1 PETER 1:20 - PATHIEN LEKHABU THIENGTHO (BSI)

²⁰ Amah chuh, leisiet kisiem masang pek a, Pathien in a na guotsa a hi ta a, himahlele, tuhun nu nunglamhaw ahin, nang haw ziekin a hung kiphuong dawk a hi tai.

1 PETER 1:20 ပူးပေါင်းရင်းမြစ်များ

EPHESI 1:4

Hehpihna leh thiengtho leh nuolna beia amah masanga I um theihna dingun, leisiet kisiem ma pek a Krista a ei na telsa him I hi ngâl u a.

HEBRAI 9:26

Khuti hi kileh, khawvel kisiem a thak, vel tamtak a thuok ding ziekin. Himahlele, tulai hun tâwp ahin, gitloh lâkmangna dingin amah mawng kithawihna dinga hung kipie’n, khatvei a hung kilak a hi tai.

THUPHUON 13:8

Tichun, lei chunga um chengcheng, lei kisiem tunga thahsa Belamno Hinna Lehkhabu a min zik loh taphawtte chun, Pathien ho tawbang in ho un au.

HEBRAI 1:2

Himahleh, tuhun tâwp ahin, eihaw kawmah a Chapa achun thu a gen tai. Amah achun Pathien in vannuoi pumpi hi a siem a, amah mawng chuh thil bangakai nei dingin Pathien in a teldawk nawn a.

KOLOSSA 1:26

Zie nasep chuh, a thu, malai pek a mihiemte apat a a na selguk, tu a a mite kawma bukim taka phuondawk ding chuh ahi.

EPHESI 3:11

neite kawma khun le, Pathien chitna tincheng chuh, sapchuom haw ziekin hetsak in um thei ina.

EPHESI 3:9

tuonatâng apat a thuguk Pathien bangakai siempa a selgûk a um chuh bang ahi, tih mi chengcheng muh sak dingin, kei mi thiengtho chengcheng laka neupente sanga neuzaw kawma hin zie lungsietna chuh piek ahi.

GALATI 4:4

Himahlele, a hunbi a hungtun khan, cha hihna I muh theih na dingun.

MIKA 5:2

Himahleh, Aw nang Bethlehem Ephrathah, Juda gamsung a khawpi te laka neupen na hi a, himahlele, nang apat in Israel te vaihawm ding tungdawk ing ka, a phunggui malai pek apat a sût a um ngêi chuh.

1 JOHAN 1:2

Zie Vak chuh muh theih a a hung kiphuon phetin ka mu tau a, ka phuong dawk uh a, zie chuh Pa kawma um, keihaw kawma phuon dawka um a chanchin ka hun hilh uh khah ahi.

EPHESI 1:10

Zie thiltup, Pathien in a hunbi a hungtun phat a a sukbukim ding chuh, thilsiem chengcheng leh, van a thil umte, leia thil umte, Krista nuoia a kawih khawmna hun ding chuh ahi.

THUCHINGTE 8:23

Kum tamtak chieh ta akhan siem in ka um ta a, lei a kisiem ma him in le.

ROME 3:25

Pathien thuokhatna zâla malaia a gitlohna teu kihetloh sak a a um ziekin a diktatna etsakna dingin Krista Isu chuh a thisana ginna zieka suol thuphachawih na hiding in Pathien in a guot a.

THILSIEMBUL 3:15

Chun, nang leh numei hi hun kidosak ing ka ting; nang suonte leh numei suon le kido sak ing ka; amah chun na luchang khên thidup intin nangin a khawtalzum chu thidup in la,” a ti a.

1 JOHAN 3:8

Kuole, thilhih gilo zingzing chuh Diabol a pawt ahi: Diabol chun atûng apat thil a sukhiel ngâl a. Pathien Chapa hung kiphuon lawh pên chuh, Diabol nasep a sukmangthai theihna ding ahi.

1 JOHAN 3:5

Krista chuh gitloh haw la mang dingin a hung lang tai tih na heu hi; amah achun gitloh bangmah a um puoh ngâl a.

MATTHAI 25:34

Zie phat chu leh Lalpen chun a changlama mite kawm achun, ‘Ka pa vangsakte haw, hung un la, khawvel kisiem tûng apat nang u dinga guotsa chuh luoh un.

NASEPTE 2:23

Amah chuh Pathien lemguot leh hetlawk bangin, a matsak u a, nangun migilote khut in kross ah na khêndên u a, na sulum tau a.

ROME 8:29

Pathien in a telte chuh amah Chapa bang taka um dingin a guotlawk a, a Chapa chuh suohpih tamtak te laka Cha masapen a hung hih theihna dingin.

1 TIMOTHE 3:16

Chun, I Pathien ngaihsakna thuguk chuh, niel guol loh a lopi ahi ngâl a: “Phehlevo a hung kiphuong a, Thagau a thiem chang a; Vânsâwlchâkte’n le a muh uh, Jentel te laka tângsappih a, Khawvel pumpi a mite ginchak a, Lopina a puih toh takpa chuh.”

HEBRAI 2:14

Tichun, chapangte hi, phehlevo leh thisan neite ngêi ahiu a, zie tawbang mah chun Isu ngêi chule a mihiem hihnau chuh nei in, amau haw tawbang chuh a hung hi ta a. Zie chuh, thihna chunga thunei, Setan thahatna chuh a thihna zieka a sukmangthai theihna ding leh,

1 PETER 1:2

Isu Krista thisan theh khum zâla thu zawp ding leh Thagau Thiengtho a sukthientho, Pa Pathien hetlawk dungzuia teldawkte kawmah, Hehpihna leh thamuonna na kawm u ah sukpun in um hen.