1 PETER 3:21 - PATHIEN LEKHABU THIENGTHO (BSI)

²¹ Zie chuh, baptistma, tu a nanguh hukdama na umnau etsakna chuh ahi. Zie chuh taksapum nin sawp thienna hilo in, sielepha hetna thieng taka, Pathien kawma thutiem neihna chuh ahi. Isu Krista thawhkitna vangin tuhin a hun hukdam na hiu hi;

1 PETER 3:21 ပူးပေါင်းရင်းမြစ်များ

MARK 16:16

A gingcha a baptistma chang chuh hukdam in um intin, a gingcha lo chuh vang mawhchang in um ina.

NASEPTE 2:38

Peter chun a kawm u ah, “Na gitloh uh ngaihdam ahih theih na dingin lunghei unla, chun, Isu Krista min in na bawn un baptistma chang chiet un; tichun, Thagau Thiengtho thawna piek hi mu’n lau.

GALATI 3:27

Krista tawh pumkhat a baptist na hi tau a; tuhin, Krista hinna a chuh thuom na hi tau hi.

NASEPTE 22:16

Tuhin, bang zieka ngak nalai ding na him? Kipan inla, baptistma chang inla, Lalpa min chuh sam inla, na gitlohnate tauhngim ta’n la,’ ei ti a.

EPHESI 5:26

Sapchuomte chuh tuia silthien nunga Pathien kawma a thu a lat thiengtho a hih theihna’n;

1 PETER 1:3

I Lalpau Isu Krista Pathien leh Pa chuh pahchak in um hen. Amah chun a zahngaihna nasatak dungzui zelin, mithi lak apat Isu Krista thawhkitna vangin, kinepna hing mu dingin hinna thak ei pie a.

1 KORINTH 12:13

Zie tawbang mah chun, I bawn un, Judate ahim, Grikte ahim, suokte ahim, suok lo ahim, sapum khata um dingin Thagau khat mah ah baptist in I um u a; thagau khat mai ei dâwn sak chiet uh ahi.

KOLOSSA 2:12

Khutichun, baptist a na um un, Krista tawh vuih in na um tau a, zie baptist mah achun, thihna apat a kaithopa, Pathien thilhih theihna taksanna ziek chun, Krista tawh kaihthawh in na um tau hi.

MATTHAI 28:19

Khutichun, chieh un la, namtina mi sinsak in siem un la, Pa leh Chapa leh Thagau thiengtho min chun baptist un la;

HEBRAI 9:24

Krista chuh khuta sak, Mun Thiengtho, a tak kibatpih achun a lut puoh ngâl a; Pathien ma ah, I sik uh a ding dingin van ngêi ah a lut zaw ta a.

1 TIMOTHE 6:12

Taksanna kitaihsiekna pha chuh bawl inla, kumsawt hinna chuh changin, zie chang dinga chuh sap na hi a, hetpih tamtak te mitmuh achun dettak in na phuong ta kha.

2 KORINTH 7:1

Khutichun, deihtakte haw, zie thutiem haw chuh I neih ziekun, phehlevo leh thagau buokna chengcheng lak apat, kisuthieng hitiu, Pathien lau kawm takin, thienthona bukim in um hitiu.

1 KORINTH 4:6

Khutichun, suohpihte, a kizik dân khela kuomah ngaihtuoh loh ding tih kei u apat na zil theih na dingun leh na lak u a kuoma’n khat kisuonpih a khat a uon khum lohna dingin.

NASEPTE 16:33

Chun, zie zan chun, zie pet mawngmawng chun a pui a, a zêpnau kigawlhhaw chuh a silngim a, chun, amah leh a inkawte cheng chun baptistma a chang tau a.

NASEPTE 8:36

Chun, lampi a a chieh lai u chun, tui umna mun khat hi a tung u a, chun, mitilgeh chun, “Entie! taka hin tui a um, baptistma channa ding bangin ei dal hi?” a ti a.

ZEKARIA 13:1

“Zie ni chuh a hungtun tieng leh, David suonte leh Jerusalem mite gitlohna leh milim honau apat sukthien na dingin tuikhuk hawn in um ina,

ROME 5:14

Himahlele, Adam a thak in, Mosi tiengin Adam sukkhelhna banga thilhih gilo-lote chung ale thihna chun vai a hawm sek hi. Adam chuh a hungkit ding pa chu tawh tehkal ahi.

HEBRAI 11:19

A chapa changkhat neihsun chun a ho a; tak apat chuh Isak chuh thihna apat chuh a mu kit ta a.

2 KORINTH 1:12

Ka kipahna pên u chuh, zie khawvel a ka hindan u leh, nang haw tawh I kizawpnau hi, Pathien apat a, thieng tak leh dikna leh; mihing chitna hilo in, Pathien hehpihna thilhih theihna ahi tih, ka sie leh pha hetnau hin ei hetpihna hi ahi.

1 TIMOTHE 1:5

Ka hilh lawhna pên chuh, lunggil thiengtho leh, sie le pha hetna thieng tak leh, taksanna taktak apat a hung pawt, hehpihna chuh a neih theihna dinguh ahi.

HEBRAI 9:14

Krista, kumsawt a Thagau zâla melhemlo a Pathien kawma kithawihna thisan chun, Pathien hing zenviel dingin, na sielephahetnau chuh thilhih thite lak achun a hah hihthien na mai zên ding e!

HEBRAI 10:22

Zieziekchun, I lunggil uh a sielephahetna a thiemmawh kichansakna chuh sukthien saka um in, I sapum hawu le tui thieng a silngim a um in, taksanna bukim leh lunggil tak takin Pathien kawm lam naih hitiu.

HEBRAI 13:18

Nei paucham sak zingun. Hun tina thil diktak hih I nawp sek ziekuh hin, sielephahetna thieng tak I nei ui tih, I he ngâl uh a.

1 PETER 3:16

Zie chuh nunnem tak leh zah tak kawmin hih un. Na sielepha hetnau chuh thieng takin vawp zing un, tichun, Krista nungzuite na hihna ziekuh a, na umdan phateu a hun gensietnau a chuh, a hun gensiete chuh sukmuolpho a a um theihna dingun.

JOHAN 13:9

Simon Peter in a kawmah, “Lalpa, khuti chuh a hih leh, ka keng mai hilo in, ka khut leh ka luchang le la,” a ti a.

NASEPTE 8:37

Philip in a kawmah, “Na lungthim cheng chenga na ginchak chun, baptistma chang thei inla,” a ti a. Amah chun, “Ka gingchâi, Isu chuh Pathien Chapa ahi tih ka gingchâi” ti’n a dâwng a.