1 LENGTE 3:3 - PATHIEN LEKHABU THIENGTHO (BSI)

³ Chun, Solomon chun Lalpa a hehpih a, a pa David thuguot haw chu a zawp sek a; mun sang haw achun a kithawi a, gimlim haw a hâl sek a.

1 LENGTE 3:3 ပူးပေါင်းရင်းမြစ်များ

1 KORINTH 8:3

Amahvang chuh, kuo’nle Pathien a hehpih chun, zie pa mawng chuh amah het ahi.

SAM LEHKHABU THE PSALMS 31:23

Aw, a mi thiengtho chengcheng te, Lalpa chuh hehpih un; Lalpa chun a mi ginum chuh a humbit a, himahleh, kisathei taka hihhaw chuh nasatak in a din sek hi.

DAN NIHNA 30:16

A lampite hawh a, a thupiekte, a dante zuia a vaihawmnate tudeta Lalpa na Pathien na hehpih u a, Lalpa na Pathien u thupiek, tunia ka hun piek haw hi na zuih u chun, hung lamzang in na tin un, hung pung in na tin un, na valuoh ding gam u achun Lalpa na Pathien un hun vangsak ina.

DAN NIHNA 6:5

Lalpa na Pathien u chuh na lungthim chengcheng u a, na lunggil chengcheng u a, na hatna chengcheng u a na hehpih dinguh ahi.

1 LENGTE 3:14

Na pa David in a zuih banga ka thuguot haw leh ka thupiek haw zawp dinga ka lampite na hawh chun dam le hun damsawt sak ing ka,” a ti a.

1 LENGTE 3:6

Chun, Solomon chun, “Na suok ka pa David kha na mitmuh in thutak leh kitûp leh lunggil diktak pu a a um bang khan nangin a chungah zahngaihna nasatak na na sulang a; nangin zie phatna nasatak chu amah dingin na kawih sak a, a lalchutphah a chu ding chapa na pie a, tuni a a hung um tâk ngêi bang hin.

DAN NIHNA 30:20

Lalpa na Pathien u hehpih a, a aw ngaitha a, amah tudeta na um theihna dingun; amah chuh na hinnau, na damsawtnau ahi ngâla; khutichun na puteu Abraham leh Isak leh Jakob te kawma kihâksiela piek a tiem gam achun um ding na hiu hi,” a ti a.

DAN NIHNA 30:6

Chun, na hin theihna ding u a Lalpa na Pathien u chuh na lungthim chengcheng u leh na lunggil chengcheng u a na hehpih theihna dingun Lalpa na Pathien un nang u leh na suonteu lungthim zek hun tan sak ina.

DAN NIHNA 10:12

Khaile, Israel mite haw, na laku a Lalpa na Pathien un a ngek chuh bangmah dang ahi puoh a, na phatna dingu a Lalpa na Pathien u lau a, a lampi chengcheng chuh hawh a, amah hehpih a, na lungthim chengcheng u leh na lunggil chengcheng u a Lalpa na Pathien na chuh sema,

JAKOB 2:5

Ka suohpih deihtakte, ngaitiem u, Pathien in zie khawvel thila chagahte hi, taksanna lama neizo ding leh, amah hehpihte kawma a gam tiem chuh luoh dinga a tel hilo a hi?

JAKOB 1:12

Thepna thuok hâm hâmte chuh a kipâk ui, patepa a um nung leh, hinna lallukhuk, Lalpa’n amah hehpihte kawma a tiem chuh mu ding ahi.

ROME 8:28

Chun, Pathien hehpihte, amah guot guola a sapte ding chun, a phatna dingun bang chengah a sepsak sek hi tih I heu a;

JOHAN 14:21

“Kuole, ka thupiek haw pawm a, zawp ta chuh, ei hehpih ahii. Kuole, ei hehpih chuh Pa’n, amah le hehpih ina; ken le amah chuh hehpih ing ka ting, a kawmah kilak ing ka,” a ti a.

JOHAN 14:15

“Nangun nei hehpih u chun, ka thupiek haw chuh zawp unlau.

MATTHAI 22:37

Isu’n a kawmah, “Lalpa na Pathien chuh na lunggil chengcheng, na thagau chengcheng leh na lungthim chengcheng in na hehpih ding ahi.

2 LENGTE 18:22

“Ahihloh leh, Lalpa ka Pathien chunga kinga ka hi, na tih uh ahim? Zie chu, Lalpa umna leh maichâm, Hezekia’n, Jerusalem maichâm chauha Pathien na ho dinguh ahi ti a, a suksiet sak kha ahi.

2 LENGTE 18:4

Milim pathien hona munte chu a hihsie a, suongphuh te a hihchim a, Asher pathiente a phuk a, Mosi sumeng gûl siem, Nehushtan kiti chu a sugawp suok a. Zielai hun tieng chun Israel chate’n a limbawlna dingin, gimlimte a na hâl sek nalai uh ahi.

2 LENGTE 15:35

Himahleh, milim honate chu suksiet ahi puoh a, zie tak achun mite chun kithawihnate leh gimlim te a hâl zing sek u a. Ho-In mâllam kawtkhak chu a siempha a.

2 LENGTE 15:4

Himahlele, milim hona munte chu suksiet ahi diek puoh a; zie tak achun mite chun kithawi in, gimlimte a hâl zing sek u a.

2 LENGTE 14:4

Himahleh, milim hona munte chu a hihsie diek puoh a, mipite chun kithawihna a lân u a, gimlimte a hâl zawm zing uh ahi.

2 LENGTE 12:3

Himahleh, milim hona munte chu suksiet zawh vek ahi diek puoh a, mipite chun kithawihna leh thil gimlim hâl chu a sunzawm zing u a.

1 LENGTE 22:43

Chun, a pa Asa lampi hawh chengcheng chu amân le a hawh a; petsan lo hiel in Lalpa mitmuh in thilpha a hih sek a; ahinla munsangte chu a suchim puoh a, munsang haw achun mite chu a kithawi sek u a, gimlim te a hâl zing sek ui.

1 LENGTE 15:14

Himahlele, munsang haw chu a hihbei puoh a: Ahinla, Asa lunggil chuh a damsung chengin Lalpa lam ah a phabukim ahi.

1 LENGTE 15:3

Amah masanga a pa’n thil gilo a hih chengcheng te khah, ama’n le a hih a: a pu David lunggil bangin a lunggil chuh Pathien lam ah a dik zo puoh a.

1 LENGTE 11:38

Chun hiti hi hi’n tin, thu ka hun piek taphawt na zawpa, ka lampite na hawh a, ka suok David banga ka thuguot te leh ka thupiekte zawpa ka mitmuh a thilpha na hih chun na kawmah um zel ing ka ting: David ka sukdet bang khan inkuon dettak hun dinsak ing ka ting, Israel te hi hun pie’ng ka.

1 LENGTE 11:34

Gam pumpi vang lâksak puo’ng ka; amahvang chuh, ka thupiekte leh ka thuguot te zawpa, ka tel, ka suok David ziekin a damsung chun leng in um sak ing ka.

1 LENGTE 11:6

Chun, Solomon chun Lalpa mit muh in thil phalo a na bawl ta a, a pa David bangin Lalpa chu dettak in a zui ta puoh a.

1 LENGTE 11:4

Chun, hiti hi a hung hi a, Solomon chu a hung upat nung chun, a zite chun pathien dangte lam ah a lunggil a puih kawi sak tau a. Tichun a pa David bangin Lalpa a Pathien lam ah a lunggil chuh a hung pha bukim ta puoh a.

1 LENGTE 9:4

Chun, nang inle thu ka hun piek taphawtte guol a hih ding a na pa David um banga lunggil phatak pu leh lungthim diktak pua ka mitmuha na um a, ka thupiekte leh ka vaihawmte na zawp zing chun,

DAN NIHNA 10:13

Lalpa thupiek haw, a dân haw zuih dinga tu a thu ka hun piek pawm hi ahi.

DAN NIHNA 11:13

Chun, hiti hi hi’n tin, Lalpa na Pathien u chuh hehpih ding leh na lungthim chengcheng u leh na ngaihtuohna chengcheng u a na sem dinga ka thupiek tu a ka hun piek hi phachuomngai taka na zuih u chun,

SAM LEHKHABU THE PSALMS 145:20

Lalpa chun amah hehpihte cheng cheng chu a vawppha seka; himahleh, minunsiete vang chu sumangthai ina.

THIEMPUDANTE 17:5

Zie chuh Israel chate’n a kithawihna teu, mun danga a thah teu chuh ahun lak u a, Lalpa dinga chamna thillat kithawihna a a kithawih theih na dinguh ahi.

1 SAMUEL 9:12

Chun amau chun, “A um hi, na masang chau a kha hung ahi. Kin un; mipite munsang a a kithawih ziek uh a tu mah mah a chu khuo a hi hung ahi:

1 LENGTE 8:25

Zieziekchun, tuhin, Aw Lalpa Israel Pathien, na suok ka pa David kawma, ‘Na suonte chuh ka mitmuha na um banga a umdan u a a chittheih phawt u chun, Israel te lalchutphah a chu ding kitasam puo’n a,’ ti a na tiem tâk sa kha guitun sak in.

1 LENGTE 8:61

Khutichun a thuguot banga um ding leh a thupiek haw zawp dingin Lalpa I Pathien uh lam achun na lunggilteu phabukim hen, tuni bang hin,” ti’n Israel te kikhawm khawm haw chengcheng chuh a vangsak a.

1 LENGTE 14:8

David inkuon a kipatin lalgam ka lâksak a, zie chuh ka hun pie a: himahlele nang vang ka suok David bangin na um puoh a, amah chun chuh ka thupiek haw a vawp a, ka mitmuh ah thilpha mai hih guon a lunggil chengcheng in ei zui sek a.

1 LENGTE 14:23

Amau haw chun le tângsang cheng leh thing hing nuoi tin achun thing milim te, mihing lim te leh, munsang haw leh Asher te lim a siem u a.

1 LENGTE 15:5

Hit mi Uria chungchâng tihloh in David in Lalpa mitmuh a thilpha ahih sek ziekin leh a damsung chengcheng a hih ding a a thupiek taphawt chu a niel khâk loh ziekin;

1 LENGTE 15:11

Asa chun a pu David mah bangin Lalpa mitmuh in thilpha a bawl sek a.

1 LENGTE 22:44

Chun, Jehoshaphat chun Israel lengpa tawh kichamna a siem u a.

2 LENGTE 12:4

Chun, Joash chun thiempute chu a sama, “Ho-In a thil thiengtho, kithawihna dinga lak lutte tatna sum chengcheng te, dân ngeina guola kithawihna chunga te leh mah nawpthua kipiete chu kawihpha dingin thu a pie a.

2 LENGTE 14:3

Chun, amah chun Lalpa mitmuh in thil kitûp takin a hih sek a, a pu David vang chuh a pha puoi; a pa Joash thilhih tawbang a hih sek ziekin.

2 KHANGTHUBU 15:17

Amahvang chuh Israel gam apat milim pathien hona munte chu a um zing a, himahlele Asa lunggil chuh vai a hawm sungin a ginum zing hi.