1 PETER 1:22 - PATHIEN LEKHABU THIENGTHO (BSI)

²² Suohpihte, kihehpih tak tak dinga, thutak zawpa, na thagau uh na sukthien tâk ziekun, lunggil a lunglut takin kihehpih tuoh un.

1 PETER 1:22 ပူးပေါင်းရင်းမြစ်များ

1 TIMOTHE 1:5

Ka hilh lawhna pên chuh, lunggil thiengtho leh, sie le pha hetna thieng tak leh, taksanna taktak apat a hung pawt, hehpihna chuh a neih theihna dinguh ahi.

HEBRAI 13:1

Suohpih kihehpihna hi um zing hen.

1 JOHAN 4:12

Kuoma’n, bangtik lai inle Pathien a mu kha puou hi. Himahlele, I kihehpih tuoh uh chun, Pathien eimau ah um zing intin, a hehpihna le eimau ah bukim ta’n a.

1 JOHAN 4:7

Deihtakte, kihehpih tuoh chiet hitiu; hehpihna hi Pathien a hung kipan ahi ngâl a. Kuole, hehpihna nei ta chuh, Pathien hin ahi tau a, Pathien le a heu hi.

1 PETER 3:8

A chaihna kêi in, na bawn un lungthim munkhat in um unla, kilainat tuoh unla, suohpih bangin kihehpih unla, kilungsiet tuoh unla, nuoilut chuh in um un.

JAKOB 4:8

Pathien naih un, tichun ama’n hun naih ina. Mi gilote haw, na khut hawu silngim un la, lungthim mumal neilote haw, na lunggil uh suthieng un!

1 JOHAN 3:23

Chun, a thupiek chuh ziehi ahi, a Chapa Isu Krista ginchak a, Krista thu ei piek banga kihehpih tuoh hih.

2 THESSALONIKA 1:3

Suohpihte haw, nangmau haw chungchâng thu ahin, Pathien kawmah kipahthu gen zing ding him ka hiu hi. Zie chuh kei uh dingin hih ding kilawm mawng a hi a; na taksannau chuh nasa taka a hung khanlet tâk ziekin leh mi dangte chunga nangmau haw chietin hehpihna na neih uh chuh a hung pun zawksem tâk ziekin.

1 THESSALONIKA 3:12

Chun, nangmau haw lama hehpihna ka hauh bangun, nangmau haw lama kihehpih tuohna leh, mi chengcheng lama hehpihna chuh, Lalpa’n hun hihpun sak in, hun gahsuoh sak ta hen!

1 JOHAN 4:20

Mi’n, “Pathien ka hehpih ie,” ti’n, a suohpih haw leh, amah chuh lepchieh ahi. A suohpih, a muh sa zing bawn a hehpih loh chun, Pathien a muh khâk loh pa chuh bangti’n a a hehpih theih ding?

1 PETER 2:17

Mi chengcheng limbawl un. Suohpih tapoh chuh hehpih unla, Pathien lau unla, Lalpen chuh limbawl un.

NASEPTE 15:9

Chuleh, ei u leh amau khenchuom neilo in, a taksan ziekun a gitlohnateu a ngaidam a.

1 JOHAN 3:11

Ziehi atûng apat a thu na zak uh khah ahi; I kihehpih tuoh chiet dinguh ahi tih hi.

2 PETER 1:7

Na Pathien khawksaknau achun suohpih kilainatna tel sak unla, na suohpih kilainatnau achun, hehpihna tel sak un.

PHILIPPI 1:9

Na lungsietnau chuh hetna diktak leh chitna bukim tawh a hung khan zel theihna dingin ka paucham sek a:

EPHESI 4:3

Chamna kikankhawmna, thagau in a hun piek kha vawp pha dingin theihtawp in bawl un.

GALATI 5:5

Ei uh vangin, Pathien Thagau thilhih theihna zâla taksan na’n, diktatna kinepna chuh I ngak ngâl u a.

THUPHUON 2:4

Himahlele, demna ka hun nei hi, na hehpihna masapen na haih tâk ziekin.

1 PETER 4:17

Vaihawmna chuh pat a hun ta a, Pathien mite chung ahin pat hi ding ahi. Eihaw chunga pat a hih chun, Pathien apat a Chanchin Pha gingcha lote tawpna ding chuh bang tawbang phet a hi ta dem!

1 PETER 4:8

Bang cheng sangin, gunchuh takin kihehpih tuoh chiet unla, hehpihna’n gitloh tamtak a melhkhuh thei ngâl a.

HEBRAI 11:8

Taksanna ziekin Abraham chuh sapa a um lai khan, Pathien in luoh dinga a tiemna gama chieh dinga a sapna chuh a zawp ta a. Tichun, a chiehna ding nasan le he lo in a chiehdawk ta a.

HEBRAI 9:14

Krista, kumsawt a Thagau zâla melhemlo a Pathien kawma kithawihna thisan chun, Pathien hing zenviel dingin, na sielephahetnau chuh thilhih thite lak achun a hah hihthien na mai zên ding e!

HEBRAI 6:10

Na nasep u leh, a min zieka hehpihna na latsak sek uh, mithiengthote na zenvielnau, tu tieng a le na hih zing uh chuh hengilh dingin Pathien chuh mi diktatlo a hi puoh ngâl a.

2 KORINTH 6:6

Keimau mawng in Pathien zenviel te ka hihnau chuh, thienthona te, hetna te, thawkhatna te leh nunnemna te chun ka sulang sek ui. Thagau thiengtho leh lungsietna diktak leh,

JOHAN 15:17

Zie hi ka hun thupiek chuh a hi: Kihehpih tuoh chiet un.

1 PETER 3:1

Khutibang mah in nanguh zite haw, nang mau pasalte kawmah kitulut chiet un; khutichun, a lak uh a kuole, Pathien thu taksang lo um mahleu, gen thawh hilo in, ginggek a na tawihzieu pha en in,

HEBRAI 5:9

Tichun, bukim taka a um nung in, a thu zawpte chengcheng dingin, hukdamna bulpi a hung hi tai.

2 TIMOTHE 1:14

Eimau a um, Thagau Thiengtho thilhih theihna zal chun, na kawma vawp saka um kha vawppha ta’n.

1 TIMOTHE 5:2

teksepi haw chuh nu bangin; nungak deuhte chuh suohpih bangin, thiengtho takin bawl zaw’n.

1 TIMOTHE 4:12

Na chapanna kuoma’n ngaidau kihen, thugen lama le, tawihzie lama le, hehpihna lama le, thagau lam ale, taksanna lama le, thienthona lama le a gingchate tatmuh hi zaw’n.

1 TIMOTHE 1:3

Makedonia gama ka chieh ding kuon a, ka hun ngek guol khan, Ephesi khuo a um zing dingin ka hun ngek na hi. Zie taka mi khenkhat, thugin diklo sinsakte khah na sukhaih dinguh ahi.

2 THESSALONIKA 2:13

Suohpih, Lalpa deihtakte haw, Thagau Thiengtho thilhih theihna zieka, thudik gingcha a, hukdama um dinga, a masapen a Pathien in a hun tel na hih ziekun, na chungchâng thuu ahin, Pathien kawma kipahthu gen zing ding him ka hiu ui.

GALATI 3:1

Aw Galati gama mi ngawlte haw! kuo hun dawih ngawl na hiu hi? Na maikawk uh a Isu Krista khetdên a chientaka latsak a hih mai zên tawh!

GALATI 5:7

Hih vang na hih pha sek u kha uo! Thutak chuh na zawpna dinguh kuo a hun dal? Bangti’n a a hun thep zawh theih?

ROME 8:13

Phehlevo dana na um u chun thi tei ding na hiu hi; himahlele, sapum thilhihte Thagau a na suklup u chun hing un lau.

ROME 2:8

Amahvang chuh, thusie bawla, thudik zawp lo a, diktatlohna zawp zawte chung achun lungnatna leh lunggimna leh, dahumna leh lungkhamna nasatak hung um zaw’na.

ROME 1:5

Khutichun, namtin in a ginchak u a, thu zawp a a um theihna dingun, Pathien in Krista ziekin sawlchak hihna ei pie ahi.

JOHAN 17:17

Amau haw chuh thutak in hih thiengtho ah, na thu chuh thutak ahi ngâl a.

JOHAN 15:3

Na kawm u a ka thugen ziek chun, tu’nle na thiengtho pai zieng tau hi.

NASEPTE 6:7

Khutichun, Pathien thu chuh a zak zel a; Jerusalem khuo achun sinsak haw chuh a hung pung mah mah tau a; thiempute laka mi tamtak inle, taksanna chuh a awi tau hi.

JOHAN 17:19

Amau haw ziekin keimah ngêi nang kawmah ka kilân thiengtho ahi, ti a chuh, amau haw le nangmah kawma dik taka a kilân thiengtho theihna dingun.

JAKOB 1:21

Zieziekchun, thienlohna thil chîn chengcheng leh, gitlohna thilhihte chuh kawih mang un la, Pathien kawma kitulut in, a thu, nang haw hun hukdam thei, na lunggil uh a tuh chuh, kingainiem takin pawm un.

1 PETER 1:2

Isu Krista thisan theh khum zâla thu zawp ding leh Thagau Thiengtho a sukthientho, Pa Pathien hetlawk dungzuia teldawkte kawmah, Hehpihna leh thamuonna na kawm u ah sukpun in um hen.

1 PETER 3:20

Ziehaw chuh Noah kuong tuk laia, Pathien in thuokhat taka a ngak laia le, a thu zawp nuom lote thagau haw khah ahiu ui. Kuong achun mi tawmcha, a bawn u a giet chauh chuh, tui apat hukdawk in a um u a;