1 PETER 1:5 - PATHIEN LEKHABU THIENGTHO (BSI)

⁵ Hun nunung a lang ding ginna a hukdamna chuh mu dingin; taksanna ziekin, Pathien thilhih theihna a ven chuh na hiu hi.

1 PETER 1:5 ပူးပေါင်းရင်းမြစ်များ

JOB LEHKHABU THE BOOK OF JOB 19:25

Ei tanpa chuh a hing hi tih ka he ngâl a, ni tâwp ni leh lei chung ahin hung ding kit ding ahi ngâl a,

SAM LEHKHABU THE PSALMS 37:28

Lalpa chun vaihawmna diktat a ngaina seka, A mithiengtho haw chuh a taihsan ngei puoi, Mi diktat chuh kumlekhuo a dingin vawpphat in a um a; Himahleh, mi nunsie suonte vang chuh sukmangthai in um ina.

THUCHINGTE 2:8

Amah chun vaihawmna lampi haw chuh a venbit sak a, a mithiengthote lampi chuh a vawpphat sak hi.

ISAI 45:17

Himahleh, Israel chuh Lalpa’n a hukdam a, a zawhna chuh kumlekhuo’n um in tin; a mite chuh muolpho in um ngei puo’n au,” ti’n.

ISAI 51:6

Chunglam akhun na mit hak to unla; chun, nuoi lama lei chuh en un! Vante khu meikhu guolin hung beimang intin; lei chuh puon banga lui in sie’n tin, a sunga chêngte chuh tho bangin thi vek un au. Himahleh, ka hukdamna chuh kumlekhuo’n um intin; ka zawhna chun tawp ni nei puo’n a.

ISAI 54:17

Himahleh, bang tawbang gâlvan matchâkte’n le hun suna thei puo’n tin, vaihawmna muna thiem loh hun chan guo phawt chuh niel tha zel in na ti’n; Zie chuh Lalpa suokte gochan ahi a, a diktatnau chuh keia kipan ahi, Lalpa’n a tii.

ISAI 66:22

“Tichun, Van thak leh lei thak ka siem ding chuh, ka ma a um zing ding ahih tâk ziekin, zie tawbang chun na suonteu leh na min u chuh um zing ding ahi, Lalpa’n a tii.

JEREMIA 23:4

Amau haw ngaihsak ding belampu kawih sak ing ka ting, lau kit ta puou un tin, lungkham diek ta puou un tin uh, a mangthai himhim le um diek ta puo’n au, tih hi Lalpa kamsuok ahi.”

JEREMIA 32:40

Chun, amau chu tawh kumlekhuo a ding in thugawlh siem ing ka ting, amau phatna ding ka hih sak na apat ka kiheimang lohna ding in; a lungthim u ah kei ei lauh nau kawih ing ka ting, ei kiheimang san kit ta puo’n au.

JOHAN 12:48

Kuole, ei deih lo a, ka thugente pawm nuom lo chuh, a chungthuu tan sak ding khat a nei ui. Ni tawp ni chu leh, ka thugente ngêi hin ahi, amau haw chungthu a hun tan ding chuh!

JOHAN 17:15

Nangin, amau haw chuh khawvel apat a na lak dawk dinga ngên ka hi puoh a, migilo laka chuh na hum ding ti ka hi zawi.

JOHAN 4:14

kuole, a kawma tui ka piek ding dâwn ta chuh, kumkhuo’n a dang uh châk kit ta puo’n a, ken tui a kawm u a ka piek ding chuh a sung u ah tuinak hung um intin, kumkhuo tuonga hinna dingin kichik to ina,” a ti a.

JOHAN 5:24

“Tihtakzet, tihtakzet a ka hilh na hiu hi, kuole, ka thu he a, ei sawlpa gingcha chun, kumkhuo tuonga hinna a nei hi. Thiemmawh changin a um puoh a, himahleh, thihna apat a pawt a, hinna ah a lut zaw tai.

ROME 11:20

Ahi, a ginchak loh ziekun sukbawt in a um u a, nang na taksanna vangin na hing ahi.

ROME 8:18

Tulai a thawkna haw hi, dana I chung u a lopina suklat ding chu tawh tehkal kham in ka ngai puoi.

1 KORINTH 1:21

Pathien in a chitna chun, mihiemte’n chitna manga amah a het theih loh nung un thugen ngawlhuoi manga gingchate hukdam chuh, Pathien in pha a sa ta a.

2 KORINTH 1:24

Na taksan tei dinguh ahi ti a, na chung u a hun hih ka hi puou a; taksanna achun na ding det ui tih ka heu a. Nangmau mawng kipahna dingin. nang haw tawh sem khawm ka hi zawu hi.

GALATI 2:20

Krista kawmah khetdên in ka um ta a, himahlele, ka hing hi, himahleh, keimah vang ka hi ta puoh a; Krista chuh keimah ah a hing zaw tai. Zie hinna, tu a ka hinna mawng hi, Pathien Chapa, ei lungsiet a keia dinga A hinna piepa taksanna mah achun ka hing ta ngâla.

EPHESI 2:8

Taksanna zieka, lungsietna a hukdam na hi tau hi; zie chule nangmau a pawt ahi puoh a, Pathien thilpiek ahi;

EPHESI 3:17

chun, Krista chuh taksanna zieka na lunggil u a a chen theihna dingin le, ka ngên sek hi. Chun, hehpihna a zung khawh leh bul nei a um a,

PHILIPPI 1:6

Zieziekchun, Pathien, zie nasep pha nangmau a sem pan pa chun, Krista Isu Ni a a pitit tiengin sem zawm zel ina tih ka hechien ngâl a. Ka lunggil ah na um zing u a! Zieziekchun, tu a nang haw ka hun gel banga hun gel hi thil dik a hi him hi.

PHILIPPI 4:7

Tichun, Pathien, lungmuonna lungthim himhim a het sen loh khan, na lunggil u leh ngaihtuohna hawu chuh Krista Isu achun hun ven sak na’n a.

2 TIMOTHE 3:15

Nang hun sinsaktute chuh kuo ahi tih leh, Krista Isu taksanna zieka hukdamna mu kham a hun suching thei Pathien Lehkhabu thiengtho chuh na naupan lai apat hesa na hi ta ngâl a.

TITA 2:13

Pathien khawksaklohna leh, khawvel thil utchakna haw chuh haihsan in, tulai khang ahin pilkieu leh, diktat leh Pathien khawksa a I um dinguh ahi, tih zie hehpihna chun ei hilh ta ngâl a.

HEBRAI 6:12

Chun, thadah lo a, taksanna leh thuokhatna vanga Pathien thutiem mute hizaw dingin ka hun deih uh na hiu hi.

HEBRAI 9:28

Zie guol mah chun, Krista chu le, mi tamtak gitloh lâkmangna dingin, khatvei kithawihna’n a kipie ta ngâl a. Zieziekchun, a nih veina achun, gitloh thu ngaihtuoh ding hilo in, amah a na ngakte hukdam dingin a nih veina ah hung kilak kit ina.

1 PETER 1:13

Zieziekchun, na lungthim uh puontum chengin, pilkieu unla, Isu Krista a hung kilak tieng leh, vangsakna a hun piek ding chuh lungthuoi lo in kinem zingun.

1 PETER 4:13

Krista thawkna thuokpih te na hih ziekun, kipâk zawu un; khutichun, a lopina a hung kilak tieng leh, nanguh le lawp takin um thei unlau.

1 PETER 5:1

Khutichun, na lak uh a sapchuom lawiupate chuh, kei, na upatpih uh, Krista thuokna hetpihpa leh, lopina hung kilang ding chanpih ding pa hin ka hun tîl na hiu hi.

2 PETER 1:3

Amah lopina leh phatna zâla ei sampa, a chanchin het ziekin, a Pathien thilhih theihna’n, hinna leh Pathien khawksakna lam thu ah chun, thil chengcheng ei pie ngâl a.

1 JOHAN 3:2

Deihtakte, tuhin Pathien chate I hiu a, bangti’n a I um dinguh tih vang a kichien tadih puoi; amah a hung kilak tieng le vang, amah bangin ki-um ina tih vang I heu hi, amah chuh a um ngei bang banga mu ding I hi ngâl uh a.

JUDA 1:1

Juda, Isu Krista sawntawlawi leh, Jakob suohpihpa apat, Pathien hehpih; Isu Krista dinga sukthientho, sapa umte kawm achun:

JUDA 1:24

Tichun, na kipalpuk lohna dinguh a hun veng thei leh, amah lopina ângsung a nin beklo hiela, kipâk taka nanguh hun tun theipa,

1 SAMUEL 2:9

“A mithiengthote keng chu veng intin, Migilote vang chu thimlak ah sukthip kêi in um in au; Hatna chun kuoma’n zo ding ahi puoh ngâl u a.