1 PETER 3:18 - PATHIEN LEKHABU THIENGTHO (BSI)

¹⁸ Pathien kawma ei uh ei puih theihna dingin, Krista chun gilote ziekin khatvei a thuok ta ngâl a, mi diktat chun mi diktatlo sik in a thuok a; a taksa ngêi chuh thaha um in, thagau vang achun sukhin in a um a;

1 PETER 3:18 ပူးပေါင်းရင်းမြစ်များ

DANIEL 9:26

Zie hun chuh a hung tâwp tieng leh, Pathien tel ngêi leng chuh diklo taka thah in um in a. Leng dang thil hihthei tak sepaihte chun hun do untin, khawpi leh Jerusalem chuh suksiet in um in a. A tawpna chuh tuilien bangin hung intin; Pathien in a guonggalhsa, kidona leh sietna chuh hungtung in a.

ZEKARIA 9:9

Aw Zion chanute haw! lawp un, lawp un nang haw, Jerusalem chanute lâwpin kiko dawk un! En un, na leng chuh na kawmah a hung hi! Amah chuh guolzo leh guol chungchuong in! Kingainiem takin sabiltung chungah a chu a, sabiltungno chung ngêi achun.

KISIMNA 7:15

Hâlmang thillat dingin bâwngchal tuoi khat, belamchal khat, belamno achal kum khata upa khat,

MATTHAI 27:19

Zie ban achun, Pilate chuh vaihawmna chutphah a a chut lai in, a zi’n, “Zie mawhna nei lo hiel chunga khan chuh bangmah hih kih; tuzan khan amah ziekin mang lam in thil tamtak ka thuok hi,” ti’n a vaithak behlap a.

MATTHAI 27:24

Ziephet chun, Pilate in bangmah ahih thei ta puoh a, hung buoi zaw deuh deuh ding ahi tih a het in, tui a la a. mipite ma achun a khut a sawp a, “Zie mi diktat thisan ahin ka thieng hi, nangun na lawh lawh uh kilawh un,” a ti a.

JOHAN 16:10

Diktatna thu ale thiemmawh chang un au; Pa kawma chieh ding ka hi a, nangun nei muh kit tâk loh ding ziekun;

NASEPTE 22:14

Chun, amah chun, ‘Ei uh ei suonte Pathien in, amah deihlam he ding leh, a Suok Diktat chuh mu ding leh, amah kam ngeia a thugen za dingin a hun tel na hi.

NASEPTE 3:14

Mi thiengtho leh Diktat kha na deih puou a, himahleh, tuolthatpa khah na kawm u a a hun piek dawk na ngên zawu ahi kha.

ROME 1:4

Thienthona thagau lam thu vang achun mithi lak apat thilhih theihna nasa taka kaihthawha a umna chun Pathien Chapa a hihna nasa takin a taklang hi.

ROME 4:25

Isu chuh I gitloh ziekun thah in a um a, thiem I channa dingun kaihthawh in a um ta ngâl a.

ROME 5:2

Amah ziek mah chun, zie lungsietna a I din detnau ahin, taksanna’n I lut tau a; Pathien lopina kinem in kipâkin um hitiu.

ROME 8:11

Himahlele, mithi lak apat a Isu kaitho kit pa, Pathien Thagau chuh nangmau a um Thagau zal chun, na sapum uh thi theite chuh suhing ina.

ROME 8:3

Phehlevo zieka Dan chuh a hatloh a, a hih theih guol loh chuh, Pathien in amah Chapa ngêi, phehlevo gitloh bang pu’n, gitloh thawihna dingin a hun sawl a, phehlevo a gitlohna um chuh mawh a hun chansak ta a:

2 KORINTH 1:24

Na taksan tei dinguh ahi ti a, na chung u a hun hih ka hi puou a; taksanna achun na ding det ui tih ka heu a. Nangmau mawng kipahna dingin. nang haw tawh sem khawm ka hi zawu hi.

2 KORINTH 13:4

Amah chuh zawnkhalna ziekin, kross chungah khetdên in um mahleh, Pathien thilhih theihna ziekin a hing kit ta ngâla. Amah tawh pumkhata um in, kei u le ka hât puou a; himahleh, nang haw tawh kalthu achun Pathien thilhih theihna zieka, a hinna kikawppih dingte I hi ngâl u a.

2 KORINTH 5:21

Amah a chuh, mi diktat I hung hih theihna dingun, gitloh himhim helo hiel pa chuh, Pathien in eimau haw ziekin, gilo in a siem ta ngâl a.

GALATI 1:4

Krista chun, Pathien leh Pa deih lam taka thu zawp in, zie tulai vannuoi gilo lak apat eihaw ei hukdam dingin, amah mawng chuh I gitloh man un a kipie ta a.

GALATI 3:13

Himahlele, Krista chuh I sik uh a hansiedawl a um in; Dan hansie lak apat chuh ei tandawk tai; Pathien Lehkha thu chun, “Thing a kikhai ta chuh, hansiedawl ahiu,” ti a a gen guol khan.

EPHESI 3:12

Krista tawh pumkhata um in, amah I taksanna ziek u chun, nelna leh ngam tak a Pathien kawma lut theihna chuh I nei tau hi.

TITA 2:14

Amah chuh sukkhelhna chengcheng lak apat ei hukdawk ding leh, amah a mai hi a, a mi thiengthote I hih theihna dingun leh, thilpha hih a phachuom ngai dingin I sik un a hung kipie ta a.

HEBRAI 10:10

Khutichun, Isu Krista chun, Pathien in hih dinga a deihlam chuh hun hih in, amah sapum ngêi chuh khatvei a hun lân in, I gitlohnateu apat chun sukthientho in I um tau hi.

HEBRAI 9:14

Krista, kumsawt a Thagau zâla melhemlo a Pathien kawma kithawihna thisan chun, Pathien hing zenviel dingin, na sielephahetnau chuh thilhih thite lak achun a hah hihthien na mai zên ding e!

HEBRAI 9:26

Khuti hi kileh, khawvel kisiem a thak, vel tamtak a thuok ding ziekin. Himahlele, tulai hun tâwp ahin, gitloh lâkmangna dingin amah mawng kithawihna dinga hung kipie’n, khatvei a hung kilak a hi tai.

HEBRAI 9:28

Zie guol mah chun, Krista chu le, mi tamtak gitloh lâkmangna dingin, khatvei kithawihna’n a kipie ta ngâl a. Zieziekchun, a nih veina achun, gitloh thu ngaihtuoh ding hilo in, amah a na ngakte hukdam dingin a nih veina ah hung kilak kit ina.

JAKOB 5:6

Mi diktat chuh thiemmawh na chansak u a; na that tau a, ziete chun nanguh a hun do puoi.

1 PETER 3:19

Zie chun thagau saltângte kawm achun thu a vak tângsap pih a,

1 PETER 4:1

Khutichun, Krista’n taksa ngeia a thuok ziekin, nanguh le zie tawbang ngaihtuohna chuh nei in, kisuhat un: kuole, taksapum ngeia thuoksa te chun gitloh a haihsan sek ngâl a.

1 PETER 4:6

Taksa a um mihiemte guola vaihawm saka a um u a, thagau a Pathien banga a hin theih na ding u a a kawm u a chanchin pha gen a um ahi.

1 JOHAN 1:9

I gitlohnau I phuon uh chun chuh, eihaw gitlohna ngaidam ding leh, I diktat lohnau chengcheng tauh ngim dingin, amah chuh a taksanum in, a diktat ahi.