1 PETER 2:10 - PATHIEN LEKHABU THIENGTHO (BSI)

¹⁰ Ma khan, Pathien mi na hi puou a, tuhin chuh, a mite na hung hi tau a; makhan chuh, Pathien zahngaihna na mu puou a, tuhin chuh, Pathien hehpihna na mu ta ngâl uh a.

1 PETER 2:10 ပူးပေါင်းရင်းမြစ်များ

HOSEA 2:23

Chun, amau chuh gamsung achun thaichi guolin tuh ing ka ting; hehpih loh chuh hehpih ing ka ting; ka mi hilote kawm achun “Ka mite na hiu hi” ti’ng ka ting, amau chun ka kawmah, “Ka Pathien na hi” tin au.

HEBRAI 4:16

Khutichun, zahngaihna I muh theihna ding u leh, panpih I ngaih nau a a hun taka lungsietna panpihna I muh theihna dingun, lungsietna lalchutphah chuh hâng takin naih hitiu.

1 TIMOTHE 1:13

Taksanum a ei ngaih tâk ziek hin. Himahlele, taksanna ka neih nai loh ziek leh, ka thilhih chuh bang ahih helo a ka hih a hih ziekin, Pathien chuh ka chungah a zahngai a.

ROME 10:19

A hih leh, Israel mite’n a he puou a ahi leh? “Chi a gen kham loh te chuh mang in Nanguh hun thîk sak ing ka ting, Nam chinglote chuh mang in Nanguh hun sulungna’ng ka ting,” ti’n Mosi’n a gen masapen hi.

1 KORINTH 7:25

Tuhin, nungak thiengtho chung thu a na hun zik hawu khah gen ta leng: Lalpa apat thupiek ka nei puoh a; himahlele, Lalpa apat khuotuohna mu ka hih ziekin, ka ngaihtuoh dân hun gen ing ka.

ROME 11:30

Ma khan nanguh Jentel te hin Pathien thu na zawp puou a; himahlele, tuhin vang, Judate thu ngaih loh ziekin Pathien hehpihna chuh na chang tau hi.

2 SAMUEL 7:24

Khutichun na mi Israel te chu kumlekhuo a na mi a hung hihtheihna dingun nanga dingin na hihdet ta a; chun, Lalpa, nang chu a Pathien uh na hung hita a.