1 PETER 3:5 - PATHIEN LEKHABU THIENGTHO (BSI)

⁵ Khutibang mah in, malaia numei thiengtho, Pathien a kinemte kha le, a pasalteu thu thu a nung in, a kichei sek ui;

1 PETER 3:5 ပူးပေါင်းရင်းမြစ်များ

1 TIMOTHE 5:5

Meithai taktak amah maia um, a enkawl ding umlo chun, Pathien chungah kinepna a nei chak a, a sun a zan a paucham in, panpihna a ngên sek ahi.

1 TIMOTHE 5:10

thilpha hih lama mi pahchak a um; numei, a chate phataka dâwn tei a, malzinte a In a na lawp thiem a, mi thiengthote keng a na sil sak a, mi lunggimte na khuotuoh a; amah mawng thilpha hihna lama kipumpiek mi hi ding ahi.

1 TIMOTHE 2:15

Himahlele, numei chuh, taksanna leh, hehpihna leh thienthona nei a, lungthim thieng tak tawh mahni kithununa a um zing u chun, cha neihna ah hukdam in um un au.

NASEPTE 9:36

Chun, Joppa khuo a chun a min Tabitha kiti, sinsak khat a um a, (Tabitha umzie chuh Grik pau in Dorkas ahi a, zie chuh sazuknu tihna ahi); zie nu chun thilhih phat leh thilpiek dawk a hau ten a.

LUKE 2:37

Amah chun Pathien Ho-In taihsan lo hiel in, asûn-azan in anngawl banga paucham in Pathien a ho seka.

JEREMIA 49:11

Pa neilo, na naute chuh ngaihsak ki’n, ken amau chuh humbit ding ka hi a, na meithai teu chuh ka chungah kingau hen.”

THUCHINGTE 31:30

Deihsakna hi thepna ahi a. Mel hawihna hi bangmahlo ahi; himahlele numei Pathien kihcha chuh pahchak in um ina.

1 SAMUEL 2:1

Chun, Hannah chu a paucham a: “Lalpa chungah ka lunggil a kipâk mah mah a, Ka ki chu Lalpa ah chawihsân in a um a; Ka melmate chungah ka kam suklet in a um a, Na hukdamna a chu ka kipah mah mah ziekin.

HEBRAI 11:11

Taksanna ziekin Sara’n le, a tiempa chuh taksanum a a seh ziekin, a têk kei nung in nau vawp theihna a mu tai.

1 TIMOTHE 2:10

Numei Pathien khawksak kitite chuh, nasep phatin kizêm leu ka nuom hi.

NASEPTE 1:14

Ziehaw chengcheng chuh, numeite tawh, Isu nu Mari tawh, Isu suohpihte tawh, lungthim munkhata, phachuomngai taka paucham in a um zing sek u a.

THUCHINGTE 31:10

Numei khawsak pha chuh kuo a mu thei ding? a man chuh suongmantam san chi sang inle a tam zawi.

EPHESI 5:33

Zieziekchun, na lak uh ah kuon le, amah a kihehpih bangin a zi hehpih henla; chun, zi chun le a pasal zahbawl chiet u hen.

1 PETER 1:3

I Lalpau Isu Krista Pathien leh Pa chuh pahchak in um hen. Amah chun a zahngaihna nasatak dungzui zelin, mithi lak apat Isu Krista thawhkitna vangin, kinepna hing mu dingin hinna thak ei pie a.