1 PETER 3:3 - PATHIEN LEKHABU THIENGTHO (BSI)

³ Na kicheinau chuh pawlam kicheina samphek leh, sana khi awhte, silhlechen a kivante hilo in,

1 PETER 3:3 ပူးပေါင်းရင်းမြစ်များ

ROME 12:2

Zie vannuoi dân guol hin um kiu unla, Pathien deihlam, a pha leh, pawm tâk leh, phat bukim chuh na hetchil theihna dingun, na lungthim uh a thak a um in, lamdang zaw tau u.n.

ISAI 61:10

Lalpa achun nasa takin kipâk ing ka ting, ka lungthim le ka Pathien chung ah kipâk in a; amah chun hukdamna puon ei silh saka, diktatna puonâk chuol in ei thuom ta ngâla. moneipa chuh pakchavui a a kithuom a, mo chuh sana khite a a kichei bangin.

JEREMIA 4:30

Chun, buluh a na um tieng leh bangti’n na um ta die? Puon sandâng silh in, sana te a kichei in, na mit haw chuh nuh theih chin nuh leh chin le na kihawihsakna chuh a thâwn ahi. Na ngaihzawng te chun a hun musit tho u a, na hinna lak guon a hawl ui.

JEREMIA 2:32

Nungak in a kicheina haw a hengilh in, mo thak in a kithuomna a hengilh thei em? Ka mite’n vang ei hetngilh niu hi simsen ding guol ahi ta puoi.

ISAI 52:1

Aw Zion, halh in, halh inla, na hatna chun kivan in, Na silhlechen hawihtak chun kivan kit inla; Aw Jerusalem khawpi thiengtho, tu apat in na sung achun zektan loh te leh mi thienglo te chuh lut ding ahi ta puoh ngâla.

PAWTDAWKNA 33:4

Chun, mipite’n zie thu kipah-um lo tak chuh a zak u chun a kap u a: kuomah sanate chun a kivan nuom ta puou hi.

THILSIEMBUL 24:53

Chun, Abraham suokpa chun dangkaguo kicheinate, sana kicheinate leh silhlechen haw a ladawk a, Rebekah chuh a pie a. A suohpihpa leh a nu chule thil mantam taktak te a pie tai.

THILSIEMBUL 24:47

Chun, kei chun, ‘Kuo chanu na him?’ ti’n ka dâwng a. Amah hin, ‘Nahor dinga a hinsak Milkah chapa Bethuel chanu ka hi,’ a ti a: chun, ken nakbuh a nak ah ka vawh a, chaucha a khut ah ka buhsak a.

THILSIEMBUL 24:22

Chun, sangawngsau haw chun a dâwn khawp phet un suokpa chun sana sekel kimkhat bûk nak buh leh a khuta buh ding chaucha nih sekel sawm bûk a ladawk a,

SAM LEHKHABU THE PSALMS 45:9

Na numei zahum te lak achun lengte chanu le a tel u a: Na changlam achun ophir sana a kizêm in lengnu chuh a ding a.

PAWTDAWKNA 38:8

Khutichun, amah chun Lalpa um na puon-In kawtkhak bula nasem numeite hun piekkhawm sumeng lim-et te chuh lakhawm in, sumeng kuong leh a luihna chuh a siem a.

PAWTDAWKNA 32:2

Tichun Aron in a kawm u ah, “Na ziteu, na chapateu leh na chanuteu bahlai, sana bilbah haw kha hun lakhawm unla, ka kawmah hun chawi un,” a ti a.

EZEKIEL 23:40

Zielo chun le, gamla taka um mi haw hung dingin a thuthak u a, a kawm u ah mi a sawl u a, a hung tun tieng u leh amau haw ding chun a kisil ngim gunsêt u a, a mit uh a chei u a, sana kicheina’n a kichei u a.

ESTHER 5:1

Chun, a anngawlhna ni thum ni chun hiti hi ahi a, Esther chuh a leng puon in a kivan a, lalchutphah pindan zawn tak a, leng In huongsung achun a va chieh a, lalchutphah ma zawn tak achun a va ding ta a. Leng chuh a leng insung achun a um a, In lutna lam nga chun lalchutphah achun a chu a.

PAWTDAWKNA 35:22

Pasal leh numei thil pie nuom taphawt chuh a hung u a, chauchate, bilbahte, minnamna zungbuh te, khite, sana kicheina tincheng a hun chawi u a; chun, mitin sana piek ding nei taphawt chun Lalpa dingin a pieu a.

PAWTDAWKNA 3:22

Israel numei chengin a invengteu leh a In u a chêngte chuh dangkaguo kicheinate leh sana kicheinate leh silhlechen haw ngên un tin, tichun, na chapateu leh na chanuteu chungah bât un na tin, tichun, Aigupta mite chuh lâksak ding na hiu hi,” a ti a.

2 LENGTE 9:30

Chun, Jehu chu Jezreel khuo ah a va lut a. Jezebel in a na he a; tichun, a mit haw a na nuh a, a samte a hiet a, tichun, tukvan ah a na dâk dawka.

1 PETER 3:2

Pathien taksang dinga zawhin um thei un au.