1 PETER 1:7 - PATHIEN LEKHABU THIENGTHO (BSI)

⁷ Na taksannau patepna, sana, meia etchien a hih nunga mangthai sek sanga le lul zaw chun, Isu Krista hung kilak tieng leh, pahchakna leh, limbawlna leh, lopina ding a hung hih theihna dingin.

1 PETER 1:7 ပူးပေါင်းရင်းမြစ်များ

JOB LEHKHABU THE BOOK OF JOB 23:10

Himahleh amân ka lampi hawh chuh a he a, Ei patep tieng leh sana guolin hung kilang dawk ing ka.

JAKOB 1:12

Thepna thuok hâm hâmte chuh a kipâk ui, patepa a um nung leh, hinna lallukhuk, Lalpa’n amah hehpihte kawma a tiem chuh mu ding ahi.

ISAI 48:10

Entie, ka hun thit thieng na hi ta a, himahleh, dangkathîk sukthien tawbang hilo in. Gimtheihna meikuong a laka ka hun patep na hi.

1 PETER 4:12

Deihtakte haw, na lak uh a patepna haksa tak hung um, nangmau etchetna dinga na chunguh a hungtung hi, thil bang ahim khat, um ngeilo thil hungtung guolin, maksa kiu in.

ZEKARIA 13:9

Tichun, amun thumna te chuh mei ah patep ing ka ting; dangkaguo sukthientho bangin amau hih thiengtho ing ka ting. Sana patep a um bangin amau chuh enchien ing ka. Zie tieng chuleh kei kawmah paucham untin, amau haw ngaitha’ng ka. Chun, amau chuh ka mite ahiu, ti’ng ka ting, amau haw chun, Lalpa chuh ka Pathien uh ahi, ti’n au,” tih hi Lalpa kamsuok ahi.

ROME 2:7

Thilpha bawl hâmhâm a, lopina leh limbawlna leh, manthai theih lohna hawlte kawm achun Pathien in kumsawt hinna pie’n tin,

THUCHINGTE 17:3

Hâltuina bel chuh dangkaguo a ding ahi a; hâltuina mei chuh sana a ding ahi, himahleh Lalpa chun lungthim a enchien sek hi.

MALAKI 3:3

Dangkaguo hâltui pa leh hih thiengthopa bangin chu’n tin, Levi chate chuh hih thiengtho in tin, amau haw chuh sana leh dangkaguo hih thieng bangin amau haw hih thieng ina; diktatna thillat te Lalpa masanga lat masang un.

1 KORINTH 3:13

Mitin nasep chuh, Lalpa Ni a suklat ahih phat chuleh muhin um ina. Zie ni chu leh mitin nasep chuh mei in hun sulang ding ahi a; meia patep in um intin, a hihna tak chuh muhin um ta’n a.

JUDA 1:24

Tichun, na kipalpuk lohna dinguh a hun veng thei leh, amah lopina ângsung a nin beklo hiela, kipâk taka nanguh hun tun theipa,

JEREMIA 9:7

Zieziekchun Sepaihte Lalpa chun hiti hin a tii, “Ngaitie, amau chuh sutui ing ka ting, patep ding ka hi. Ka mi, ka chanu ziek chun bang danga ka hih naklai ding le?

2 PETER 1:4

Zie tawbang chun, a thutiem lul tak leh lopi nasatak chuh ei piek I hiu a; khutichun, utchakna zieka van nuoia sietna hung um hi I taihdawk san theihna dingun leh, Pathien nunlekhan kikawppihte I hung hih theihna dingun.

1 PETER 2:4

Lalpa, Suong Hing, mihiemte’n thil manloh banga a nawlh uh, Pathien ngaih a vang chuh ten dawk leh lul tak kawm achun hung un.

MATTHAI 25:21

A pu chun a kawmah, ‘Suok pha leh taksanum, na hih pha ie; tawmchah chungah taksan na um in, tamtak chungah hun um sak ing ka, na pu kipahna ah lut ah,’ a ti a.

THUPHUON 3:10

Thuokhat dinga ka hun thupiek chuh na vawp zing ziekin, ken le khawvel a patepna, leia mi chengcheng chunga hungtung ding buoina lak apat chun hun humbit ing ka.

THUPHUON 2:10

Na thil thuok ding haw hi lau ki’n; ngaitie, patepa na um theihna dingin, Diabol chun na lak uh a mi khenkhat chuh suongkul a hun khum ding a hii; tichun, ni sawm sung gimtheihna thuok unlau. Himahlele, thih tiengin taksanum in na um in, tichun, hinna lallukhuk chuh hun pie’ng ka.

THUPHUON 1:7

Ngaitiem u, amah chuh meipi haw chunga hung ding ahi ie! Mit tin chengin amah muu un tin uh, amah sunte mawng khan tawh; khawvel a nam chengcheng in le amah kahcham un au. A hi. Amen!

1 KORINTH 4:5

Zieziekchun, a hun tun masang in kuomah zedap kiu in. Vaihawmna tawpna chuh Lalpa hung tienga ngak ding ahi a; amah chun thima thil selgûk haw chuh vak ah hun la dawk intin, lunggil a tup haw chule hun sulang ina. Zie tieng chu leh, mitin in, Pathien apat a pahchakna a lawh ding bang chiet u chuh mu ta’n au.

NASEPTE 8:20

Himahlele, Peter in a kawmah, “Na dangka hi nang tawh mang khawm hen, Pathien thilpiek dangka suma châwk na guot ziekin!

JOHAN 12:26

Kuo’n le, keia ding a sep nawp chun, ei zui heh, ka umna ah kei dinga sempa le um ina; kuo’nle, kei ding a sep chun, amah chuh Pa’n limbawl ina.

JOHAN 5:44

Nang haw, kilimbawl tuoh lawpte haw! Pathien tak a pawt, limbawlna chuh na hawl ngâl puou a; bangti’n nei gingcha thei ding u?

LUKE 12:33

Na neih chenguh zuok unla, gimtheite kawmah pieu in; van a gucha chieh lohna ah, hangin a nek siet lohna ah, dangkadip lui theilo leh gote chuh khawlkhawm zawu in.

MATTHAI 25:23

A pu chun a kawmah, ‘Suok pha leh taksanum, na hih pha ie; tawmchah chungah taksan na uma, tamtak chungah hun um sak ing ka; na pu kipahna ah lut ah,’ a ti a.

MATTHAI 19:28

Isu’n a kawmah, “Tihtakzet a ka hilh na hiu hi, Siemthakna achun Mihiem Chapa hi a lopina chutphah a chut tieng leh nanguh ei zui haw hi, Israel nam sawm leh nam nih te vaihawm sak in, Lalchutphah sawm le nih ah hung chuh ding na hiu hi.

JEREMIA 48:36

“Zieziekchun, châmngai kimut bangin ka lunggil hi Moab a dingin a gi hieu hieu a, Kirheres mite a dingin ka lungthim hi thil tumgit bangin a gi a; amau haw’n phatchuomna a a neih uh a hauhsak na teu cheng a manthai sak tâk ziekun.

THUGENPA 5:14

Himahleh zie chuh thil manloh in a subei u a, a chateu kawma piek sawn ding bangmah a nei ta puou hi.

THUCHINGTE 16:16

Pilna neih chuh sana sangin a phazaw a hetthiemna neih chuh dangkaguo sanga tel zawk ding ahi.

THUCHINGTE 8:19

Kei apat a na muh chuh sana sangin a phazaw a, sana thiengkei sangin a phazawi; chun, ka lak lut chule dangkaguo sangin.

1 SAMUEL 2:30

Zieziekchun, Lalpa Israel te Pathien chun, “Ken na inkawte leh na pa inkawte chu kumkhuo’n ka masang ah um inlau ka na ti ngut a,” a ti a; himahlele, tuhin Lalpa chun, “Um hiel puo’n lau; ei limbawlte chu limbawl ing ka ting ei musitte chu ka ngaihnepte hiding ahi ngâl u a.

THUPHUON 3:18

Na hung neihzawh theihna dingin, ka kawm apat sana, sana thieng tak hung kichâwk dingin thu ka hun piek na hi. Chun, na sangawnna zahchâk um tak chuh na khuh theihna dingin, puon vam le hung kichâwk dingin ka hun tih na hii. Na muh theihna dingin, mita nuh ding mitlo le ka kawm apat hung kichâwk dingin ka hun thumawp na hi.

2 PETER 1:1

Simon Peter, Isu Krista sawntawlawi leh sawlchak apat chun I Pathien uh leh Hukdampa Isu Krista diktatna vanga, taksanna lul tak ka chan bang uh changte kawmah:

1 PETER 2:7

Khutichun, nanguh a gingchate dingin, zie suong chuh lul tak ahi, a gingcha lote dingin vang chuh: “In sate suong deih loh khah, Zie mawng chuh a ning a suong phachuom pen a hung hi tai,” a tih kha.

1 PETER 1:5

Hun nunung a lang ding ginna a hukdamna chuh mu dingin; taksanna ziekin, Pathien thilhih theihna a ven chuh na hiu hi.

ROME 2:29

Juda mi taktak chuh sunggil lama Juda mi hi chuh Juda tak ahi; chuleh zektan tak tak chuh lungthim lama zektan ahi. Lehkha thu mai hilo in, thagau ah ahi; amah pahchak lawh chuh mihing apat ahi puoh a, Pathien apat ahi zawi.

SAM LEHKHABU THE PSALMS 17:3

Ka lunggil hi enchien inla, zan in nei hung vehtha leh chun le; Nei enchien a bangmah na mu puoh ngâla; Ka kam in gen khiel puo’n a ka ti chak kêi hi.

LUKE 17:30

Khutibang mah chun, Mihiem Chapa a hung kilak ni chu leh um ina.

ROME 2:10

Chuleh, thilpha bawl ta chengte kawm achun lopina le limbawlna le lungmuonna le piek hi’n a, chun, Juda mite kawma piek masak hi’n tin, chun, Grik mite kawma piek hi’n a.

ROME 8:19

Thilsiem chengcheng te chun, ngaklah tak mai in, Pathien chate kilâkna ding chuh a ngak ngâl u a.

1 PETER 1:13

Zieziekchun, na lungthim uh puontum chengin, pilkieu unla, Isu Krista a hung kilak tieng leh, vangsakna a hun piek ding chuh lungthuoi lo in kinem zingun.

1 PETER 4:13

Krista thawkna thuokpih te na hih ziekun, kipâk zawu un; khutichun, a lopina a hung kilak tieng leh, nanguh le lawp takin um thei unlau.

1 PETER 5:1

Khutichun, na lak uh a sapchuom lawiupate chuh, kei, na upatpih uh, Krista thuokna hetpihpa leh, lopina hung kilang ding chanpih ding pa hin ka hun tîl na hiu hi.

2 PETER 3:14

Zieziekchun, deihtakte haw, khutibang Ni khuo chuh kinem na hih ziekun, buok beklo leh paulap beia, lungmuong taka na um uh a hun muh theihna dingin, thatnawp suoh un.

KISIMNA 5:28

Amahvang numei chuh ana buok loh a, a thien chun suokcha’n tin, nau vawp zel thei ina.

JOB LEHKHABU THE BOOK OF JOB 28:1

Dangkaguo laihdawkna khuk a um ngêia, Sana thitthienna mun le a um hi.