1 PETER 2:15 - PATHIEN LEKHABU THIENGTHO (BSI)

¹⁵ Mingawlte thugen ngawlhuoi takte, thilpha hih a na sukthip uh hi, Pathien deihlam tak ahi ngâl a.

1 PETER 2:15 ပူးပေါင်းရင်းမြစ်များ

1 PETER 3:17

Thil gilo hih zieka thuok sang chun, Pathien phasak lam a hih chun, thilhih phat zieka thuok chuh a phazaw ngâl a.

TITA 2:8

Bangakai ah thilpha hih lam ah a tatmuh dingin kisulang inla, na kihilhnau achun nathutak zie leh, zah na umzie leh, na thugen dik zie awihmawh guol loh haw chuh sulang ah.

1 PETER 2:12

Jentel te, laka na tawihzieu chuh kilawm tak hi hen, khutichun, thil gilo hihte guola a hun gensiet sek nau achun, na thilhih phat uh a muh hawu ziekin, veh a a um tieng u leh Pathien sulopi thei un au.

MATTHAI 7:26

“Chuleh, kuole zie ka thugen haw hi za a, zawp lo chuh mi ngawl, pîlnel chunga in sa tawbang chuh ahi.

1 THESSALONIKA 5:18

Zie chuh, nangmau lam thu ah, Krista Isu achun Pathien deihlam ahi ngâl a.

1 THESSALONIKA 4:3

Pathien deihlam, na thienthona dinguh chuh ziehi ahi: kideihchakna haihsan un la;

JEREMIA 4:22

Ka mite chuh a ngawl bêk u a, ei he ngâl puou a; naupang ngawl hetna neilo bang mai ahiu hi. Thil gilo hih a thiem u a, thilpha hih dân vang a thiem puou hi.

2 PETER 2:12

Himahlele, zie ganhing lunggelna neilo, mata sukmangthai mai dinga sa a piengte bang hin, thil a hetlohteu chuh a gensie sek ui. Zieziekchun, amau sietna ziekin beimang ding ahiu hi.

ROME 1:21

Pathien he ngâl in, Pathien guolin a limbawl puou a, kipah thu le a gen diek puou hi; himahleh, thil manloh te ngaihtuoh in, a lunggil uh a hung thim ta a.

THUCHINGTE 9:6

Nang haw mingawl te haw, mingawngte lampi chuh taihsan unla, hing un. Hetthiemna lampi chuh zui zawu in” ti’n.

JOB LEHKHABU THE BOOK OF JOB 2:10

Himahleh, amah chun a kawmah, “Nang hi numei ngawl pau a pau na hi hi. Pathien kawma pat in thilpha I mu a, bang ziekin e thil phalo le I muh loh ding?” a ti a. Ziehaw cheng chenga hin Job chun thu phalo a gen puoi.

JUDA 1:10

Himahlele, ziete haw hin, thil a het loh chenguh a gensie sek uh a, gamsa haw banga pienpih hetna a neihteu chuh, ziete mawng chun amau haw chuh a sumangthai sek ahi.

1 PETER 4:2

Zieziekchun, tu a kipat hin, zie leisiet a na hin sung chenguh chun, Pathien deihlam a um in, mihiem utna banga um ta lo in hing un.

1 TIMOTHE 1:13

Taksanum a ei ngaih tâk ziek hin. Himahlele, taksanna ka neih nai loh ziek leh, ka thilhih chuh bang ahih helo a ka hih a hih ziekin, Pathien chuh ka chungah a zahngai a.

SAM LEHKHABU THE PSALMS 107:42

Mi diktatte chun zie chuh muu intin uh, kipâk un tin; Chun, mi nunsiete chun a kam uh a kihim tau hi.

TITA 3:3

Ei uh le makhan ngawl tak leh thu a nung lo leh, diklo I hiu a. Utchakna leh, nawpna tincheng suok a um I hiu a. I hinkhuou chuh mi muhdahna leh itthikna’n I mang uh a; mi dangte’n ei hawu a, ei un le mi dangte I hawt kit uh ahi.

GALATI 3:1

Aw Galati gama mi ngawlte haw! kuo hun dawih ngawl na hiu hi? Na maikawk uh a Isu Krista khetdên a chientaka latsak a hih mai zên tawh!

MATTHAI 25:2

A lak uh a mi nga a ngawl uh a, nga a ching ui.

SAM LEHKHABU THE PSALMS 5:5

Mi uongte chuh na mitmuh in ding thei puou intin uh, Gitlohna hih haw chengcheng na haw sek a.

JOB LEHKHABU THE BOOK OF JOB 5:16

Khutichun gimtheite chun kinepna a nei u a, Nunsietna te chun a kam uh a chih u a.

DAN NIHNA 32:6

Aw, mingawl leh chinglote haw, khutichun maw Lalpa chuh na ditthuk dinguh? Ahun hing na pa hilo maw, a hun siem, Nam khata hun siema, hun phutdet chuh?

1 PETER 3:16

Zie chuh nunnem tak leh zah tak kawmin hih un. Na sielepha hetnau chuh thieng takin vawp zing un, tichun, Krista nungzuite na hihna ziekuh a, na umdan phateu a hun gensietnau a chuh, a hun gensiete chuh sukmuolpho a a um theihna dingun.