1 PETER 2:6 - PATHIEN LEKHABU THIENGTHO (BSI)

⁶ Zieziekchun, Pathien Lehkhabu achun, “Ngaitiem u, Zion achun a ning a suong phachuom pen, ten dawk, lul tak chuh ka kawih ahi; kuole, amah gingcha ta chuh muolpho hiel puo’n au,” tih zik ahi.

1 PETER 2:6 ပူးပေါင်းရင်းမြစ်များ

ISAI 28:16

Zieziekchun, Lalpa Pathien chun, “Ngaitiem u, Zion achun a ning a suong lul tak leh to tak ka lem hi, a ning achun suong detdo tak ka kawih a, a chung achun, ‘Amah gingcha taphawt chuh muolpho puo’n au,’ tih kizik chuh.

1 PETER 2:4

Lalpa, Suong Hing, mihiemte’n thil manloh banga a nawlh uh, Pathien ngaih a vang chuh ten dawk leh lul tak kawm achun hung un.

EPHESI 2:20

Krista Isu mawng chuh, a ning a suongphuh pawimawh pên ana hi’n, a chunga sawlchakte leh thiemgaute suongphuh chunga chuh sak na hiu hi.

ZEKARIA 10:4

Amau apat in aning a suong hung pawt intin, In kilhnate leh kidona thalphel te; vaihawmtu leh lawiupate hung pawt khawm ding ahiu hi.

MARK 12:10

Zie Pathien lehkhathu hi na sim puou a ahim? ‘Insate suong deih loh chuh, A ning a suong phachuom pên a hung hi tai;

ROME 10:11

Pathien Lehkha thu’n, “Kuole, amah gingcha ta chuh muolpho hiel puo’n au,” a tih ahi.

ISAI 50:7

Lalpa Pathien in ei panpih ziekin muolpho in ka um puoh a, zieziekchun ka maichang hi meisuong bangin ka dawh a; tichun, zahhuoi a umlo ding ka hi tih ka hêi.

ISAI 42:1

“Ka suokpa, ka tundawk, hattak a ka siem a, ka teldawkpa, a chunga ka kipahna mah mah pa a um hi! Amah chuh ka thagau in ka hihdim a, namtin chungah vai hun hawm ding ahi.

2 TIMOTHE 3:16

Pathien Lehkhabu tincheng hi, Pathien hatkhum a piek ahi a, sinsakna lam ah le, thil hihkhielte gaihna dingin le, mawh chansakna lama le, hindan dik kisinsakna lama le,

JOHAN 7:38

Kuole, ei gingcha chuh, Pathien lehkhabu gen guolin, hintui lui haw chuh a lunggil apat hung luong dawk ina,” a ti a.

ISAI 54:4

Lau ki’n la, sukzahhuoi a um kit lo ding na hi a; lungkie ki’n, muolpho in um kit diek ta puo’n la; Na ngaklak lai zahchâkna cheng kha hengilh ta’n na tin, meithai chansie tak guola na umna chuh hengilh ta’n la.

LUKE 23:35

Chuleh, Juda lawiupate chun, “Mi dang bawn hihdam seka, Pathien tel Krista a hih chun, amah kihihdam heh!” ti a a ho siet lai u chun, mipite chun din sa’n a gâl et u a.

MATTHAI 12:18

“Entie, keimah tel ngêi ka suok, Ka deih tak, a chunga ka lungkimna mah mah hi; A chungah ka thagau kawih ing ka ting, Tichun, Jentel te kawmah vaihawmna dik phuong ina.

ISAI 41:11

“Ngaitie, na chung u a lungna taphawtte chu zakcha takin um un au. Kuole, a hun do taphawt chuh thi tei un tin;

SAM LEHKHABU THE PSALMS 89:19

Malai in mi ginumte kawm achun vaulam in thu na gen a, “Mi khat hattak chung a chun panpihna ka ngên a; Mihat haw laka teldawk chu ka limbawl ta a.

SAM LEHKHABU THE PSALMS 40:14

Ka hinna hihbei guo a hawlte chuh Muolpho tak leh zakcha tak in um hawn u hen; Ka sietna chunga kipâk haw chuh vaihkit sak in sukzahchak in um u hen.

2 PETER 3:16

A lehkhathâk chengcheng achu zie thu haw hi a hun gen sek chuh ahi. Ziehaw achun, thu het haksa tak tak bang a um sek a, ziehaw chuh miching lo leh, mi lunglawngte’n, Pathien Lehkhabu thu dang a ngaih kâwi bangun, diklo takin a hilhchien sek u a. Khutichun, amau leh amau a kisukmangthai lawh sek ui.

2 PETER 1:20

Ziehaw bân achun Pathien Lehkhabu a hilhlawkna thu haw hi, kuoma’n amah mai hetna’n a hilhchien thei puoi tih hi hezing un.

EPHESI 1:4

Hehpihna leh thiengtho leh nuolna beia amah masanga I um theihna dingun, leisiet kisiem ma pek a Krista a ei na telsa him I hi ngâl u a.

NASEPTE 1:16

“Suohpihte haw, Thagau Thiengtho in, David manga Isu mante puipa Juda thu a genlawk kha, zie Pathien lehkha thu kha hungtung him ding ahi.

DANIEL 10:21

Mahleh, thudik zikna a kizik chuh hun hilh ing ka; zie tak ahin na lalpau Mikael chauh lo chuh ei panpih ding kuomah a um puou hi” ti’n.

THILSIEMBUL 49:24

Himahlele, amah thalpo chuh khauh tak in a um zing a, A bân tha haw chuh hihhat in a um a, Jakob Mi Hat Pathien khut ngêi leh, (zie apat chun Belam chingpa Israel te Suongpi chuh ahung uma.)

ISAI 46:13

Zawhna ni chuh hun hih nai ka ting; gamla lo hiel ding a hi! Ka hukdawkna ni ding chun sawt hal ta puo’n tin; Zion chuh hukdawk ing ka ting, tichun, Ka lopina, Israel te dingin hukdamna chuh Zion achun kawih tang ka,” a tii.

LUKE 20:17

Isu’n amau haw chuh a en a, “Zie Pathien lehkha thu umzie hi bang ahi? ‘In sate suong deih loh kha, zie mawng chuh a ning a suong phachuom pên a na hi, a tii,’ tih hi.

1 PETER 2:8

Chun, Pathien Lehkhabu mun danga, “Pukna suong leh dalna suongpi tawh” ti a a gen guol khan. Thu chuh a taksan loh ziekun a kipalpai sek uh a; zie chuh, Pathien in amau haw dinga a phasak chuh ahi.