1 PETER 3:14 - PATHIEN LEKHABU THIENGTHO (BSI)

¹⁴ Himahlele, diktatna zieka na thuoksa bang na hih tak uh chun, kipâk unlau! Kuomah lau kiu inla, lung le lungkham diek kiu un.

1 PETER 3:14 ပူးပေါင်းရင်းမြစ်များ

MATTHAI 10:28

Chuleh, sapum that a thagau that theilo haw chuh lau kiu in la; zie sang chun, Gehen a thagau leh sapum sumang thei vang chuh lau zawu in.

2 KORINTH 12:10

Zieziekchun, Krista vangin, zawnkhalna banga le, sukmuolpho a umna banga le, tâksapna bang ale, sukgimtheihna banga le, haksatna haw ale kipâk tak in ka um sek hi. Ka zawnkhal cheng leh ahi, ka hât zawk sek hi.

JAKOB 1:12

Thepna thuok hâm hâmte chuh a kipâk ui, patepa a um nung leh, hinna lallukhuk, Lalpa’n amah hehpihte kawma a tiem chuh mu ding ahi.

JOHAN 14:27

“Lungmuonna ka hun nutsieh na hiu hi; keimah lungmuonna ka hun piek na hiu hi; khawvel in a hun piek guolin ka hun piek na hi puou hi.

JOHAN 14:1

“Na lunggil uh lunggim kiheh; Pathien na gingchau hi, Kei le ei gingchau in.

MARK 10:29

Isu’n a dâwng a, “tihtakzet in ka hun hilh na hiu hi, Keimah ziek leh Chanchin pha zieka In ahim, gam ahim, suohpihpa te, suohpihnute, pa ahim, nu ahim, zi ahim; chate ahim nusieh ta chuh,

MARK 8:35

Kuole, a hinna humbit nuom ta’n chan in tin; himahleh, kei ziek leh Chanchin pha zieka a hinna chân ta’n humbit ding ahi ngâl a.

MATTHAI 19:29

Kuole, suohpihte ahim, suohpihnute ahim, nu ahim, chate ahim, gam ahim, ka min zieka taihsan ta chun aleh za muu untin, kumsawt a hinna hung chang un au.

MATTHAI 16:25

Kuole a hinna hukbit nuom ta chun chan intin; kuole, kei zieka hinna chan tan, hukhing ina.

1 PETER 3:6

Sarah khan le Abraham chuh, “Lalpa,” ti a, a thu a a nun sek bang khan. Tichun, thilpha hih a, lauhna him nei lo a na um u chun Sarah chate hi’n lau.

MATTHAI 10:39

Kuole, a hinna mu chun chan intin; chuleh, kei min zieka a hinna chân chun mu’n a.

JEREMIA 15:15

Ziephet chun, ken “Aw Lalpa nangin na hechien a, ei hezing inla, ei hung veh in. Ei sugimtheite chung achun phuba ei lak sak in. Na zahngaihna ziekin ka hinna hi sumang hiel ki’n; Nang mah ziek a minsietna tuok ka hi tih he’n.

JEREMIA 1:8

Amau haw chuh lau ki’n la, Nang hun hukdawk dingin na kawmah ka um zing hi,” tih hi Lalpa kamsuok ahi.

ISAI 51:12

Kei hi nangmau haw hun lungmuonpa chuh ka hi a, mihing thi kit pai zieng ding hampa bang phet hi bang zieka lau na hiu a?

PHILIPPI 1:29

Krista dinga nasep theihna ding hun lemchâng piek na hiu a, amah na ginchak mai uh hilo in. amah zieka na thuok uh le phal a hi ngâl a.

MATTHAI 10:31

Zieziekchun, lau kiu in; vasie tamtak sangin na lul zaw ngâl u a.

NASEPTE 9:16

Ka min zieka dahum bangtia nasa a a thuok ding, amah hun hetsak ding ka hi,” a ti a.

EZEKIEL 3:9

Na chalpang chuh suong tâk tak, meisuong sanga tâk zaw’n siem ing ka ting, lau ki’n la, a hun etdan ziek un le lungkie diek ki’n, helchîng mi himahleu le” a ti a.

THUCHINGTE 3:25

Mi gilote chunga sietna hungtung phut guola, na chunga hung tung ding chuh lau ta puo’n la.

JAKOB 5:11

Ngaitiem u, a thuok tum sek ziekun, kipâk, I ti sek uh ahi. Job thuokhat zie chuh na zau a, Lalpa’n a tawpa a hih dân khale na muu a, Lalpa chuh lungsietna a dim leh, zahngaihna a dim ahi ngâl a.