1 PETER 2:21 - PATHIEN LEKHABU THIENGTHO (BSI)

²¹ Zie tawbang hih dinga chuh Pathien in a hun sap na hiu a puo; Krista ngêi khan le nang haw sika thuokin; a nunga na zuih dingun, etkal ding a hun nutsieh na hiu hi.

1 PETER 2:21 ပူးပေါင်းရင်းမြစ်များ

1 JOHAN 2:6

“Pathien tawh pumkhat in ka um hi,” ti pên chuh, Krista um bang bangin a um ding ahi.

MATTHAI 16:24

Chun, Isu’n a sinsakte kawmah, “Kuon le ei zuih a nawp leh, amah gimtheih khawksa lo in, a kross pu’n ei zui hen.

JOHAN 13:15

Na chung u a ka hih guola hi, nang haw’n le na hih na dingun ka hun lam pat sak ahi.

EPHESI 5:2

Chun, Krista’n, a hun hehpih a, gimlim a dingin, Pathien kawma thillat leh kithawihna a I sik uh a a kipiek guol khan, hehpihna ah um un.

1 JOHAN 3:16

Zie ahin hehpihna chuh bang a hih I heu hi; Krista chun ei uh dinga a hinna a piek tâk ziekin: ei un le suohpihte dingin I hinnau I piek thuk dinguh ahi.

1 PETER 2:24

Gitloh lama thi a, diktatna lama I hin theihna dingun, Krista mawng chun kross lêk a khan a sapum in I gitlohna hawu a puo a, amah kizêpna kigawlh haw chun sukdam in na um tau hi.

1 KORINTH 11:1

Kei umdan entawn te hiu in, keile Krista umdan entawn ka hih guol mah in.

1 PETER 4:1

Khutichun, Krista’n taksa ngeia a thuok ziekin, nanguh le zie tawbang ngaihtuohna chuh nei in, kisuhat un: kuole, taksapum ngeia thuoksa te chun gitloh a haihsan sek ngâl a.

PHILIPPI 2:5

Zie lungthim, Krista Isu a um sek kha nangmau ah um hen:

MATTHAI 11:29

Ka namkawl puou unla, ka kawmah sin un; lungchuol leh lunggil a kingainiem tak ka hi hi; tichun na thagau u a dingin chawlhna mu’n lau.

ROME 8:29

Pathien in a telte chuh amah Chapa bang taka um dingin a guotlawk a, a Chapa chuh suohpih tamtak te laka Cha masapen a hung hih theihna dingin.

NASEPTE 14:22

“Dahum tamtak thuokin, Pathien gam ah I lut ding him uh ahi,” ti’n, sinsakte haw lungthim a sudet u a, taksanna a chuh um zing dingin a tîl zel u a.

1 PETER 3:18

Pathien kawma ei uh ei puih theihna dingin, Krista chun gilote ziekin khatvei a thuok ta ngâl a, mi diktat chun mi diktatlo sik in a thuok a; a taksa ngêi chuh thaha um in, thagau vang achun sukhin in a um a;

MATTHAI 10:38

Chun, kuole a kross pu a ei zui lo chuh ka mi hi hâwi ahi puoi.

1 PETER 3:9

Gitloh chuh gitloh in din kiu inla, vang pie zawu un. Zie zieka hi sap na hiu hi, vangpiekna chang dingin.

JOHAN 16:33

Zie thu haw hi na kawm u ah ka gen ta hi, keimah a na um ziek u a lungmuonna na neih theihna dingun. Khawvela hin dahum thuok in na um sek ui. Himahlele, kipâk takin um un, ken khawvel ka zo tai,” a ti a.

THUPHUON 12:11

Belamno thisan vang leh, thudik a hettuoksak thuu vanga guolzote a hiu a, a hinnau chan khawp leh thih ngama pang te a hi ngâl uh a.

HEBRAI 2:10

Pathien, thil chengcheng siem a, vawpbitpa ding chun, cha tamtak a lopina kikawppih dingin, Isu thuokna bukim zieka siem chuh hih ding him a hi ngâl a. Isu mawng chuh Hukdamna a puilut pa khah a hi ngâl a.

2 TIMOTHE 3:12

Ahi, kuole, Krista Isu tawh kipumkhata, Pathien khawksak a um guo chun, sukgimtheihna haw chuh thuok ina.

SAM LEHKHABU THE PSALMS 85:13

Diktatna chuh amah ma ah chieh intin; A nung haw chuh lampi’n siem ina.

1 PETER 1:20

Amah chuh, leisiet kisiem masang pek a, Pathien in a na guotsa a hi ta a, himahlele, tuhun nu nunglamhaw ahin, nang haw ziekin a hung kiphuong dawk a hi tai.

1 THESSALONIKA 4:2

Lalpa Isu zâla thuhilhna ka hun piekteu kha na he ngâl u a.

1 THESSALONIKA 3:3

Zie sukgimtheihna thuokna zieka hi kuomah na kihei kit lohna dingun. Nangmau haw mawng in le, zie sukgimtheihna haw hi, keihaw dinga Pathien phasak lam a hi tih na he ngâl u a.

NASEPTE 17:3

Krista chuh dahum thuok ding him a hih ziete chuh sulang in a hilhchien sek a, “Zie Isu, a thu nang haw ka hun hilh sek hi, amah hi Krista chuh ahi,” le a ti sek a.

NASEPTE 9:16

Ka min zieka dahum bangtia nasa a a thuok ding, amah hun hetsak ding ka hi,” a ti a.

LUKE 24:26

Krista chun zie thil haw chuh thuok a, lopina a lut ding him hilo ahim?” a ti a.

1 PETER 4:13

Krista thawkna thuokpih te na hih ziekun, kipâk zawu un; khutichun, a lopina a hung kilak tieng leh, nanguh le lawp takin um thei unlau.