1 PETER 1:3 - PATHIEN LEKHABU THIENGTHO (BSI)

³ I Lalpau Isu Krista Pathien leh Pa chuh pahchak in um hen. Amah chun a zahngaihna nasatak dungzui zelin, mithi lak apat Isu Krista thawhkitna vangin, kinepna hing mu dingin hinna thak ei pie a.

1 PETER 1:3 ပူးပေါင်းရင်းမြစ်များ

1 LENGTE 8:15

Chun, amah chun, “Lalpa Israel te Pathien, amah kam ngêi a ka pa David kawma a gen, hun pitin sak tu chuh vangsak in um hen.

1 KHANGTHUBU 29:20

Chun, zie zawh chun David in mipi cheng chengte kawm achun, “Khaile, Lalpa na Pathien u chuh pakchau un,” a ti a. Tichun, mipi chengcheng chun Lalpa, a pileputeu Pathien chu a pakchau a, a khun u a, Lalpa leh leng chuh chibai a bûk u a.

2 KHANGTHUBU 31:8

Hezekia leh a miliente chun a vak muh u chun Lalpa leh a mi Israel te chuh a vangsak u a.

SAM LEHKHABU THE PSALMS 41:13

Lalpa, Israel Pathien chuh, Kumsawt apat kumsawt tiengin pahchak in um hen. Amen, Amen.

SAM LEHKHABU THE PSALMS 86:15

Himahlele, Aw Lalpa, nang chuh lainatna a dim Pathien, mi lungsiet thei, Lungnieng, chitna leh thutak a dim na hi.

SAM LEHKHABU THE PSALMS 86:5

Aw Lalpa nang chuh na pha a, na ngaidam seka, A hun sam tapoh chungah zahngaihna na hau ngâla:

PAWTDAWKNA 34:6

Lalpa chun a masang lam achun a chiehpel a, “Kei hi Lalpa, Lalpa Pathien, zahngaihna a dim, lainat thei tak, dawhhat tak, lungsietna leh thutak a dim,

ISAI 26:19

Na mithi te chuh hung hing kit untin, a luongteu chuh hung tho kit ina. Aw nang haw leivui a ipmute haw, hung tho unla, kipahna la sau in. Na dâichîm chuh thaichi dâichîm bang ahi a, hun sawt taka ana thite chuh lei hin hun paih dawk ding ahi ngâl a, tih hi.

JONA 4:2

Lalpa kawmah a paucham a, “Aw Lalpa, ziehi ka gam u a ka um laia ka gen kha hilo ahim? Zieziek ahih Tarshis lama taimang zieng ka hi kha! Nang hi mi lungsiet thiem leh hehpih thiem Pathien, lungna vak lo; dettaka lungsietna nei zing Pathien, thil phalo apat kisik kit thei Pathien leh mi gawt zieng lo na hi tih ka he a.

JOHAN 1:13

Ziete haw chuh thisan hin a hi puou a, phehlevo deihlam a hin ahi puou a pasal deihlam a hin le ahi diek puou a, Pathien hin ahi zawu hi.

ROME 12:12

Kinepna lam u achun kipâk takin um unla; gimtheih thuokna lam achun, thuokhat takin um unla; pauchamna lam achun paucham tuntun un la,

ROME 15:13

Thagau thiengtho thilhih theihna zieka kinepna na hauh theihna dingun, kinepna Pathien chun, na ginchak ziekun, a kipakna leh chamna tin chengin hun hihdim hen.

ROME 4:25

Isu chuh I gitloh ziekun thah in a um a, thiem I channa dingun kaihthawh in a um ta ngâl a.

ROME 5:10

Melma I hih lai u a bawn, a Chapa thihna vanga Pathien tawh na kichamsa I hih chun, kichama I um tâk nung u hin, a hinna vangin hukdam in um ngêi hitiu.

ROME 8:11

Himahlele, mithi lak apat a Isu kaitho kit pa, Pathien Thagau chuh nangmau a um Thagau zal chun, na sapum uh thi theite chuh suhing ina.

ROME 8:24

Zie kineppih dinga chuh hukdama um I hiu hi, himahlele, muh theih zing kinepna hi kinepna dik ahi puoi. Mi’n a muh zingsa chuh, bangti’n a a na kinep theih ding?

1 KORINTH 13:13

Khutichun, zie thum te: taksannate, kinepnate, hehpihna te hi um zing ina; chun, ziehaw laka hin a lopipen chuh, hehpihna hi ahi.

1 KORINTH 15:20

Himahlele, Krista chuh, mithi lak apat kaihthawh in a um hi tih hi thudik ahi a; mithite thawh mapuipa a hung hi tai.

2 KORINTH 1:3

I Lalpau Isu Krista Pathien leh Pa, khuotuohna cheng Pa leh lungbihna cheng Pathien chuh, pahchak in um hen.

GALATI 6:16

Zie tawbang ngaihdan zui ta chengte chunga chun kichamna leh kikhawtuohna um hen la, amau haw leh Pathien mipite chung ngeia tawh um ta hen!

EPHESI 1:17

chun, I Lalpau Isu Krista, Pa lopitak kawm achun, amah na kawmuh a a hung kilak a, na het theihna dingun, chitna thagau hun pie dingin ka ngên sek hi.

EPHESI 1:3

I Lalpau Isu Krista leh Pa chuh pahchak in um hen! Amah chun, vanmun haw akhun Krista achun thagau lam vang sakna tincheng tawh vang ei pie a.

EPHESI 1:7

Krista thisan ziekin amah achun I kitatnau I nei tau a, a lungsietna hauh dungzuia I sukkhelhnau ngaihdamna chuh.

EPHESI 2:4

Himahlele. Pathien chun khuotuohna a hau a, a mi hehpihna nasatak ziek khan,

EPHESI 3:20

Chun, I ngetnau leh ngaihtuohnau sanga thilhih-theihna tawh eihaw laka nasem thei:

KOLOSSA 1:23

Zieziekchun, bul nei a dettaka um in, Chanchin Pha na zak uh a kinepna apana kichawn mang lo in, taksanna achun um zing un. Zie Chanchin Pha khawvel a mi chengcheng kawma tângsappih a um kha, Kei Paul ngêi hi zie zenviel nasem a chuh pang ka hi.

KOLOSSA 1:27

Pathien thiltup chuh, thuguk hausa tak leh lopi tak, mi cheng chenga dinga a kawih, a mite kawma hetsak chuh ahi. Zie thuguk chuh Krista nangmau a um, Pathien lopina na kikawppih ding u chuh ahi.

1 THESSALONIKA 1:3

ka pauchamnau haw achun na min uh lo in, nangmau haw, na bawnchau a dingin Pathien kawmah kipahthu ka gen zing sek ui.

1 THESSALONIKA 4:13

Himahlele, suohpihte, mi dang kinepna himhim neilote banga na lungkham lohna dingun, ipmute chanchin na het loh uh ka nuom puoi.

2 THESSALONIKA 2:16

Tichun, I Lalpau Isu Krista mawng leh, Pathien I Pau, ei hehpihpa leh, a lungsietna vanga, hansanna thâwn lo leh, kinepna det ei piepa chun,

1 TIMOTHE 1:14

Tichun, I Lalpau chun, a zahngaihna nasatak chuh ka chunga hun sungtha’n, Krista Isu tawh kipumkhatna zieka I neih uh, taksanna leh lungsietna chuh ei pie ta a.

TITA 2:13

Pathien khawksaklohna leh, khawvel thil utchakna haw chuh haihsan in, tulai khang ahin pilkieu leh, diktat leh Pathien khawksa a I um dinguh ahi, tih zie hehpihna chun ei hilh ta ngâl a.

HEBRAI 3:6

Krista vang chuh, Pathien inkawte laka Chapa taksanum ahi. A inkawte chuh eimau haw hi I hiu a, a tâwp chana I hansannau leh, I kinepnau leh I suonnau hi dettaka I tukchak phawt u chun.

JAKOB 1:18

A thilsiem haw laka gah masa I hung hih theihna dingun, amah deihlam a Thutak a chuh ei hin uh I hiu hi.

1 PETER 1:13

Zieziekchun, na lungthim uh puontum chengin, pilkieu unla, Isu Krista a hung kilak tieng leh, vangsakna a hun piek ding chuh lungthuoi lo in kinem zingun.

1 PETER 1:21

Amah vanga, thihna apat kaithopa leh, lopina a puilutpa Pathien taksangte na hiu a; khutichun, na taksannau leh kinepnau chuh Pathien ah, sukdet a um ahi tai.

1 PETER 1:23

Chi siethei lak ah hilo in, Pathien thu hing leh, um zing achun, chi siethei lo laka piengthak na hi zaw ngâl u a,

1 PETER 2:2

Haihsan unla, chasen, piengthakte bangin, thagau lam nawitui, bangmah tawh hel loh, na dâwn uh a, na hung khanlet uh a, hukdam na hung hih theihna dinguh chuh utchau in.

1 PETER 3:15

Himahlele, na lunggil u ah Krista chuh zah tak leh Lalpa banga limbawl zingin um un. Nangmau a um, na kinepnau thu hun dawp ta chuh dâwng dingin kisazosa’n um zingun,

1 PETER 3:21

Zie chuh, baptistma, tu a nanguh hukdama na umnau etsakna chuh ahi. Zie chuh taksapum nin sawp thienna hilo in, sielepha hetna thieng taka, Pathien kawma thutiem neihna chuh ahi. Isu Krista thawhkitna vangin tuhin a hun hukdam na hiu hi;

1 PETER 3:5

Khutibang mah in, malaia numei thiengtho, Pathien a kinemte kha le, a pasalteu thu thu a nung in, a kichei sek ui;

1 JOHAN 2:29

Amah chuh mi diktat a hii tih, na hetuh chun, kuole, thil dik hih chuh, Pathien cha a hii tih na het dinguh ahi.

1 JOHAN 3:3

Kuole, Krista chunga zie kinepna nei ta chuh, amah a thien guolin a kisuthiengtho sek hi.

1 JOHAN 3:9

Kuole, Pathien hin chuh Pathien chi amah a a um ziekin gilo in a um zing zing puoi, Pathien a pieng, hih ziekin gitloh a hih zawm zing zing ta puoi.

1 JOHAN 4:7

Deihtakte, kihehpih tuoh chiet hitiu; hehpihna hi Pathien a hung kipan ahi ngâl a. Kuole, hehpihna nei ta chuh, Pathien hin ahi tau a, Pathien le a heu hi.

1 JOHAN 5:1

Kuole, Isu hi Krista a hii tih gingcha chuh Pathien cha a hi a, kuole, Pa hehpih chun, cha le a hehpih sek hi.

1 JOHAN 5:18

Kuole, Pathien cha hita chun gitloh a hih zingzing ta puoi; Pathien Chapa chun a hum bit sek ziekin. Migilo chun a suna thei puoi.

1 JOHAN 5:4

Pathien chate taphawt chun, khawvel a zo zel ngâl a, ziehi ahi, khawvel zawh a muolsuohna chuh, I taksannau hih.