1 PETER 4:11 - PATHIEN LEKHABU THIENGTHO (BSI)

¹¹ Mi kuo’nle, thu a gen chun, Pathien thu bangin gen hen, mi kuo’nle a zenviel chun, Pathien in utna a piek dungzui in zenviel hen; khutichun, Isu Krista vangin Pathien chuh thil bangakai ah limbawl in um thei ina; lopina leh vaihawmna chuh kumkhuotuong in amah a ahi ngâl a. Amen.

1 PETER 4:11 ပူးပေါင်းရင်းမြစ်များ

SAM LEHKHABU THE PSALMS 145:13

Na lalgam chuh kumlekhuo lalgam ahi a, Na thuneihna chuh khang um lai chan in um zing ina. Lalpa chuh a thugen taphawt achun a ginum a, a thilhih cheng achun zahngaihna a dim ahi.

ISAI 8:20

Amau haw chuh hiti hin dâwng un, “Lalpa hun sinsakna hi ngaithau in! Dawithiemte chuh dawng kiu in, a thugen u chuh bangmah phatchuomna bei ahi,” ti’n dâwng un.

JEREMIA 23:22

Ka lemguotna a amau le um hi leu chuh, ka thu hi ka mite kawma phuong ding ahiu a, tichun, a lampi diklo u apat chun kihei kit sak ding ahiu hi!

DANIEL 4:3

“Pathien in thilmak ei etsak te chuh a nasa na e! A lalgam chuh kumkhawtuong lalgam ahi a; Kumlekhuo’n Pathien chuh leng in chu’n tin; kumsawt in vaihawm in a.

DANIEL 4:34

Chun, zie nite chuh a hung tawp phet chun, kei Nebuknezar in van lam ka vak en to a, tichun ka lungthim ngeina chuh ka hun pu kit ta a. Chungnung pên Pathien chuh ka pakcha a, limbawlna leh lopina chuh kumlekhuo a Hing zing pa kawm achun ka pie ta a. “Amah chun kumlekhuo’n vaihawm intin, a gam in tâwp tik ni nei puo’n a.

DANIEL 7:14

A kawm achun thuneihnate, lopinate, leh leng thilhih theihnate chuh piek ahi a, mitin te, namtin te, leh pautin te chun a na sep sak un au. A thuneihna chuh kumlekhuo’n um in tin, bei ngei talo ding ahi a, lalgam chun tawp ni neita puo’n a.

MATTHAI 6:13

Thepna ah ei puilut ki’n la, Gitloh apat in ei hukdam zaw’n; Gam leh, thilhih theihna leh, lopina chuh, Kumsawt in nanga ahi ngâl a. Amen.’

JOHAN 13:31

Chun, Juda’n a pawt san nung chun Isu’n, “Tuhin, Mihiem Chapa limbawl in a um tai, amah ziekin Pathien le limbawl in a um tai.

NASEPTE 7:38

Amah chuh ahi, gamthip a mi kikhawmkhawmte laka, Sinai tânga hopihpa vânsâwlchâk kawm leh, ei uh ei suonte kawma um khah; amah chuh, ei piek sawn dinga thuhing haw lapa chuh ahi.

ROME 11:36

Amah apat leh, amah vang leh, amah a dingin thil chengcheng hi hung um ahi ngâl a. Amah kawm achun kumkhuo’n lopina chuh um hen. Amen.

ROME 12:3

Pathien in ei piek lungsietna vang hin, na bawn u a kawmah ka gen ahi: Na lak u a kuomah, na kingaihlul ding val u a kingailul lo in, Pathien in mitin kawma taksanna kilawm a piek guol zelin, chil taka ngaihtuoh zaw dingin ka tih chiet na hiu hi.

ROME 16:27

Isu Krista min in, chitna bukim nei, Pathien kawma chun, lopina kumkhuotuong in um ta hen. Amen.

ROME 3:2

Lam tina dingin a phachuom hi; a masapen in, Pathien in a thu haw chuh Judate kawmah a vawpsak masapen a.

1 KORINTH 10:31

Khutichun, na nek un le, na dâwn un le, na thilhih chengcheng u chuh, Pathien lopina ding ngenin hih un.

1 KORINTH 12:4

Chun, Thagau thilpiek chuom chuom a um a, a piepa Thagau vang chuh khat ahi.

1 KORINTH 3:10

Pathien in thil ei piek chuh mang in, In sa lawiupa ching tak guolin, ken suong ka phut a, mi dangin a chunga in a sak uh ahi. Himahlele, mi tin, a chunga a sak dân dingu achun chingthei chiet u he’n.

1 KORINTH 6:20

Nangmau a le na hi ta puou a, mana châwk na hi tau a puo; zieziekchun, na sapum leh na thagau chun Pathien limbawl un.

2 KORINTH 2:17

Mi tamtakin Pathien thu hi dawha bawl a, sumkawlveina guola a mat sek guol un, ei uh vangin I mang puou a; mi thutak, Pathien sawl bangin, Pathien mit muh achun, Krista suok bangin thu I gen zaw sek uh ahi.

2 KORINTH 9:13

Zie lungsietna zenvielna nasep na sepnau hin a hun phawtchien tâk ziekin; mi tamtakin, Krista chanchin Pha dinga ginum taka nasep sek uh, leh amau haw ngêi leh, mi dangte chunga na thilphalnau a chan ziek u chun, Pathien kawmah lopina pie ding ahi ngâl u a.

EPHESI 1:19

amah gingchate chunga a thilhih theihna lopi ziehaw tawh. Zie thilhih theihna, eihaw a sem pên chuh,

EPHESI 4:29

Na kam u ah thu phalo himhim pawt kihe’n, a kûl zie bang zela siem pha dingin thu pha pawt zaw hen, a ngaithate ding a lungsietna a hung hih theihna dingin.

EPHESI 5:20

I Lalpau Isu Krista min in, Pathien, Pa mawng kawm achun bangakai chungah kipahthu gen zingun.

EPHESI 6:10

A chaihna kêi in, Lalpa leh a thahatna thagui a chun, thilhih theihna nei in a na um un.

PHILIPPI 1:11

Krista Ni a dinga chuh a tak tak leh sukkhelh bei na hih theihna dingun thil phapen chuh tel thei un lau.

PHILIPPI 2:11

tichun, Pa Pathien lopina dingin, Isu Krista chuh Lal ahi, ti’n lei tin chengin phuong chiet un au.

KOLOSSA 4:6

Mitin, bangti dâwn chiet dinga tih na het theihna dingun, na aw suoh uh chuh chi sawh al, lungsietna tel hi zing zieng hen.

1 THESSALONIKA 2:4

Khutichuh hizaw lo in, Pathien in Chanchin Pha vawp sak dinga a phasak lam ka hih ziekun, gen dinga a deih haw chauh chuh ka gen zaw sek uh ahi. Zieziekchun, mihiem te sukkipak ka guo puou a, himahleh, lunggil enchien pa Pathien chuh sukkipak ka guo zaw sek uh ahi.

1 TIMOTHE 1:17

Leng lienpen, kumsawt a um, thi theilo, muh theih loh, Pathien khat mai pa kawm achun, limbawlnate, lopinate, kumsawt, kumsawt in um ta hen! Amen.

1 TIMOTHE 6:16

Amah chauh chuh thi thei lo, kuoma’n naih theih loh hiel vak achun a cheng a. Kuoma’n a mah chuh a mu kha puoh a; muh le a mu thei lo ahiu hi. Amah kawm achun kumsawt a limbawlna leh thilhih theihna chuh um hen! Amen.

TITA 2:1

Nangin chuh Thugin diktak tawh kituokte chauh sinsak ah.

TITA 2:15

Zie thil haw hi sinsak inla, na thu ngaithate na tîlkhohna leh gaihna achun, thunei takin hilh inla. Kuoma’n hun musit kiu hen.

HEBRAI 13:7

Na lawiupau, Pathien thu hun hilh sekte chuh hezing un la, a nunchan uh a thil a thawhdawk teu chuh ngaihtuoh in, a taksan zawh danteu chuh entawn un.

HEBRAI 5:12

A hun ngaihtuoh vangin, sinsakna nasem thei dinga kilawm na hi tau a; himahleh, Pathien thudik abul apat hun hilh ding mi mamawh kit na hitau maw? Buh gum hilo a, nawi sen nuom nalai bangte na hi tau hi!

JAKOB 1:19

Suohpih deih takte, ziehi hezing un! A milip in thungaihthak chuh hen la, thugen chuh kiu hen la, lungna vak diek kiu hen.

JAKOB 1:26

Kuole, sakhuo khawksak a kingai a, a lei hup zo sam lo a, amah kithem zaw chuh, zie pa sakhuo ho dân chuh mawk mai ahi.

1 PETER 2:12

Jentel te, laka na tawihzieu chuh kilawm tak hi hen, khutichun, thil gilo hihte guola a hun gensiet sek nau achun, na thilhih phat uh a muh hawu ziekin, veh a a um tieng u leh Pathien sulopi thei un au.

1 PETER 2:5

Chun, nang haw le, suong hingte guola, thagau lam ho In a sak dawkin na um tau a, Isu Krista zâla Pathien pawm tâk, thagau lam kithawihna lân dinga, thiempu thiengthote banga na zenviel theihna dingun.

1 PETER 4:10

A mitakip in, thilpiek na muh dungzui un, Pathien lungsietna tincheng vawp sawntawlawi phate bangin, zie chun kizenviel tuoh chiet un.

1 PETER 4:16

Himahlele, Kristien a hih ziekin thuok mahleh, zakcha kihen; Krista minpu na hih ziekuh chun, Pathien pakcha zawu hen.

1 PETER 5:11

Amah kawm achun kumkhuotuong in thilhih theihna chuh um hen. Amen.

JUDA 1:25

I Hukdampau, Pathien takpa mai kawm achun, I Lalpau Isu Krista vangin, lopina, chungnunna, vaihawmna, leh thuneihna chengcheng, phat himhim um ma’n le, tu’n le, chuleh, kumkhawtuong in um zing ta hen. Amen.