1 PETER 3:16 - PATHIEN LEKHABU THIENGTHO (BSI)

¹⁶ Zie chuh nunnem tak leh zah tak kawmin hih un. Na sielepha hetnau chuh thieng takin vawp zing un, tichun, Krista nungzuite na hihna ziekuh a, na umdan phateu a hun gensietnau a chuh, a hun gensiete chuh sukmuolpho a a um theihna dingun.

1 PETER 3:16 ပူးပေါင်းရင်းမြစ်များ

1 PETER 2:12

Jentel te, laka na tawihzieu chuh kilawm tak hi hen, khutichun, thil gilo hihte guola a hun gensiet sek nau achun, na thilhih phat uh a muh hawu ziekin, veh a a um tieng u leh Pathien sulopi thei un au.

HEBRAI 13:18

Nei paucham sak zingun. Hun tina thil diktak hih I nawp sek ziekuh hin, sielephahetna thieng tak I nei ui tih, I he ngâl uh a.

1 PETER 2:15

Mingawlte thugen ngawlhuoi takte, thilpha hih a na sukthip uh hi, Pathien deihlam tak ahi ngâl a.

TITA 2:8

Bangakai ah thilpha hih lam ah a tatmuh dingin kisulang inla, na kihilhnau achun nathutak zie leh, zah na umzie leh, na thugen dik zie awihmawh guol loh haw chuh sulang ah.

MATTHAI 5:11

“Mi’n kei zieka a hun gaih u a, a hun bawl gimtheih u a, lepchieh a gitlohna tin chenga a hun hêk tieng u leh hung hampha’n lau.

1 PETER 2:19

Mi’n, Pathien deih bang a hetthiem ziekin, thuok loh ding ding thuok a, a lungkham chun, zie chuh Pathien pawm tâk ahi.

1 PETER 3:21

Zie chuh, baptistma, tu a nanguh hukdama na umnau etsakna chuh ahi. Zie chuh taksapum nin sawp thienna hilo in, sielepha hetna thieng taka, Pathien kawma thutiem neihna chuh ahi. Isu Krista thawhkitna vangin tuhin a hun hukdam na hiu hi;

1 TIMOTHE 1:5

Ka hilh lawhna pên chuh, lunggil thiengtho leh, sie le pha hetna thieng tak leh, taksanna taktak apat a hung pawt, hehpihna chuh a neih theihna dinguh ahi.

ROME 9:1

Krista achun thudik ka gen a, ka lepchieh ahi puoi. Thagau thiengtho zal chun, ka sie leh pha hetna hin le ei hetpih a,

NASEPTE 24:16

Khutichun, Pathien masang leh mihiemte masangah, sie leh pha hetna thieng taka um ka guo mawng mawng sek ahi.

HEBRAI 9:14

Krista, kumsawt a Thagau zâla melhemlo a Pathien kawma kithawihna thisan chun, Pathien hing zenviel dingin, na sielephahetnau chuh thilhih thite lak achun a hah hihthien na mai zên ding e!

2 KORINTH 1:12

Ka kipahna pên u chuh, zie khawvel a ka hindan u leh, nang haw tawh I kizawpnau hi, Pathien apat a, thieng tak leh dikna leh; mihing chitna hilo in, Pathien hehpihna thilhih theihna ahi tih, ka sie leh pha hetnau hin ei hetpihna hi ahi.

2 TIMOTHE 1:3

Ka pilepute hih sek bangin, sielephahetna thieng tak nei a a na ka sep sek Pathien kawm achun kipahthu ka gen sek a. Sun le zan a hai lo in ka pauchamna haw achun ka hun hetzing sek ziekin, a kawm achun kipahthu ka gen ahi.

1 TIMOTHE 1:19

Chun, taksanna dettak leh, sielephahetna thieng tak chuh vawp zingin. Mi khenkhatte’n a sielephahetnau chuh ngaihsak lo in, taksanna lam achun kuong kek bangin a keksie sek ui.

2 KORINTH 4:2

Thuguk leh thil zahchâk um te chuh kawih mang in, lepchieh takin na ka sem puou a; Pathien thu le milemna’n ka mang diek puou hi. Thudik hetsak in, Pathien mitmuh in, mi tin sie leh pha hetna mit tunga um ka guo zaw sek uh ahi.

DANIEL 6:4

Tichun, lawiupa dangte leh thuneitu dangte chun Daniel chunga thiem lohna ding chu a hawl tau a. Himahleh a thiemlohna ding himhim a mu thei puou a, a diklohna le a mu thei diek puou ui. A ginum mah mah ziekin amah achun sukkhelh ahim, diklohna ahim muh ding a um puoh ngâl a.

NASEPTE 28:22

Amahvang chuh, zie pawl, na panna pawl a mite hi gamtin ah gensiet a hiu a, nangin bangti’n a na ngaih, zak ka nuom ui,” a tiu a.

1 PETER 4:4

Ziehaw achun, amau haw nawpsak bawl takluot banga na bawl lohnau ahin mak a hun sau a, a hun gensiet sek uh ahi.