1 PETER 2:2 - PATHIEN LEKHABU THIENGTHO (BSI)

² Haihsan unla, chasen, piengthakte bangin, thagau lam nawitui, bangmah tawh hel loh, na dâwn uh a, na hung khanlet uh a, hukdam na hung hih theihna dinguh chuh utchau in.

1 PETER 2:2 ပူးပေါင်းရင်းမြစ်များ

2 SAMUEL 23:5

“Ka inkuon u chu Pathien kawma kipat hilo ahim? Kumlekhuo thugawlh ka kawmah a gawlh a, Bangkim kitûp leh hihdet kêi in; ka hukdamna kim leh duhthusam kim, seldawk sak lo ding ahi a ahim?

JOB LEHKHABU THE BOOK OF JOB 17:9

Hilele, mi kitûp chun a lampi ngei a tu zing sek a, Kuole khut thiengtho nei chuh hât deuh deuh in a.

THUCHINGTE 4:18

Himahleh, mifel lampi chuh zing khawvak bang ahi a, sun chang lai tak bangin a vak hawih deuh deuh hi.

HOSEA 14:5

Israel a ding chun van dâichîm tawbang hi’ng ka ting, lili bangin vul un tin, Lebanon tânga thing bangin det takin zung khawh un tin;

HOSEA 14:7

Khatvei ka humbitna nuoi ah cheng kit un tin, huon thai bangin kiduoh hut hut un tin, grep huon bangin gah suong un tin, Lebanon a uain bangin hung minthang in a.

HOSEA 6:3

Lalpa hetna chuh delh zel hitiu, hêi tingun,Lalpa chuh het guo tai tiu. Zingkal a khuo hung vak zel tawbang leh, guoh tui in lei a chapchêk bang hin matheilo in I kawm u ah hung in a.”

MALAKI 4:2

Himahleh, nang haw ka thupiek zawpte ding chun, Dikna ni hung suok in tin, a thate a sukdamna tawh. Tichun, chieh dawk in na tin un, bâwngno a a kul a kithahdawk bang in khanglien un lau.

MATTHAI 18:3

Tihtakzet a ka hilh na hiu hi, Na kihei u a, chapang neucha bang na hung hih loh u chun, van gam ah lut hiel puo’n lau.

MATTHAI 19:14

Isu chun la, “Chapang neucha cha chuh ka kawmah hun sawl unla, haw kiu in; van gam chuh ziehaw tawbanga ding hi ahii,” a ti a.

MARK 10:15

Tihtakzet a ka hun hilh na hiu hi, kuole, chapang neute banga Pathien gam lawp lo chuh, a sung ah lut puo’n a,” a ti a.

LUKE 18:17

Tihtakzet a ka hilh na hiu hi, kuole, Pathien gam chuh naupangin a lawp guola lawp lo ta chuh a sung ah lut hiel puo’n au,” a ti a.

ROME 6:4

Zieziekchun, a thihna a baptistma I chanu’n, a mah tawh vuih in I um tau a; Pa lopina’n mithi lak apat Krista a kaihthawh guol khan, ei u le hinna thak a I um theihna dingun.

1 KORINTH 14:20

Suohpihte, ngaihtuohna lam ah chapang kiu inla, thil gilo lama vang, nau sen unla; na ngaihtuohna lam u vang achun, piting hiu un.

EPHESI 2:21

Amah chuh, suongphuh chuom chuom kituok taka suktuoh a, Lalpa dinga Ho-In thiengtho hi dinga khan sakpa chuh ahi.

EPHESI 4:15

hehpih a thudik tak gen in, bangakai ah amah ah khanglien thei zawi tiu, amah chuh luchang ahi ngâl a, Krista ngêi chuh.

2 THESSALONIKA 1:3

Suohpihte haw, nangmau haw chungchâng thu ahin, Pathien kawmah kipahthu gen zing ding him ka hiu hi. Zie chuh kei uh dingin hih ding kilawm mawng a hi a; na taksannau chuh nasa taka a hung khanlet tâk ziekin leh mi dangte chunga nangmau haw chietin hehpihna na neih uh chuh a hung pun zawksem tâk ziekin.

1 PETER 1:23

Chi siethei lak ah hilo in, Pathien thu hing leh, um zing achun, chi siethei lo laka piengthak na hi zaw ngâl u a,

2 PETER 3:18

Amahvang chuh, I Lalpau leh Hukdampa Isu Krista lungsietna leh hetna achun na khanglien un. Tuhin leh kumkhuo’n, amah kawm achun lopina um ta hen. Amen.