1 PETER 2:9 - PATHIEN LEKHABU THIENGTHO (BSI)

⁹ Himahlele, khawthim apat a pawt a, a vak maktak a lut dinga hun sampa phatna chuh na etsak theihna dingun, nanguh vang nam ten, leng thiempute, nam thiengtho, Pathien mite ngêi; na hung hi tau hi.

1 PETER 2:9 ပူးပေါင်းရင်းမြစ်များ

SAM LEHKHABU THE PSALMS 106:5

Na mitelte hamphatna ka muh theih a, Na namte kipahna a ka lawp theihna ding leh, Na go luoh haw ka kisuonpih theihna dingin.

SAM LEHKHABU THE PSALMS 118:27

Lalpa chuh Pathien ahi a, amah chun vak ei pie ta a: Kithawihna ding chu khauhuol in hen unla, maichâm ki ngêi a chun.

SAM LEHKHABU THE PSALMS 135:4

Lalpa chun Jakob chuh amah dingin a tel ngâl a, Israel hi a go ding chuom in a tel a,

SAM LEHKHABU THE PSALMS 22:30

Khangthak ten a na sem un tin uh; Khangthak hung um kit ding haw kawm achun Lalpa chanchin chuh hilh un au.

SAM LEHKHABU THE PSALMS 33:12

Lalpa Pathien a nei nam chuh a hamphau hi; A mah go luoh dinga a tel mite chuh.

SAM LEHKHABU THE PSALMS 73:15

Khutichun gen ing ka, na ti ta leng; Ngaitie, na chate khang sung a gukhah taka hih na hi’ng ka.

ISAI 26:2

A ginnau tuchak zing nam diktat te chuh a lut theihna dingin, a kawtpi te chuh hawng un!

ISAI 41:8

“Himahlele, nanguh Israel te, ka suok Jakob haw, ka mi tel, ka guolpa Abraham suonte na hiu a.

ISAI 42:16

Mitdûkte chuh a chieh khâkloh nau lam ah pui ing ka ting; a het khâkloh uh lampi haw achun pui ing ka; Amau achun thim chuh vakin siem ing ka ting, lampi kuok lemlum te chule sucham ing ka. Ziehaw hi ka hih ding chuh ahi a, hengilh lo ding ka hi.

ISAI 44:1

Himahleh, tuhin ka suok Jakob, ka mi telte Israel suonte haw ngaithau in!

ISAI 61:6

Nang haw vang chuh, Lalpa thiempute tih hung hiu in na tin uh, mite chun Pathien nasemte hun ti ding ahiu hi. Namte hauhsakna chuh chen un na tin uh, a hauhsak nau chuh na lopinau hi ding ahi.

ISAI 62:12

Tichun, amau chuh “Mi Thiengtho, Lalpa hukdam sate” tih hiu intin, chun, nang u chule, Khawpi nutsieh a um hilo in, “Hawldawk a um,” ti a sap hita’n lau, a ti a.

ISAI 66:21

Chun, amau haw lak a khenkhat chuh thiempu dingin siem ing ka ting; khenkhat chuh Levi chi dingin siem ing ka, Lalpa’n a tii.

ISAI 9:2

Thim nuoia chute chun vak lopitak a muu a. Thihna thim sah tak nuoia chêngte chunga chun vak lopitak a hung êng tai.

MALAKI 3:17

Tichun, “Amau haw chuh ka mite hita’n au.” Lalpa Bangkim hihthei chun a tii. “Na ka sep ni chuleh amau haw chuh Keia chuom bîk hiu un tin, chun, nulepa’n a nasem a chateu chunga zahngaihna a neih guol un zahngaihna sulang ing ka.

MATTHAI 4:16

Thim nuoia chute chun vak lopitak a muu a; Thihna mun leh a lîma chute chunga chun vak a hung pawt tai!” ti a a gen kha a hung tun theihna dingin ahi.

MATTHAI 5:16

Zie tawbang chun na vak u chuh mi mitmuh in vak hen; khutichun, na nasep phat teu chuh muu untin, na Pau van a um chuh pakcha thei un au.

LUKE 1:79

Thimnuoi leh thihna lima chute salhvak ding leh, Lungmuonna lampi a kal ei suon sak dingin.” ti’n.

JOHAN 17:19

Amau haw ziekin keimah ngêi nang kawmah ka kilân thiengtho ahi, ti a chuh, amau haw le nangmah kawma dik taka a kilân thiengtho theihna dingun.

NASEPTE 20:28

Pathien sapchuom haw, amah thisan a a châwkte chuh vak dingin, nangmau haw leh na belam hawnteu chung achun chingthei un, Thagau Thiengtho in amau haw enkawl dinga a hun siem na hiu hi.

NASEPTE 26:18

A mit uh hihvak ding leh, thimna apat a vak lama kiheisak kit ding leh, Setan thilhih theihna apat a Pathien lama kihei kit a, kei ei taksan ziek u a, a gitlohnau ngaihdama um a, Pathien mite laka go chan a neihna dingun,’ a ti a.

NASEPTE 26:28

Ziephet chun, Agrippa chun Paul kawmah, “Chawmlo kal mai thepa, Kristien a ei siem guo na hi hi!” a ti a.

ROME 9:24

Zie khuotuohna belhaw chuh Judate lak apat mai hilo in, Jentel te lak apat a sapte le I hiu ui.

1 KORINTH 3:17

Kuo’n le, Pathien In chuh a sukbuok chun, zie pa chuh Pathien in susie’n a. Pathien in chuh a thiengtho ngâl a, zie In chuh nangmau na hiu hi.

EPHESI 1:14

Zie Thagau chuh, Pathien in a mite kawma a thutiem chuh pie ngêi ding ahi tihna ahi a; chun, Pathien in amah a te chuh tatdawkna bukim pie ngêi ding ahi tih ei hêtchet sak hi. A lopina chuh pakchai tiu!

EPHESI 1:6

A hehpihna lopitak ziek leh, a Chapa deihtak chuh thilthawnpiek a ei piek tâk ziekin Pathien chuh pakchai tiu.

EPHESI 3:21

Pathien kawm mawng achun, kumkhuotuong in, a khang a khang in, sapchuom haw leh Krista Isu achun lopina um hen. Amen

DAN NIHNA 10:15

Ahihziekin, na pileputeu hehpih chuh a thalawpna lam ahi a, a suonteu nang haw hi nam dang chengcheng sanga a nam tel na hi tau hi, tunia guol ngêi hin.

DAN NIHNA 14:2

Lalpa na Pathien u a dinga nam thiengtho na hi ngâl u a, khawvel a nam chengcheng lak apat amah a ding chuom a a hun teldawk na hih ziekun.

DAN NIHNA 18:2

A unauteu lak ah gochan a neih dinguh ahi puoi; a kawm uh a a tiem guol khan, Lalpa chuh a gochan uh ahi ngâla.

DAN NIHNA 4:20

Lalpa chun a mite, a go hiding in thik hâltuina apat, Aigupta gam apat chuh ahun puihdawk zawk na hiu hi, tu a na hih na bang u hin.

DAN NIHNA 7:6

Lalpa na Pathien uh a dinga nam thiengtho na hi ngâl u a; lei chunga nam chengcheng laka amah a ding chuom a Lalpa na Pathien un a hun têl na hi ngâl u a.

PHILIPPI 3:14

Khutichun, chunglam sapna, Krista Isu a Pathien sapna kipahman chuh mu dingin, kungmun lam chuh ka zawt hâm hâm sek ahi.

KOLOSSA 1:13

Amah chun khuothim thilhih theihna apat chun ei hukdawk a, a Chapa deihtak gam ah ei puilut ta a;

2 TIMOTHE 1:9

Amah chun ei hukdam ta a, amah mipite ngêi hi dingin ei sama, I thilhih teu ziek hilo in, amah guot ngêi leh a hehpihna ziekin a hi zawi. Zie hehpihna chuh leisiet kisiem masang in Krista Isu achun ei piek uh I hiu a,

TITA 2:14

Amah chuh sukkhelhna chengcheng lak apat ei hukdawk ding leh, amah a mai hi a, a mi thiengthote I hih theihna dingun leh, thilpha hih a phachuom ngai dingin I sik un a hung kipie ta a.

1 PETER 1:2

Isu Krista thisan theh khum zâla thu zawp ding leh Thagau Thiengtho a sukthientho, Pa Pathien hetlawk dungzuia teldawkte kawmah, Hehpihna leh thamuonna na kawm u ah sukpun in um hen.

1 PETER 2:5

Chun, nang haw le, suong hingte guola, thagau lam ho In a sak dawkin na um tau a, Isu Krista zâla Pathien pawm tâk, thagau lam kithawihna lân dinga, thiempu thiengthote banga na zenviel theihna dingun.

1 PETER 4:11

Mi kuo’nle, thu a gen chun, Pathien thu bangin gen hen, mi kuo’nle a zenviel chun, Pathien in utna a piek dungzui in zenviel hen; khutichun, Isu Krista vangin Pathien chuh thil bangakai ah limbawl in um thei ina; lopina leh vaihawmna chuh kumkhuotuong in amah a ahi ngâl a. Amen.

THUPHUON 1:6

tichun, a Pathien leh Pa lenggam thiempu nasem dingin ei siem ta a. A hii, Isu Krista kawm mawng achun, lopina leh vaihawmna chuh kumkhawtuong in um hen. Amen.

THUPHUON 20:6

Thawhkitna masapen a telte chuh a hamphau un, a thiengtho ui. Ziete chung achun thih nihna chun thu himhim a nei ta puoh a, Pathien leh Krista thiempute hiu in tin uh, amah tawh kum sangkhat vaihawm in um zaw’n au.

THUPHUON 5:10

Ka Pathien dingun khuoletui leh thiempu’n na siem ta a; Amau haw chun lei chung achun vaihawm un au,” ti’n la thak a sau a.

1 SAMUEL 12:22

Amin lopi tak ziek hin Lalpa chun a mite chu kilehheisan ding ahi puoh ngâla: A mite dinga hun siem chu Lalpa kipah lam tak ahi ngâla.