1 PETER 4:13 - PATHIEN LEKHABU THIENGTHO (BSI)

¹³ Krista thawkna thuokpih te na hih ziekun, kipâk zawu un; khutichun, a lopina a hung kilak tieng leh, nanguh le lawp takin um thei unlau.

1 PETER 4:13 ပူးပေါင်းရင်းမြစ်များ

ISAI 25:9

Chun, zie ni chuleh, “Entiem u, zie hi I Pathien uh ahi! Amah chuh ka na ngak uh a, ei hukdawk theih na dingin. Amah chuh Lalpa chuh ahi! Amah chuh ka taksang uh a, ei hukdam tâk ziekin, a hukdamna ahin tuhin kipâk in lawp hitiu,” ti’n au.

ISAI 35:10

Tichun, Lalpa tatsate chuh vaikit un tin, lasa kawm in Zion chuh tung un tin; a lu chung u achun kumsawt kipahna um in tin, lawpna leh kipahna chang tau in tin, lungkham leh dahna cheng bei ta’n a.

ISAI 51:11

Tichun, Lalpa tatsa te chuh kipâk takin vaikit untin; lasa kawmin Zion achun lut un au; Lungkham leh dahna um ta puo’n tin, kipahna leh lawpna chang tau intin; kumsawt kipahna chuh a lu chung u ah um ta’n a.

MATTHAI 16:27

Mihiem Chapa hi a vânsâwlchâkte tawh, a pa lopina a kivan a hung ding ahi ngâl a. Zie tieng chuleh vang, mitin a thilhih bang zel un din chiet ina.

MATTHAI 25:21

A pu chun a kawmah, ‘Suok pha leh taksanum, na hih pha ie; tawmchah chungah taksan na um in, tamtak chungah hun um sak ing ka, na pu kipahna ah lut ah,’ a ti a.

MATTHAI 25:23

A pu chun a kawmah, ‘Suok pha leh taksanum, na hih pha ie; tawmchah chungah taksan na uma, tamtak chungah hun um sak ing ka; na pu kipahna ah lut ah,’ a ti a.

MATTHAI 25:31

“Mihiem Chapa hi leng guola a vânsâwlchâkte tawh a lopina a kithuoma a hung tieng leh, a lopina chutphah chungah chu’n tin, a ma achun namtin kikhawm un au.

MATTHAI 25:34

Zie phat chu leh Lalpen chun a changlama mite kawm achun, ‘Ka pa vangsakte haw, hung un la, khawvel kisiem tûng apat nang u dinga guotsa chuh luoh un.

MATTHAI 5:12

Kipak unla nasatak in lawp un, van ah na kipahman uh a um tam ngâl a; khutibangmah chun na mau a thiemgau umte khale a na bawl gimthei sek uh ahi kha.

MARK 8:38

Kuole tulai khang zawlsaih hatte leh thilhih gilo nuomte lak ah keimah leh ka thu zahpih ta chuh, Mihiem Chapa hin, vânsâwlchâk thiengthote tawh, a Pa lopina a kivana a hung tieng leh, zie mihiem chuh hun zahpih thuk ina,” a ti a.

LUKE 17:30

Khutibang mah chun, Mihiem Chapa a hung kilak ni chu leh um ina.

NASEPTE 16:25

Himahlele, zânkhang in, Paul leh Silas chuh, Pathien kawmah a paucham u a, la a sau a, suongkul tângte’n a ngaithau a.

NASEPTE 5:41

Sawlchakte chuh, vaihawmte kawm apat a a pawtdawk phet u chun, Isu min zieka zahchâkna thuok taka guota a um ziek u chun a kipâk mah mah u a.

ROME 5:3

Chuleh, khuti mai chuh hilo in, I gimtheihnau ale kipâkin um hitiu, gimtheihna chun thuokhatna a siem a;

ROME 8:17

Khutichun, chate I hih tâk u chun, go luohpihte I hiu a; Pathien go luohte, Krista luohpihte I hiu hi; a thuoknate I thuokpih u chun, a kawmah limbawl in um ngêi hitiu.

ROME 8:18

Tulai a thawkna haw hi, dana I chung u a lopina suklat ding chu tawh tehkal kham in ka ngai puoi.

2 KORINTH 1:5

Krista thawkna tin chengte kikawppih I hih mah bang u hin, Krista zâla Pathien panpihna nasatak changte le I hiu ui.

2 KORINTH 1:7

Khutichun, nangmau a ka kinepnau hi a lîng ngei puoh a; ka thawkgimnau a nei thawkpih mah bang u hin, panpihna ka muh teu changte le na hi ngâl u a.

2 KORINTH 4:10

Hun tinin, ka sapum uh thithei ahin Isu thihna chuh ka puo zing uh a; ka taksau ahi Isu hinna chuh muh a a um theihna dingin.

2 KORINTH 4:17

Chun, zie buoina neucha, mitphetlohkal a beimang ding ka thawk u hin, zie buoina sanga leh tamtak a nasa leh, kumsawt a lopina mun achun ei tun ding ahi ngâl a.

PHILIPPI 3:10

Ka nawppen chuh, Krista het a, a thawhkitna thilhih theihna chan a, a thuokna kikawppih a, a thihna kibatpih a um leh,

KOLOSSA 1:24

Tu a, nang u dinga ka thuokna ahin ka kipâk hi, Krista’n a sapum sika a dahum thuok bân chuh, ka sapum ahin ka thuok pih zel zawk ahi; a sapum chuh sapchuom haw hi a hi ngâl a.

2 TIMOTHE 2:12

I thuok muolsuoh u chun, A vaihawmna ah vaihawm hitiu; Amah I kilepsan u chun, Ama’n le ei kilepsan ina;

1 PETER 1:13

Zieziekchun, na lungthim uh puontum chengin, pilkieu unla, Isu Krista a hung kilak tieng leh, vangsakna a hun piek ding chuh lungthuoi lo in kinem zingun.

1 PETER 2:21

Zie tawbang hih dinga chuh Pathien in a hun sap na hiu a puo; Krista ngêi khan le nang haw sika thuokin; a nunga na zuih dingun, etkal ding a hun nutsieh na hiu hi.

1 PETER 5:1

Khutichun, na lak uh a sapchuom lawiupate chuh, kei, na upatpih uh, Krista thuokna hetpihpa leh, lopina hung kilang ding chanpih ding pa hin ka hun tîl na hiu hi.

1 PETER 5:10

Chun, lungsietna Pathien, a kumsawt lopina chang dinga Krista a nanguh hun sampa chun, chawmkhat na thuok nung uh leh, hun siempha bukim in, hun sudet in, hun suhat ina.

JUDA 1:24

Tichun, na kipalpuk lohna dinguh a hun veng thei leh, amah lopina ângsung a nin beklo hiela, kipâk taka nanguh hun tun theipa,

THUPHUON 1:7

Ngaitiem u, amah chuh meipi haw chunga hung ding ahi ie! Mit tin chengin amah muu un tin uh, amah sunte mawng khan tawh; khawvel a nam chengcheng in le amah kahcham un au. A hi. Amen!

THUPHUON 1:9

Kei Johan, na suohpihpau, Isu nungzui, lenggam mite chunga gimtheihna hungtung, thuokhat taka hun thuokpih pa chuh ka hi. Pathien thu leh, thu dik, Isu phuondawk chuh ka gen ziekin, Patmos tuikuol achun kawih in ka um a.