1 PETER 2:23 - PATHIEN LEKHABU THIENGTHO (BSI)

²³ Mi’n a gaih inle, a gai thuk puoh a, a thuok lai inle, a vau diek puoh a, himahlele, a kinepna chuh Pathien, diktaka hih sek pa achun a kawih zaw sek hi.

1 PETER 2:23 ပူးပေါင်းရင်းမြစ်များ

ISAI 53:7

“Amah chuh muhsit leh êngbawl in a um a; himahleh, kingainiem in a kam a ka puoi. Belamno thah dinga puih a um leh; belam a mulmetpa ma a thip kêi guolin, ama’n le a kam a ka puoi.

1 PETER 4:19

Zieziekchun, Pathien phasak lam banga thuokte chun, thilpha bawl in, a thagau uh chuh a Siempa taksanum tak kawm achun vawp sak hen.

HEBRAI 12:3

Khutichun, na thagau lam uh a na hung lungkiek uh a, na hung chawlh zieng lohna dingun, a chunga thiltung leh, mi gilote apat a muhdahna a thuokna haw chuh ngaihtuoh tiem u khai!

SAM LEHKHABU THE PSALMS 37:5

Na umdan ding chuh Lalpa chungah nga’n la; Amah chuh muong in la, A man hih vek ina.

NASEPTE 4:29

Khutichun, Lalpa, ngaitie! tu a ei hun vau zieu haw hi; na suokte hi hangsan takin na thu gensak in la.

2 TIMOTHE 4:8

Tuhin chuh diktatna Lallukhuk chuh kei dingin kawih in a um ta a, zie chuh Lalpa a ngaihtuohpa diktat chun zie Ni chu leh ei pie’n a; kei kawm mah ah hilo in, a kilâkna ngai ta chengte kawma le hi’n a.

2 TIMOTHE 1:12

Zieziekchun ahi, zie thil haw hi ka thuok chuh. Himahlele, ka zakcha a puoi, ka taksan pên pa chuh ka he a, a kawma ka vawp sak chuh zie Ni a ding chun a vawppha thei hi tih chientakin ka he ngâl a.

LUKE 23:46

Tichun, Isu chuh ngeih tak in a kiko a, “Hepa! na khut ah ka thagau ka hun vawp sak hi,” a ti a. Zie chuh a gen zawhin, a thagau a thah ta a.

SAM LEHKHABU THE PSALMS 31:5

Na khut ah ka thagau ka hun kawlsak hi; Aw Lalpa, thutak Pathien, nangin nei tan tai.

SAM LEHKHABU THE PSALMS 10:14

Muh chuh na mu zing ta a; na khuta din dingin thil phalo leh sukbuokna na en zing sek a: Bangmah hih theilo haw chuh na kawmah a hung kivawp sak sek u a; Pa neilo panpihpa na hi sek kha.

THUPHUON 19:11

Chun, van kihawng ka mu a; ngaitie! sakawl kâng leh, a chunga chu, “Taksanum leh Diktak,” a tih uh chule ka mu a; amah chun diktat takin vai a hawm a, a do sek hi.

1 PETER 3:9

Gitloh chuh gitloh in din kiu inla, vang pie zawu un. Zie zieka hi sap na hiu hi, vangpiekna chang dingin.

2 THESSALONIKA 1:5

Ziehaw chuh, Pathien gama um hawia guot na hiu ui tih. Pathien vaihawmna dik kiphawtchienna ahi a, zie gam zieka chuh thuok na hi him ui.

EPHESI 6:9

Chun, nanguh, lawiupate haw, khutibang mah chun, amau haw leh nangmau haw lawiupa chuh van ah a um tih leh, amah chun deihsak chuom a nei puoi tih he’n, hutum a vau lo in, a chungu ah hih thuk un.

ROME 2:5

Himahleh, na lochal leh na lungchang phat ziekin, lungnatna leh Pathien vaihawmna diktak hung kilat ni a ding chun, na chungah lungnatna na kikhawlkhawm ahi.

NASEPTE 17:31

Khutichun, khawvel pumpi, a mitelte manga vaihawmna dika thu a tan khumna ding chuh a guot ta a. Zie chuh, Pathien in, amah chuh mithi lak apat kaitho in, mi chengcheng kawmah a hetsak tai,” ti’n.

NASEPTE 9:1

Zie lai chun, Saul in Lalpa sinsak haw chuh, thah dinga vauna thu a siet dawk khum matchet a. Thiempu Lienpen kawmah a chieh a,

LUKE 23:9

Tichun, thu tamtak a dawng a, himahleh, Isu’n a hawimah chuh a dâwng diek puoi.

SAM LEHKHABU THE PSALMS 96:13

Amah chuh hung ding ahi a, Lei vaihawm dingin amah chuh hung ding ahi ngâla: Khawvel chuh diktak in vaihawm sak intin, Mi cheng cheng a thutak in vaihawm sak ding ahi.

SAM LEHKHABU THE PSALMS 7:11

Pathien mi diktatte vai a hawm sak a, chu vaihawmpa diktat ahi, Ahi, migilote chunga nichenga lung-awihlohna nei Pathien ahi.

THILSIEMBUL 18:25

Nang hielin khutibang chun mi diktatte chuh migilo banga a umna dingun, mi gilote tawh suklup khawm hiel chuh hih guo sam puo’n na tin; leichung cheng chenga vaihawmpa chun diktak in hih lo ding na him?” a ti a.

NASEPTE 7:59

Khutichun, Stephan in, “Lal Isu, ka thagau la ta’n,” ti a Lalpa a sap lai in, suongin a sep sausau u a.

LUKE 23:41

Eite nih vang gawt ding him I hi, I thilhih man mu I hi; himahleh, zie pa hin vang bangmah a hihkhiel puoi,” a ti a.