1 PETER 1:15 - PATHIEN LEKHABU THIENGTHO (BSI)

¹⁵ A hun sampa chuh a thientho bangin, nanguh le, na nunlekhan u ah na thiengtho zaw tau un;

1 PETER 1:15 ပူးပေါင်းရင်းမြစ်များ

MATTHAI 5:48

Khutichun, na Pau van a um a phat bukim guolin na phat bukim dinguh ahi.

2 KORINTH 7:1

Khutichun, deihtakte haw, zie thutiem haw chuh I neih ziekun, phehlevo leh thagau buokna chengcheng lak apat, kisuthieng hitiu, Pathien lau kawm takin, thienthona bukim in um hitiu.

HEBRAI 12:14

Mi chengcheng tawh kichama umna leh thienthona delh un, zie thienthona lo chun kuoma’n Lalpa mu puo’n au.

JAKOB 3:13

Na laku ah kuo a ching a, thu he thei um? Kingainiem tak leh chingthei takin, a thilhih haw chuh umdan phatin latsak hen.

1 JOHAN 3:3

Kuole, Krista chunga zie kinepna nei ta chuh, amah a thien guolin a kisuthiengtho sek hi.

1 PETER 2:12

Jentel te, laka na tawihzieu chuh kilawm tak hi hen, khutichun, thil gilo hihte guola a hun gensiet sek nau achun, na thilhih phat uh a muh hawu ziekin, veh a a um tieng u leh Pathien sulopi thei un au.

PHILIPPI 1:27

Bang hilele, na nunlekhan u chuh Krista Chanchin Pha tawh kimeh sak phawt un, khutichun, nangmau haw hung veh in na kawm u ah um kimahlengle, thagau munkhata ding det in lungthim munkhata Chanchin Pha taksanna lama pangkhawm in ei dote bang lam hileh lau lo in na um ui tih na chanchin uh he thei ing ka.

1 PETER 2:9

Himahlele, khawthim apat a pawt a, a vak maktak a lut dinga hun sampa phatna chuh na etsak theihna dingun, nanguh vang nam ten, leng thiempute, nam thiengtho, Pathien mite ngêi; na hung hi tau hi.

HEBRAI 13:5

Na lungput uh chuh, dangka ngaihlul na tello hi hen; na thil neih hawu chung achun lungkim un; amah chun, “Bangtik chan inle hun kangbawl hiel puo’ng ka ting, thah le hun thahthawt puo’ng ka,” a ti ngâl a.

TITA 3:14

Ka miteu chun le, thil tâksap tak tak haw âwng a huk theihna dingun, a hun teu chuh thilpha hihna a mat dân ding sin u hen la; hindan mantheihlo takin hing dah u hen.

ISAI 6:3

Sepaihte Lalpa chuh “A Thiengtho ie, A Thiengtho ie, A Thiengtho ie! Lei chung pumpi hi a lopina’n a dim hi,” ti’n a kidâwng tuoh, a kidâwng tuoh u a.

THUPHUON 3:7

“Chun, Philadelphia khuo a sapchuom haw lawi vânsâwlchâk kawm achun hiti hin zik ah: “Mi thiengthopa, mi dik pa, David chabi neipa, kuomah khâk loh dinga hawng a, kuomah hawn loh dinga khakpa khan, zie thu haw hi a gen a hii:

2 TIMOTHE 1:9

Amah chun ei hukdam ta a, amah mipite ngêi hi dingin ei sama, I thilhih teu ziek hilo in, amah guot ngêi leh a hehpihna ziekin a hi zawi. Zie hehpihna chuh leisiet kisiem masang in Krista Isu achun ei piek uh I hiu a,

1 TIMOTHE 4:12

Na chapanna kuoma’n ngaidau kihen, thugen lama le, tawihzie lama le, hehpihna lama le, thagau lam ale, taksanna lama le, thienthona lama le a gingchate tatmuh hi zaw’n.

PHILIPPI 3:20

Eihaw vang chuh van khuoletui hihna nei I hitau a, van apat a ei hukdampa Lal Isu hung ding chuh ngaklah takin I thil zing ui.

PHILIPPI 3:14

Khutichun, chunglam sapna, Krista Isu a Pathien sapna kipahman chuh mu dingin, kungmun lam chuh ka zawt hâm hâm sek ahi.

THUPHUON 6:10

Amau chun aw ngeih tak in, “Aw Lalpa, mi thiengtho leh diktak, bang chana lei chunga mite chunga vaihawm lo a, ka thisan phubau chuh la lo a na um ding?” ti’n a kiko u a.

1 PETER 5:10

Chun, lungsietna Pathien, a kumsawt lopina chang dinga Krista a nanguh hun sampa chun, chawmkhat na thuok nung uh leh, hun siempha bukim in, hun sudet in, hun suhat ina.

1 PETER 3:16

Zie chuh nunnem tak leh zah tak kawmin hih un. Na sielepha hetnau chuh thieng takin vawp zing un, tichun, Krista nungzuite na hihna ziekuh a, na umdan phateu a hun gensietnau a chuh, a hun gensiete chuh sukmuolpho a a um theihna dingun.

TITA 3:8

“Pathien gingcha sate chun thilpha hih ding ngaihtuoh zel hen” tih hi taksanum ahi. Zie thu haw chuh hâng taka na gen ka nawp ahi. Zie thu haw chuh mihiemte dingin a pha’n, a sawt hi.

1 THESSALONIKA 2:12

hun lungmuon a, hun hettuoksak zinga, na chung chiet u a ka hih zieu kha na he ngâl u a.

THUPHUON 4:8

Chun, ganhing lite chuh, tha gup nei chiet, a kimvel cheng leh a sung uh mita dim ahiu hi. Chun, “Lalpa Pathien, Bang cheng hihthei, umsa pa leh, um lai tak leh, hung um kit ding pa chuh, A thiengtho ie, A thiengtho ie, A thiengtho ie!” ti’n sun leh zan in a chawlnga kha puou hi.

ROME 9:24

Zie khuotuohna belhaw chuh Judate lak apat mai hilo in, Jentel te lak apat a sapte le I hiu ui.

ISAI 35:8

Zie chun lam tuongpi kithun intin, zie chuh, “THIENTHONA LAMPI,” ti’n au. Mi gilote chuh zie chun chieh puou un tin, himahleh, Pathien mite a ding hi zaw’n a; khuolzin te leh mi ngawlte nasan le zie chun gammâng puo’n au.