1 PETER 1:17 - PATHIEN LEKHABU THIENGTHO (BSI)

¹⁷ Chun, zah chuom nei lo a, mitin, a nasep bang chiet uh a ngaihtuoh sek pa chuh Pa na sak uh chun, zie leisiet a na châm sung chenguh hin le, zah zing zieng un.

1 PETER 1:17 ပူးပေါင်းရင်းမြစ်များ

THILSIEMBUL 47:9

Jakob chun Pharaoh kawmah, “Ka khuolzin kum zat chuh kum za leh sawmthum ahi a: ka damsung kum haw hi a tawm in a gimtheih um hi, ei suonte khuolzin laia a damsung kum kimkhat le ahi puoi,” a ti a.

1 KHANGTHUBU 29:15

Ka pileputeu bang khan keihaw vang, na masanga hih malzin, mi kawma tham maimai bang ka hiu hi. Lei chunga damsung nite chu lim bang phet a hi a, thihna pumpelhna ding him a um puoi.

2 KHANGTHUBU 19:7

Zieziekchun Lalpa kihchau inla, chingthei takin hih u; Lalpa I Pathien u achun manlohna leh khenchuom neihna leh gawlhguk thil lak te umlo ahi,” a ti a.

JOB LEHKHABU THE BOOK OF JOB 34:19

Mi lalte chunga langkaih lo kuo a um? Mi hausate sanga mi gimtheite bawlpha zaw kuo a um? A bawn un a khutsuok ahi ngâl u a.

SAM LEHKHABU THE PSALMS 39:12

Aw Lalpa, ka pauchamna hi ngaitha’n la, ka hun uou na ahin na nakhang dawh inla; Ka mittui luong hi khawngaihsan mai ki’n: Na malzin ka hi a, Ei suonte bang a khuolzin nichuong mai ka hi ngâla.

SAM LEHKHABU THE PSALMS 89:26

Amah chun, ‘Nang chuh ka pa, Ka Pathien leh ka hukdamna suongpi na hi,’ ti’n kiko ina.

THUCHINGTE 14:16

Mipil chun gitlohna chuh a kihcha a, a taihmang san a, himahleh, mingawl vang chuh a kihansak a, amah a kipielut sek hi.

THUCHINGTE 28:14

Lalpa lau zing mi chuh mi vangpha ahi; himahleh a lungthim sukhauh te vang chuh sietna khuk ah kien au.

JEREMIA 3:19

Ken vang nam tamtak laka goluoh ding phapen, gam nuom tak mai hun pieka; cha le naute laka hun kawih ka nawp zie mai chuh! Hepa ti a nei sap a, nei zuih na a petmang lo dingin ka hun gingcha a.

ZEPHANIA 3:9

“Zie ni chuleh mite chuh pau thiengtho pie’ng ka ting, lungthim munkhat pu a, Lalpa min a sap uh a, a na a sep vek theih na dingun.

MATTHAI 16:27

Mihiem Chapa hi a vânsâwlchâkte tawh, a pa lopina a kivan a hung ding ahi ngâl a. Zie tieng chuleh vang, mitin a thilhih bang zel un din chiet ina.

MATTHAI 22:16

Tichun, a sinsakteu, Herod lawi a mite tawh a kawmah a sawl u a, ziete chun, “Sinsakpa, mi diktat na hi a, hilh tak zetin Pathien lampi thu na hilh sek a; kuomah hugin chuom le na nei puoi tih ka heu hi, kuomah maizah chuom le na nei diek puoi.

MATTHAI 6:9

Khutichun, nang haw chuh hitibang hin paucham un: ‘Ka pau van a um, Na min zah in um henla,

ROME 11:20

Ahi, a ginchak loh ziekun sukbawt in a um u a, nang na taksanna vangin na hing ahi.

2 KORINTH 1:2

Pathien I pau leh Lalpa Isu Krista kawm apat, lungsietna leh chamna na kawm u ah um hen.

2 KORINTH 5:6

Khutichun, hangsan takin ka um zing sek uh ahi. Zie phehlevo sapum in a I um sung cheng u chuh, Lalpa In apat gamla taka um I hiu hi tih I he ngâl u a.

2 KORINTH 7:1

Khutichun, deihtakte haw, zie thutiem haw chuh I neih ziekun, phehlevo leh thagau buokna chengcheng lak apat, kisuthieng hitiu, Pathien lau kawm takin, thienthona bukim in um hitiu.

2 KORINTH 7:11

Tichun, ngaitiem u! Pathien lunglam banga suklungkham a na umna mawng u chun, chittheihna te, sukkhelh neilo na hih uh kigenthiemna te: lunggimnate, lauhnate, lunghelnate, gunchuhnate, thil phalo hihte gawtna dinga kisak zawhna te nangmau ah, a siem nasa na zen e! Ziehaw chengcheng achun, na thieng ui tin na kiphawchien tau ahi.

GALATI 2:6

Chun, milien deuha a ngaihteu chule, kei tawh kilamdanna a neih chuom diek loh ziekun ziehi ka gen ahi; Pathien in, pawlam latdan in vai a hawm puoh ngâl a, zie milien haw chun le, ngaihdan thak bangmah ei pie chuom diek puou hi, tih ka gen ahi.

EPHESI 1:17

chun, I Lalpau Isu Krista, Pa lopitak kawm achun, amah na kawmuh a a hung kilak a, na het theihna dingun, chitna thagau hun pie dingin ka ngên sek hi.

EPHESI 3:14

Zieziek hin Pa, van leh leia inkuon tinin, min diktak a muhna pau masang achun,

EPHESI 6:9

Chun, nanguh, lawiupate haw, khutibang mah chun, amau haw leh nangmau haw lawiupa chuh van ah a um tih leh, amah chun deihsak chuom a nei puoi tih he’n, hutum a vau lo in, a chungu ah hih thuk un.

DAN NIHNA 10:17

Lalpa na Pathien u hi pathiente Pathien, lalpa te Lalpa, Pathien lopi tak, hât tak, tizat-um tak, deihsak chuom neilo leh gawlhgukna le la khalo ahi ngâla,

PHILIPPI 2:12

Khutichun, ka deihtakte haw, gen na ngaih zing sek bang u khan, ka um pet maia sem lo in, tu a ka umloh kal hin sem zawu un la, lau leh kilîng kawmin nangmau haw hukdamna chuh sem dawk un.

KOLOSSA 3:25

Himahleh thil diklo hihte chuh a thilhih dungzui u a chuh ditthuk a um ding ahiu a; Pathien in mitin chunga kibang taka vaihawmna nei ding a hi ngâl a.

HEBRAI 12:28

Khutichun, lalgam suklîng zawh loh I chan ziekuh hin kipâk hitiu. Zieziekchun, zah leh ginggek kawmin Pathien kipah lam nasem hitiu.

HEBRAI 4:1

Zieziekchun lau hitiu, khutilochun, a chawlhna lutna ding thutiem chuh ana um zing ngâl in, na lak uh a khatto ting lo in hung um kha vei un lau.

1 PETER 2:11

Deihtakte, malzin leh khuolzin na hih ziekuh hin, thagau do sek pa phehlevo utnate hi haihsan dingin ka hun nget na hiu hi.

1 PETER 3:15

Himahlele, na lunggil u ah Krista chuh zah tak leh Lalpa banga limbawl zingin um un. Nangmau a um, na kinepnau thu hun dawp ta chuh dâwng dingin kisazosa’n um zingun,