1 PETER 2:19 - PATHIEN LEKHABU THIENGTHO (BSI)

¹⁹ Mi’n, Pathien deih bang a hetthiem ziekin, thuok loh ding ding thuok a, a lungkham chun, zie chuh Pathien pawm tâk ahi.

1 PETER 2:19 ပူးပေါင်းရင်းမြစ်များ

1 PETER 2:20

Na gitloh uh a, khutthak na thuok uh chun, thuokhat mahleu chin le, pahchakna banga na lawh sek uh? Amahvang chuh, thil na hih phat ziekuh a thuok a, thuokhat taka na um uh chun, zie chuh Pathien pawm tâk ahi.

1 KORINTH 15:10

Himahlele, Pathien lungsietna vangin, ka hih hih ka hi tai; chun, a lungsietna ei piek chuh, a thawn in a um puoi. Khutih malak in, sawlchak dangte cheng sangin ka sep gim zawk bawn ahi, himahleh, keima’n ka sem puoh a, Pathien lungsietna chun keimah a a sep zawk ahi.

LUKE 6:32

“Nanguh hun hehpihte mah na hehpih u hin, kipahman banga na muh dinguh? Mi gilote’n le amau hehpihte chuh a hehpih thuk sek uh a puo.

ROME 13:5

Zieziekchun, lungnat lauh ziek mai hilo in, na sie leh pha hetna vangin le, vaihawmpa thu thu a na um ding him ahi.

JOHAN 15:21

Himahleh, keia na hih ziekun ziehaw cheng hi na chungu ah hih un au, ei sawlpa a het loh ziekun.

2 TIMOTHE 1:12

Zieziekchun ahi, zie thil haw hi ka thuok chuh. Himahlele, ka zakcha a puoi, ka taksan pên pa chuh ka he a, a kawma ka vawp sak chuh zie Ni a ding chun a vawppha thei hi tih chientakin ka he ngâl a.

2 KORINTH 8:1

Chun, suohpihte, Makedonia gam sapchuom haw lawite laka Pathien hehpihna kipie chuh hun hetsak ding ka hiu hi.

2 KORINTH 1:12

Ka kipahna pên u chuh, zie khawvel a ka hindan u leh, nang haw tawh I kizawpnau hi, Pathien apat a, thieng tak leh dikna leh; mihing chitna hilo in, Pathien hehpihna thilhih theihna ahi tih, ka sie leh pha hetnau hin ei hetpihna hi ahi.

SAM LEHKHABU THE PSALMS 119:86

Na thupiek chengcheng a muon-um hi: Amau chun diklo takin ei simmawh sek u a; ei panpih in.

SAM LEHKHABU THE PSALMS 69:4

Aziek beia ei mudah haw chu ka sam zang sangin a tam u a Diklo taka ei do a ei sukmang guo te chu mihat tak ahiu: Khutichun, ka lak loh hiel chu ka ditkit dinga ahim?

SAM LEHKHABU THE PSALMS 38:19

Himahlele, a ziek beia ei dote chuh a hât u a: Diklo taka ei mudahte chuh a pung a.

SAM LEHKHABU THE PSALMS 35:19

Ka melma hawu chun diklo takin ei eu kiu hen: Aziek beia ei mudah te chuh a mit un kiho zuol zuol kiu hen.

JOB LEHKHABU THE BOOK OF JOB 21:27

Diklo taka ka chunga na suongtuoh teu chuh ka he vek hi,

NASEPTE 11:23

Amah chuh a va tun phet chun, Pathien in a mite a lungsiet zie chuh a mu a, a kipâk mah mah a, Lalpa a dinga ginum tak leh, tupna det taka um zing dingin, a bawn u chun a tîlkhoh ta a.

HEBRAI 10:2

Khuti hi kileh, Pathien hote chuh khatvei a sukthien ngâla um in, gitloh zieka mawh kichansakna um ta lo in, kithawih haihsan ta khawp lo ding ahiu hi?

1 PETER 4:15

Himahlele, na lak uh a kuoma’n, tuolthat a hih ziekin ahim, gucha a hih ziekin ahim, thil gilo hih a hih ziekin ahim, mi dangte thilhih chawkbuoi a hih ziekin a him in thuok kihen.