1 PETER 2:8 - PATHIEN LEKHABU THIENGTHO (BSI)

⁸ Chun, Pathien Lehkhabu mun danga, “Pukna suong leh dalna suongpi tawh” ti a a gen guol khan. Thu chuh a taksan loh ziekun a kipalpai sek uh a; zie chuh, Pathien in amau haw dinga a phasak chuh ahi.

1 PETER 2:8 ပူးပေါင်းရင်းမြစ်များ

ISAI 8:14

Chun, amah chuh mun thiengtho hi’n tin, mite ding chun pukna suongpi, Juda leh Israel lalgam leh Jerusalem a mipite ding chun thâng leh piel hi’n a.

1 KORINTH 1:23

Ei u vang chun chuh Krista khetdên thu I gen sek u a; zie chuh Judate ding chun pukna ahi a, Jentel te dingin ngawl huoi ahi a;

1 PETER 2:7

Khutichun, nanguh a gingchate dingin, zie suong chuh lul tak ahi, a gingcha lote dingin vang chuh: “In sate suong deih loh khah, Zie mawng chuh a ning a suong phachuom pen a hung hi tai,” a tih kha.

ROME 9:22

Khuotuohna bel, lopi dinga a na guonggalh khawlte chung achun;

JUDA 1:4

Mi kuote ahim, I lak uh a hin, a gûka bawka, hung kithawlh lut a um ngâl uh a, ziete haw chun, a nunlekhan sietnau kizumzelna ding chun, I Pathien uh hehpihna thu chuh a hilo lama la kâwi in, I Lawiupau leh, I Lalpau neihsun, Isu Krista chuh a kizuksan uh a. Malaia kipatin, Pathien Lehkhabu’n, a mawhchanna ding thuu chuh a na genlawksa a hi ta ngâl a.

2 PETER 2:3

Chun, sumduh ziekin, lepchieh thu’n sumkawlveina’n hun mang un tin; himahlele, masang apat a a chungthuu tanna ding chuh guot zawhsa ahi ta a, amau haw hihsie ding pa chu le a ipmu diek puoi!

1 THESSALONIKA 5:9

Pathien in a lungnatna thuok dinga ei tel I hi puou a, I Lalpau Isu Krista zâla hukdamna mu dingin ei tel zawk uh I hi ngâl u a;

LUKE 2:34

Khutichun, Simeon in amau chuh a vangsak a, a nu Mari kawmah, “Ngaiin, zie nausen hi Israel te laka mi tamtak pukna ding leh, dindawkna dinga guot ahi; melchikna haw niel dingin tawh,

2 KORINTH 2:16

Beimang dingte chun, thihna gu gim I na hiu a, hukdam dingte chun, hinna gimnam I hiu hi. Zie tawbang hi ding chun kuo a ting zo ding?

PAWTDAWKNA 9:16

Himahlele, zie ding ahih ka hun tundin na hi, ka thilhih theihna hun etsak ding leh khawvel chengchenga ka min a hung kithan theihna dingin.

ISAI 57:14

Lalpa chun, “Ka mite chuh ka kawmah hung vaikit tau hen. Lampi a a nangte cheng chuh ladawk unla! lampi siemphau un la, hih zang un.

ISAI 37:26

“Keimah ngêi hin, malai apat a ziehaw chuh ka guot ahi a, malai pek a pata ziehaw chuh ka guonggalh ahi tih na he puo maw? Kulh nei khuote suchim dinga ka hun tih ahi.

GALATI 5:11

Suohpihte, kei hin zektan a pawimawh hi ti a ka na gen zing chun, bangati a sukgimtheih a um zing nalai ding ka him? Khutibang haw chuh a dik a hih chun, Krista kross thu ka gen zieka buoina haw hi sukmang hi ta’n a.

1 PETER 2:6

Zieziekchun, Pathien Lehkhabu achun, “Ngaitiem u, Zion achun a ning a suong phachuom pen, ten dawk, lul tak chuh ka kawih ahi; kuole, amah gingcha ta chuh muolpho hiel puo’n au,” tih zik ahi.

JOB LEHKHABU THE BOOK OF JOB 23:14

Keia ding a a guot chuh hihbukim intin, zie tawbang chule tamtak a lungthim ah a um hi.