1 PETER 1:6 - PATHIEN LEKHABU THIENGTHO (BSI)

⁶ Zie thu ahin, tuhin hun chawmcha sung chuh, patepna tin cheng leh, thuokna tin cheng ziek hin, lungkham taka na um uh kiphamawh mahleh, nasa takin lawp un;

1 PETER 1:6 ပူးပေါင်းရင်းမြစ်များ

SAM LEHKHABU THE PSALMS 119:28

Ka hinna hi lungkham ziekin a zun mang sek a: Na thu bang zel in ei hih hât in.

SAM LEHKHABU THE PSALMS 119:75

Aw Lalpa na vaihawm chuh a diktat hi tih leh, Nang in muon-um takin nei sugimthei hi tih ka hêi.

SAM LEHKHABU THE PSALMS 34:19

Mi diktatte’n sukgimtheihna tamtak a tuok ui: Himahlele Lalpa’n ziehaw chengcheng achun a hukdawk sek hi.

SAM LEHKHABU THE PSALMS 35:10

Ka guh chengcheng hin, “Lalpa, nang tawbang kuo a um? Nangin mi gimtheite chuh amau sanga hatzaw apat na humbit a, Ahi, mi gimthei leh mi chagah chuh a susiepa apat na humbit a, Nang tawbang kuo a um?” ti’n a.

SAM LEHKHABU THE PSALMS 69:20

Mi ei gensietna hi ka thasietna ahi a; nasa tak mai in ka lungkham a: Tichun, ei lungsiet ding ka hawl a, himahleh kuomah a um puoh ngâl u a; Ei thamuon ding ka hawla, himahleh, kuomah ka mu puoi.

SAM LEHKHABU THE PSALMS 9:14

Nangmah pahchak na chengcheng chuh ka hetsak theihna ding in; Zion chanu kawtpi haw achun, Nei hukdamna a hin lawp ing ka.

SAM LEHKHABU THE PSALMS 95:1

Aw hung tiem u, Lalpa chawiân in lawp takin la sa dii tiu; I kihukdamnau suongpi chawiân in lawp takin kiko hitiu.

ISAI 61:10

Lalpa achun nasa takin kipâk ing ka ting, ka lungthim le ka Pathien chung ah kipâk in a; amah chun hukdamna puon ei silh saka, diktatna puonâk chuol in ei thuom ta ngâla. moneipa chuh pakchavui a a kithuom a, mo chuh sana khite a a kichei bangin.

ISAI 61:3

Zion a lusûnte chuh vut thasanga pakchavui, lungkhamna sanga kipahna sathaute, nguoina thagau hilo a pahchakna silhlechen te a kawm u a pie ding leh, amau haw chuh diktatna thing Lalpa phuh ngêi, a thil dik hih teu zieka Pathien chuh a lopi theihna dinga sawl ka hi.

MATTHAI 11:28

“Nang haw, semgim leh puokgik puo chengcheng te haw, ka kawmah hung un la, kei man hun chawlh sak ing ka.

MATTHAI 26:37

Peter leh Zebedai chapate nih chuh a kawmah a pui a. Lungkhamna leh thaphanna te’n a hun bawm ta a;

MATTHAI 5:12

Kipak unla nasatak in lawp un, van ah na kipahman uh a um tam ngâl a; khutibangmah chun na mau a thiemgau umte khale a na bawl gimthei sek uh ahi kha.

LUKE 1:47

Ka thagau le ei hukdampa Pathien chungah a kipâk mah mah ta a.

LUKE 10:20

Himahleh, thithate na thuu a a um ziekun kipâk kiu inla, van a na min uh zik ahih ziekin kipâk zawu in,” a ti a.

LUKE 2:10

Himahleh, vânsâwlchâk chun a kawm u ah, “Lau kiu inla, ngaiun, mitin a dinga Chanchin Pha kipah-um mah mah ka hun puoksak na hiu hi!

JOHAN 16:22

Zie chuh, tu a nanguh dinmun tawbang hi ahi: tuhin na lungkham u a, himahleh, nanguh hun mu kit ing ka, tichun, na lunggil u chuh kipahna kuoma’n a hun lâksak theih loh ding chun dim ina.

JOHAN 16:33

Zie thu haw hi na kawm u ah ka gen ta hi, keimah a na um ziek u a lungmuonna na neih theihna dingun. Khawvela hin dahum thuok in na um sek ui. Himahlele, kipâk takin um un, ken khawvel ka zo tai,” a ti a.

NASEPTE 14:22

“Dahum tamtak thuokin, Pathien gam ah I lut ding him uh ahi,” ti’n, sinsakte haw lungthim a sudet u a, taksanna a chuh um zing dingin a tîl zel u a.

ROME 12:12

Kinepna lam u achun kipâk takin um unla; gimtheih thuokna lam achun, thuokhat takin um unla; pauchamna lam achun paucham tuntun un la,

ROME 5:11

Khuti chauh chuh hilo in, kichamna, tu a ei muhsak pa, Krista vang chun Pathien ah I kipâk uh ahi.

ROME 5:2

Amah ziek mah chun, zie lungsietna a I din detnau ahin, taksanna’n I lut tau a; Pathien lopina kinem in kipâkin um hitiu.

ROME 9:2

Ka lunggil ahin dahumna nasa tak leh lungngaihna hai theilo ka vawp a puo.

2 KORINTH 4:17

Chun, zie buoina neucha, mitphetlohkal a beimang ding ka thawk u hin, zie buoina sanga leh tamtak a nasa leh, kumsawt a lopina mun achun ei tun ding ahi ngâl a.

2 KORINTH 6:10

Suklungkham in ka um u a, kipâk zing ngâl in; chagah taka kilang ngâl in, mi tamtak neihzawh sak ngâl in; bangmah neilo bang in, thil cheng cheng ka nei ngâl u a.

GALATI 5:22

Himahlele, thagau gah vang chuh: hehpihna haw, lawpna haw, kichamna haw, thuokhatna haw, nunnemna haw, phatna haw; taksanumna haw,

PHILIPPI 2:26

Amah chun na bawn un a hun ngai mah mah ngâl a, a damlo a hi tih na na zak ziekun a lungkham ten mai hi!

PHILIPPI 3:3

Eihaw, Pathien Thagau zâla Pathien ho leh, Krista Isu kisuonpihte leh, phehlevo pawlam chunga zek le chan kibawlte chunga ginna ngalote hi, zektan haw I hizaw ngâl u a.

PHILIPPI 4:4

Lalpa achun kipâk zingun, ti kit zel sek ka, kipâk un!

1 THESSALONIKA 1:6

Chun, keimauhaw leh Lalpa umdan late na hiu a, chun, thuokgim mah mah leu chin le, Thagau thiengtho apat a thu hung chuh kipâk takin na na pawm tau a.

JAKOB 1:2

Ka suohpihte haw, na chunguh a patepna tin cheng a hungtun tieng chu leh, nangmau mawng chuh vangpha’n kingai un,

JAKOB 1:9

Suohpih, tasam taka um chuh, Pathien in a dawpsân phat leh kipâk hen la,

JAKOB 4:9

Lungkham un la, kiko un la, kap un; na nuihnau chuh lungkhamna suok sak unla, na lawpnau chuh lungkhamna suok hen!

1 PETER 3:17

Thil gilo hih zieka thuok sang chun, Pathien phasak lam a hih chun, thilhih phat zieka thuok chuh a phazaw ngâl a.

1 PETER 4:7

Himahlele, thil chengcheng tawpna ding chuh a nai ta a. Zieziekchun, na paucham theihna dingun, lungthim diktak pu’n, chingkieu in um un.

1 PETER 5:10

Chun, lungsietna Pathien, a kumsawt lopina chang dinga Krista a nanguh hun sampa chun, chawmkhat na thuok nung uh leh, hun siempha bukim in, hun sudet in, hun suhat ina.

1 SAMUEL 2:1

Chun, Hannah chu a paucham a: “Lalpa chungah ka lunggil a kipâk mah mah a, Ka ki chu Lalpa ah chawihsân in a um a; Ka melmate chungah ka kam suklet in a um a, Na hukdamna a chu ka kipah mah mah ziekin.