; lungkie ki’n, muolpho in um kit diek ta puo’n la; Na ngaklak lai zahchâkna cheng kha hengilh ta’n na tin, meithai chansie tak guola na umna chuh hengilh ta’n la.

ISAI 24:15

Zie ziek chun, ni suohna lam a chêngte chun Lalpa pakchau in tin; tuipi panga chêngte chun Lalpa min chuh lopina pie’n au, Israel Pathien chuh!

NASEPTE 11:26

Chun, a muh phet chun, Antiokei khuo ah a hun pui ta a, tichun, kum khat zet chuh Sapchuomte kikhawpna achun a tel sek u a, mi tamtak le a sinsak sek u a. Sinsakte chuh, “Kristien,” a kitih masak pên u chuh Antiokei khuo ahi.

NASEPTE 28:22

Amahvang chuh, zie pawl, na panna pawl a mite hi gamtin ah gensiet a hiu a, nangin bangti’n a na ngaih, zak ka nuom ui,” a tiu a.

JAKOB 2:7

Min zahum tak, na kisapnau gensiete khale amau hilo maw?

1 PETER 2:12

Jentel te, laka na tawihzieu chuh kilawm tak hi hen, khutichun, thil gilo hihte guola a hun gensiet sek nau achun, na thilhih phat uh a muh hawu ziekin, veh a a um tieng u leh Pathien sulopi thei un au.

1 PETER 4:11

Mi kuo’nle, thu a gen chun, Pathien thu bangin gen hen, mi kuo’nle a zenviel chun, Pathien in utna a piek dungzui in zenviel hen; khutichun, Isu Krista vangin Pathien chuh thil bangakai ah limbawl in um thei ina; lopina leh vaihawmna chuh kumkhuotuong in amah a ahi ngâl a. Amen.

1 PETER 4:14

Krista min zieka hosiet na hih uh chun, na hamphau hi, zie chuh lopina Thagau, Pathien Thagau ngêi chuh na chungu ah a um hi tihna a hi ngâl a.