1 PETER 1:12 - PATHIEN LEKHABU THIENGTHO (BSI)

¹² Zie thu haw chuh, amau haw phatchuomna ding hilo in, nangmau haw mawng phatchuomna ding ahi zawi tih, Pathien in thiemgaute kawm achun a hetsak tai; zie thu haw chuh, van apat a sawl dawk, Thagau Thiengtho thilhih theihna’n, nanguh Chanchin Pha hun hilhpa khan a hun hilh na hi tau hi. Zie thil haw chuh ahi, vânsâwlchâkte nasan inle hêtchet a nawp sek uh khah.

1 PETER 1:12 ပူးပေါင်းရင်းမြစ်များ

JOHAN 15:26

“Chun, Pa kawm apat Lungmuonpa na kawm u a ka hun sawl ding chuh, Pathien chanchin diktak phuongdawk sek, Thagau chuh a hii. Amah chuh Pa kawm apat ka hun sawl ahi a, amah chun ka chanchin hun hetsak ina.

EPHESI 3:10

Khutichun, I Lalpau Krista Isu a hih a guot, a kumsawt lungtup bang zela, tu laia van mun haw a khun le, letna leh thuneihna

1 KORINTH 2:10

Himahleh, Pathien zie chuh a thagau in a thuguk chuh ei hetsak ta a. thagau chun bangakai a sut dawk sek a, Pathien thuguk na tiengin.

HEBRAI 4:2

A kawmuh a gen guol mah khan, Chanchin Pha chuh eihaw kawma le gen ahi ngâl a. Thu kigen chuh a za nau a, himahleh, amau dingin bangmah phatchuomna a um puoi; a zak u chuh taksanna a a pawm loh ziek un.

MARK 16:15

A kawm u ah, “Khawvel pumpi ah chieh un la, thilsiem tincheng kawmah Chanchin Pha gen un.

1 PETER 1:25

Lalpa thu vang chuh kumkhuo a um zing ahi,” tih ahi ngâl a. Zie chuh ahi, Chanchin pha thu a hun hilh uh khah.

THUPHUON 5:11

Chun, ka vak et kit leh, lalchutphah leh, ganhing lite leh upate kimvel achun, vânsâwlchâk sang tamtak aw hi ka vak za a! Amau haw chuh lalchutphah kimvel leh, ganhing lite leh upate kimvel achun a dinguh a,

2 KORINTH 6:6

Keimau mawng in Pathien zenviel te ka hihnau chuh, thienthona te, hetna te, thawkhatna te leh nunnemna te chun ka sulang sek ui. Thagau thiengtho leh lungsietna diktak leh,

2 KORINTH 1:22

Amah chuh, amah a ngêi I hih uh hetna dinga, tiemtehna mawhuol ei nam khumpa leh, I lunggil u a Thagau ei piepa chuh ahi kit hi.

ROME 15:19

Ziehaw chuh, thu leh thilhih in leh, melchikna leh thilmakte leh, Pathien Thagau Thiengtho mang in a hih a. Chun, Jerusalem apat a, Illurikam gam tienga ka zin lai in le, Krista Chanchin Pha chuh bukim takin ka gen zo tai.

NASEPTE 2:33

Pathien khut changlam ah limbawl in a um ta a, Thagau Thiengtho tiem chuh Pa kawm apat a mu a, na muh u leh, na het u hi a hun sunthak ahi.

DANIEL 12:13

“Aw nang Daniel, a tâwp tienga ginum in um in; nite tawpna achun châwl in na tin, hun tâwp achun na kipahman mu dinga hung thokit ding na hi ngâl a,” a ti a.

DANIEL 12:9

Amah chun, “Daniel chieh mai ah, hun tâwp a hungtun macheng chuh zie thu haw chuh khak chak leh châldet ahi ngâla,” a ti a.

HEBRAI 2:4

Chun, Pathien ngêi inle, melchikna leh thilmak tamtak te hihin, amah deih dungzuia Thagau Thiengtho thilpiek tawh amau haw chuh a hetpih a.

GALATI 1:16

Jentel te laka chanchin pha ka gen theihna dingin, a Chapa chuh, keimah kawma lungkim taka a suklat lai khan,

GALATI 1:12

Mihiemte apat ka muh le ahi diek puoi, mi’n ei hilh le ahi diek puoi. Isu Krista kilâkna zieka mu ka hizaw ngâl u a.

ROME 10:15

Sawl a hihloh u chun, bangti’n a thu a gen dinguh? “Thil pha chanchin kipah-um tunte keng chuh a hawih na e!” tih zik guol khan.

ROME 1:17

Zie mah achun taksan zawk diekna’n Pathien diktatna chuh ahung kilang a, “Mi diktat chuh ginna’n hing ina” tih zik guol khan.

LUKE 15:10

Ka hilh na hiu hi, khutibang mah chun, Pathien vânsâwlchâkte chuh, mi gilo khat kisikna chungah a kipâk mah mah sek ui.” a ti a.

MATTHAI 11:25

Zielai chun Isu’n a gen a, “Aw hepa, lei leh van a Lal, nangin miching leh mi thiemte kawmah zie thu haw hi na îm a, nausente kawma na phuon ziek hin ka hun pakchai.

AMOS 3:7

Bangakai chunga Lalpa chun, a suok thiemgaute kawma a thuguk phuong lo in bangmah a hih ngei puoi.

DANIEL 9:24

“Na mite leh na khawpi thiengtho hi gitlohna leh thil gilo apat a zalen taka a umna ding chun hapta sawmsagih hi ding ahi. Zie tieng chu leh gitlohna ngaihdam hi’n tin, vaihawmna dik chuh kumlekhuo a dinga sukdet hi’n tin. khutichun hilhlawkna thu leh kilâkna thu chuh hung tungkim intin; chuleh, Ho-In thiengtho chuh lat thak kit hi ta’n a.

1 THESSALONIKA 2:9

Suohpihte, ka sep chawl zieu leh, ka sepgim danteu kha na hezing ui; na lak uh a kuomah ka sukgiksak lohna dingun, a sun a zan a sem in, Pathien Chanchin Pha ka hun hilh sek uh na hiu kha.

LUKE 9:6

Tichun, sinsakte chuh a chieh tau a, khuo tin ah a zin viel u a, Chanchin Pha a gen zel u a, muntin ah mite a hihdam zel tau a.

LUKE 2:26

Chun, Lalpa tiem, Krista chuh a muh masang sieh thi puo’n a, ti’n a na tiem ta him a.

MATTHAI 16:17

Chun, Isu’n a kawmah, “Simon Bar Jonah, na hampha ahi; phehlevo leh thisan in a hun hetsak ahi puoh a, ka Pa van a um in a hun hetsak ahi zawi.

MATTHAI 11:27

“Ka pa’n thil chengcheng ei vawp sak tai; Pa tello in kuoma’n Chapa hi a he puoi; Chapa leh, a kawm u a Chapa’n a phuon nawpna te tihloh chun kuoma’n Pa chuh a he puoi.

ZEKARIA 12:10

Chun, David inkawte chung leh Jerusalem a chêngte chung achun lungsietna leh ngetna thagau sungtha’ng ka ting, chun, a sut pau hi hun en un tin, tichun, mi’n a chapa neihsun a sun bangin sun un tin; mi’n cha lutîl chunga a thuok bangin thuok un au.

DANIEL 10:1

Persia leng Kura lal kum thumna achun Daniel, a min Belteshazar vawh a umpa kawm achun thil a hung kilang a. Zie thil chuh a dik ngêi ahi a, zie chuh kidona lopi tak ahi; tichun, thil chuh a hethiem a, kilâkna hetthiemna a nei hi.

DANIEL 8:13

Ziephet chun, mi thiengtho te aw chuh ka za a, chun mi thiengtho dang kuo ahim in thu hun gen pa kawm achun, “Hâlmang thilpiek um zing sek te, bawhsietna suksiet a um mun thiengtho leh sepaih hawnte chuh tawhden dinga piek a hihna teu chungthu a kilâkna chuh bang chana sawt ahi die?” a ti a.

DANIEL 2:47

Leng in Daniel chuh a dâwng a a kawmah, “Zie thil kisel na phuondawk theih ziek hin na Pathien u chuh pathiente Pathien, latte lal, thil kiselte phuongdawkpa chuh a na hi ngêi hi,” a ti a.

DANIEL 2:22

Thil thuk leh thil kiselte a sulang a; thima umte le a he a, amah chuh vak chun a ûmkimvel ahi.

DANIEL 2:19

Chun, zie thuguk chuh zan kilâkna ah Daniel kawmah suklat in a hung um ta a. Tichun Daniel chun Van Pathien chuh a pakcha ta a:

ISAI 32:15

Himahleh, khatvei chuh, Pathien in a Thagau chuh hun sungtha kit intin, gam chulnung chuh lei pha hung chang kit intin, Lote chun gah hun suoh kit ina.

THUCHINGTE 1:23

Ka hun hilhgaihna hi ngaithau inla, kithu-hilhna pha chuh hun pie’ng ka ting, ka thu chuh nang haw hun hetsak ing ka.

PAWTDAWKNA 25:20

Chun, cherub te chuh kimaingat in zahngaihna chutphah chuh a thau a khuh in, a thateu chuh a zak palh ding uh ahi; zahngaihna chutphah lam chuh cherub te chun a ngat gêl gêl ding uh ahi.

HEBRAI 11:13

Ziete haw chengcheng chuh taksanna nei in a thi tau a, Pathien thil tiem haw chuh chang lo in; himahlele, ziehaw chuh gamla tak apana mu’n, a na lawp tau a, leia hin malzin leh khuolzin viel mai a hih uh a kigendawk tau a.

ISAI 53:1

“Ka thugen uh kuo a gingcha? chuleh, Lalpa khut chuh kuo chungah ahim suklata a um?

ROME 1:15

Khutichun, nanguh Rome khuo a umte kawm ale Chanchin Pha ka zawh chana gen dingin ka kisazo zing hi.

NASEPTE 16:10

Paul in zie chuh a muh zawh zawhin, Makedonia gam achun chieh ka guo zieng tau a. A kawm u a Chanchin Pha gen dingin Pathien in ei sam hi tih ka heu a.

NASEPTE 10:44

Chun, Peter in zie thu haw chuh a gen lai takin, thu ngaitha chengcheng te chung achun Thagau Thiengtho a hung tung ta a.

NASEPTE 8:25

Khutichun, amau chun Lalpa thu chuh a hetsak u a, a gen zawh un, Jerusalem khuo ah a kîkkit u a; Samari gama khuo tamtak ah Chanchin Pha chuh a gen zel tau a.

NASEPTE 4:31

Chun, a paucham zawh phet u chun, a kikhawpkhawmnau In chuh a hung lîng a, a bawn un Thagau Thiengtho in a hung dim tau a; tichun, hangsan takin Pathien thu a gen tau hi.

NASEPTE 4:8

Tichun, Peter chuh Thagau Thiengtho in a dim a, a kawm u ah, “Mipi chengcheng lawiupate leh upate haw;

JOEL 2:28

“Zie hun tieng chuleh hiti hi hung hi’n tin, mi chengcheng chungah ka Thagau sungtha’ng ka ting; tichun, na chapateu, na chanu teu in ka thu gen un tin, na teksieteu in mang in mat untin; na tangval teu in kilâkna mu’n au.

1 TIMOTHE 3:16

Chun, I Pathien ngaihsakna thuguk chuh, niel guol loh a lopi ahi ngâl a: “Phehlevo a hung kiphuong a, Thagau a thiem chang a; Vânsâwlchâkte’n le a muh uh, Jentel te laka tângsappih a, Khawvel pumpi a mite ginchak a, Lopina a puih toh takpa chuh.”

1 PETER 4:6

Taksa a um mihiemte guola vaihawm saka a um u a, thagau a Pathien banga a hin theih na ding u a a kawm u a chanchin pha gen a um ahi.