1 PETER 1:4 - PATHIEN LEKHABU THIENGTHO (BSI)

⁴ Go sie theilo, buok beklo, tuoi theilo van a nanguh dinga kawih a um chuh luoh dingin,

1 PETER 1:4 ပူးပေါင်းရင်းမြစ်များ

SAM LEHKHABU THE PSALMS 31:19

Aw, na phatna chuh a nasa na maizen e, nangmah a ginna ngate dinga na hih sak chu!

SAM LEHKHABU THE PSALMS 47:4

A mah chun I go luoh ding u chuh ei tel sak intin. A hehpih Jakob kisuonpih pên gam chuh. Selah

ISAI 66:22

“Tichun, Van thak leh lei thak ka siem ding chuh, ka ma a um zing ding ahih tâk ziekin, zie tawbang chun na suonteu leh na min u chuh um zing ding ahi, Lalpa’n a tii.

EZEKIEL 47:12

A lui pang tuoka chun theikung chi tin kek intin, ziehaw chuh a nah vuoi ngeilo in, gah loh tih le um ngei puo’n tin, mun thiengtho apat a lui hung luong dawkin a chawm a hih ziekin tha chengin gah ina, a gah chuh nek ding hi’n tin, a nah chuh sukdamna ding hi’n a.”

MATTHAI 25:34

Zie phat chu leh Lalpen chun a changlama mite kawm achun, ‘Ka pa vangsakte haw, hung un la, khawvel kisiem tûng apat nang u dinga guotsa chuh luoh un.

MARK 10:17

Chun, amah chuh chieh dinga a kipat kit lai tak chun, mi khat amah lam zuonin a hung tai a, a masangah a khupdin a, “Sinsakpa pha, kumsawt a hinna ka chan theihna dingin bang ka bawl die?” ti’n a dawng a.

NASEPTE 20:32

“Tuhin, Pathien venna leh, a lungsietna thu ah ka hun vawpsak na hiu hi, zie chun a hun khanlet sak thei a, Pathien in mi chengcheng dinga vangsakna a neih chule a hun pie thei ahi.

NASEPTE 26:18

A mit uh hihvak ding leh, thimna apat a vak lama kiheisak kit ding leh, Setan thilhih theihna apat a Pathien lama kihei kit a, kei ei taksan ziek u a, a gitlohnau ngaihdama um a, Pathien mite laka go chan a neihna dingun,’ a ti a.

ROME 8:17

Khutichun, chate I hih tâk u chun, go luohpihte I hiu a; Pathien go luohte, Krista luohpihte I hiu hi; a thuoknate I thuokpih u chun, a kawmah limbawl in um ngêi hitiu.

1 KORINTH 9:25

Guolsiek bawlna haw achun a bawl hâm hâm ta chuh bangakai ah a kidêk sek ui; amau haw chun lallukhuk sie thei mu dingin a bawl u a; ei uh vang chun Lallukhuk sie theilo mu ding I hi ngâl u a.

GALATI 3:18

Chun, goluoh ding chuh Dan thupiek ziek hita leh, thutiema kinga hi ta puo’n tin; Pathien in Abraham kawma, thilpiek chuh, thutiem ziekin a na pie ngâl a.

EPHESI 1:11

Thil chengcheng hi Pathien guonggalh bang leh tih banga um ahi a; Pathien in, atûng apat a a na guotsa pansan in, Krista tawh kipumkhatna zâla amah mite hi dingin ei na tel ta ngâl a.

EPHESI 1:14

Zie Thagau chuh, Pathien in a mite kawma a thutiem chuh pie ngêi ding ahi tihna ahi a; chun, Pathien in amah a te chuh tatdawkna bukim pie ngêi ding ahi tih ei hêtchet sak hi. A lopina chuh pakchai tiu!

EPHESI 1:18

Na lungthim mit hawu sukvaka a hung um a, amah sapna kinepna haw, a mite kawma a tiem, go luoh ding lopi hauh zie haw, leh

KOLOSSA 1:12

Chun, thuokhat tak leh kipâk takin, lenggam vakna muna mithiengthote go chuh luohpih dinga ei siempa. Pa kawm achun kipahthu gen un.

KOLOSSA 1:5

Chun, thudik, Chanchin Pha ngêi chuh na kawm u a a hungtun tung lai khan, zie kinepna a hun piek thu chuh na za tau kha.

KOLOSSA 3:24

Lalpa’n a mite dinga kipahman a kawih chuh hun pie ngêi ding a hi tih hezing un. A na nasep uh, na puu tak tak chuh Krista a hi zaw ngâl a.

2 TIMOTHE 4:8

Tuhin chuh diktatna Lallukhuk chuh kei dingin kawih in a um ta a, zie chuh Lalpa a ngaihtuohpa diktat chun zie Ni chu leh ei pie’n a; kei kawm mah ah hilo in, a kilâkna ngai ta chengte kawma le hi’n a.

HEBRAI 10:34

Suongkul tânga thuokte chuh na lainat uh a, thil phazaw, kumlekhuo a um den ding chuh nangmau ngêiin van ah na nei ui tih kihet in, na thil neih teu hun lâksakte le kipâk takin na thuok ngâl uh a.

HEBRAI 9:15

Zieziekchun, Krista chuh Thugawlh Thak palai a hii, thugawlh masa nuoia sukkhelhna haw laka pat tatna’n, mi a hung thih tâk ziekin, sap a umte chun kumsawt goluoh ding thutiem chuh chang thei un au.

JAKOB 1:11

Khutibang mah chun mi neizo vang chuh sukniem a a um ziekin kithang-at zaw hen, hampa pak banga hung mangthai ding ahi ngâla.

1 PETER 3:9

Gitloh chuh gitloh in din kiu inla, vang pie zawu un. Zie zieka hi sap na hiu hi, vangpiekna chang dingin.

1 PETER 5:4

Tichun, Belam Chingpa Lalpen chuh a hung kilak tieng leh, lopina lallukhuk, tuoi theilo chuh mu’n lau.

THUPHUON 21:27

Himahlele, thil buok himhim khawpi achun lut puo’n tin, thil muhdahum hihte leh, lepchieh gente le lut diek puo’n au. Belamno Hinna Lehkhabu a min a zikteu maicha lut un au.