1 PETER 2:12 - PATHIEN LEKHABU THIENGTHO (BSI)

¹² Jentel te, laka na tawihzieu chuh kilawm tak hi hen, khutichun, thil gilo hihte guola a hun gensiet sek nau achun, na thilhih phat uh a muh hawu ziekin, veh a a um tieng u leh Pathien sulopi thei un au.

1 PETER 2:12 ပူးပေါင်းရင်းမြစ်များ

1 PETER 3:16

Zie chuh nunnem tak leh zah tak kawmin hih un. Na sielepha hetnau chuh thieng takin vawp zing un, tichun, Krista nungzuite na hihna ziekuh a, na umdan phateu a hun gensietnau a chuh, a hun gensiete chuh sukmuolpho a a um theihna dingun.

MATTHAI 5:16

Zie tawbang chun na vak u chuh mi mitmuh in vak hen; khutichun, na nasep phat teu chuh muu untin, na Pau van a um chuh pakcha thei un au.

2 KORINTH 8:21

Ka thiltup u chuh, Lalpa ngaih maia hilo in, mihiem ngaih a thil kilawm le ka ngaihtuoh khawl sek uh ahi.

1 THESSALONIKA 4:12

Khutichun, awilote mitmuh in kilawm takin um thei un na tin uh, bangmah tasam in um puo’n lau.

1 TIMOTHE 4:12

Na chapanna kuoma’n ngaidau kihen, thugen lama le, tawihzie lama le, hehpihna lama le, thagau lam ale, taksanna lama le, thienthona lama le a gingchate tatmuh hi zaw’n.

JAKOB 3:13

Na laku ah kuo a ching a, thu he thei um? Kingainiem tak leh chingthei takin, a thilhih haw chuh umdan phatin latsak hen.

PHILIPPI 1:27

Bang hilele, na nunlekhan u chuh Krista Chanchin Pha tawh kimeh sak phawt un, khutichun, nangmau haw hung veh in na kawm u ah um kimahlengle, thagau munkhata ding det in lungthim munkhata Chanchin Pha taksanna lama pangkhawm in ei dote bang lam hileh lau lo in na um ui tih na chanchin uh he thei ing ka.

2 KORINTH 1:12

Ka kipahna pên u chuh, zie khawvel a ka hindan u leh, nang haw tawh I kizawpnau hi, Pathien apat a, thieng tak leh dikna leh; mihing chitna hilo in, Pathien hehpihna thilhih theihna ahi tih, ka sie leh pha hetnau hin ei hetpihna hi ahi.

2 PETER 3:11

Zie thil haw chuh khutibanga chuh mangthai suok ding ahi tih na het ziekun, Pathien ni khuo hungtun phat ding chuh,

ROME 13:13

Sun a um guolin, hawih takin um hitiu, zu dâwn buoi leh zukham a um lo in, hûk leh kideihcha a um lo in, kisuol leh kimitthîp a um lo in,

ROME 12:17

Kuo gitloh hita leh, gitloh mah in dinthuk kiu. Mi chengcheng ngaih a thil kilawm ngaihtuoh khawl zawu in.

HEBRAI 13:18

Nei paucham sak zingun. Hun tina thil diktak hih I nawp sek ziekuh hin, sielephahetna thieng tak I nei ui tih, I he ngâl uh a.

1 TIMOTHE 2:2

Lengte leh panmun liente chengcheng dingin le; Pathien khawksak leh, kilungtuok a, lungmuong taka I khawsak theihna dingun.

PHILIPPI 4:8

A chaihna kêi in suohpihte, a dik ta cheng, a zahum ta cheng, a thutak ta cheng, a thiengtho ta cheng, a deihum ta cheng, a thanpha ta cheng, phatna a um a, pahchakna a um phawt chun, ziehaw chuh ngaihtuoh un.

EPHESI 4:22

Khutichun, malai a na umdan uh mihiem lui, a milem utna zieka sie deuh deuh kha hâwk dawk unla,

SAM LEHKHABU THE PSALMS 50:23

Kuole kipah thugen kithawihna lân ta poh chun ei limbawl sek u a: Chun, a umdan vawp kitûp kawm achun Pathien hukdamna etsak ing ka,” a ti a.

HEBRAI 13:5

Na lungput uh chuh, dangka ngaihlul na tello hi hen; na thil neih hawu chung achun lungkim un; amah chun, “Bangtik chan inle hun kangbawl hiel puo’ng ka ting, thah le hun thahthawt puo’ng ka,” a ti ngâl a.

ROME 15:9

A khuotuohna vanga Jentel te’n Pathien a limbawl theihna dingun, Pathien thu a dik hi tih hetsakna’n, Krista chuh zektante zenviel in a na um ta a: “Zieziekchun, Jentel te laka chun hun pakcha’ng ka ting, Na min limbawlna dingin la sa’ng ka.” tih zik guol khan.

LUKE 19:44

Chun, nang leh na cha-na naute chuh tuol khetna’n hun nei un tin uh, na sunga suong kitieng himhim hi hâwi puo’n au, ahun vilthak viel lai uh na hetloh ziekun, khutibang ni haw chuh na chung u ah hungtung ina.” a ti a.

MATTHAI 10:25

Sinsak, a sinsakpa guola hung um leh, suok, a pu guola hung um chuh a hun set hi. In nei pên pa bawn ‘Beelzebul’ a tih u chun, a inkuonpihte chuh a hah tih na ding u e!

MATTHAI 5:11

“Mi’n kei zieka a hun gaih u a, a hun bawl gimtheih u a, lepchieh a gitlohna tin chenga a hun hêk tieng u leh hung hampha’n lau.

1 PETER 4:11

Mi kuo’nle, thu a gen chun, Pathien thu bangin gen hen, mi kuo’nle a zenviel chun, Pathien in utna a piek dungzui in zenviel hen; khutichun, Isu Krista vangin Pathien chuh thil bangakai ah limbawl in um thei ina; lopina leh vaihawmna chuh kumkhuotuong in amah a ahi ngâl a. Amen.

ISAI 10:3

Gawtna ni achun bang na hih in gamla tak apat a huihpi a hung nun tieng kuo bel ding na hi? Panpihna mu dingin khawilam ah na tai ta die? Na hauhsaknate chuh khawitak ah na selgu ta die?

SAM LEHKHABU THE PSALMS 37:14

Gimthei leh chagahte hihpuk ding leh Mi diktat te hihlum ding in, Mi dukdaklote chun chemzâm a lau a, a thalphel uh a luoi u a.

EPHESI 2:3

Zie, awilo chate tawbang mah khan, eihaw le, makhan phehlevo leh lungthim nawpna lam bawl in, I phehlevo utchaknau bangin I um vek uh a. I hihnau mâwnga le lungnatak cha mi dangte tawbang mah in, Pathien lungnatna thuok dinga guotsa him I hiu hi.

2 KORINTH 13:7

Chun, thil himhim na hih gitloh lohna dingun Pathien kawmah ka ngên sek uh a; zie chuh, kei uh ka lawhting ui tih suklatna ding hilo in, keihaw lawhsam bangin um mahleng un le, nang haw’n thil dik na hih theihna dingun ka tih zawk uh ahi.

1 KORINTH 14:25

a ngaihtuohna thuguk cheng chuh suklatin um ta’n tin, tichun, khupbawk in Pathien chibai kawmin, “Na lak uh ahin Pathien a um tak zet hi!” ti’n phuong ina.

NASEPTE 24:13

Tuhin le ei heknau thu hih, na zak in, abul bangmah sutdawk thei diek puo’n au.

NASEPTE 15:14

Pathien in amah min pu dingin, a lak uh apat mi haw ladawk dingin Jentel te a veh tûng zie thu chuh Simeon hin a na gen ta a.

LUKE 6:22

“Mihiem Chapa zieka mi’n a hun hawt u a, a hun deihloh u a, a hun gaih u a, mi phalo na hi ti a a hun gen tieng u leh mi hampha hung hi ding na hiu ui.

LUKE 1:68

“Lalpa, Israel Pathien chuh pahchak in um hen! A mite a hung veh a; tatna a siem sak ta a.

MATTHAI 9:8

Chun, mipite chun zie chuh a muh un a lau tau a, mihiemte kawma khutibang thuneihna pie Pathien chuh a pakcha tau a.

NASEPTE 25:7

Chun, Paul a hung tun phet chun, Jerusalem khuo apat a Juda hung sukte chuh a vel ah a ding u a, a hihna a sut dawk theih loh hiel uh, thukhawk tamtakin a hêk pan tau a.

DANIEL 6:4

Tichun, lawiupa dangte leh thuneitu dangte chun Daniel chunga thiem lohna ding chu a hawl tau a. Himahleh a thiemlohna ding himhim a mu thei puou a, a diklohna le a mu thei diek puou ui. A ginum mah mah ziekin amah achun sukkhelh ahim, diklohna ahim muh ding a um puoh ngâl a.

JOHAN 13:31

Chun, Juda’n a pawt san nung chun Isu’n, “Tuhin, Mihiem Chapa limbawl in a um tai, amah ziekin Pathien le limbawl in a um tai.

NASEPTE 28:22

Amahvang chuh, zie pawl, na panna pawl a mite hi gamtin ah gensiet a hiu a, nangin bangti’n a na ngaih, zak ka nuom ui,” a tiu a.

ROME 14:18

Kuon le, zie tawbanga chuh, Krista na a sep chun, Pathien kipahlam leh mihiemte pahchak in a um sek hi.

1 TIMOTHE 5:10

thilpha hih lama mi pahchak a um; numei, a chate phataka dâwn tei a, malzinte a In a na lawp thiem a, mi thiengthote keng a na sil sak a, mi lunggimte na khuotuoh a; amah mawng thilpha hihna lama kipumpiek mi hi ding ahi.

1 PETER 2:15

Mingawlte thugen ngawlhuoi takte, thilpha hih a na sukthip uh hi, Pathien deihlam tak ahi ngâl a.

RUTH 3:14

Tichun, zingkal tiengin Ruth chuh a kengthuon ah a kuol ta a, chun, khuo kimuhchet theih ma’n a tho a, “Buh phuol achun numei chuh a hung hi tih kuoma’n he kihen,” a ti a.