1 KHANGTHUBU 7:29 - PATHIEN LEKHABU THIENGTHO (BSI)

²⁹ Manasseh suonte chu Bethshan khawpi te, Tanak khawpi te, Megiddo khawpite leh Dor leh a kimvela khawpite chunga chu thunei ahiu ui. Zie munte hi Jakob chapa Joseph suonte chênna mun chuh ahi.

1 KHANGTHUBU 7:29 ပူးပေါင်းရင်းမြစ်များ

THUPHUON 16:16

Khutichun, Thagau chun, lengte chuh mun khat, Hebrai pau a, “Armageddon,” a tihnau achun a puikhawm ta a.

ZEKARIA 12:11

Zie ni chuleh Jerusalem achun sûnna nasatak um intin; Megiddo guoma Hadadrimmon muna sûnna bang khah hiding ahi!

2 KHANGTHUBU 35:22

Himahleh Josia chun do a guo hâmhâm a. Leng Neko manga Pathien thugen chu a niel a, khutichun, a kisiem zatchuom a, Megiddo phai zawl achun kido dingin a chieh ta a.

2 LENGTE 23:29

Josia vaihawm lai chun, Aigupta leng Pharaoh-nekoh chu sepaihte pui in, Asuria leng tawh kido dingin Euphrates lui ah a chieh to a; leng Josia chun Aigupta sepaihte chu Megiddo mun ah dal a na guo a; tichun, kidona achun thah in a um ta a.

2 LENGTE 9:27

Himahlele, Juda leng Ahazia chun zie chu a muh phetin, a sakawlkangtalai chun Beth-Haggen khawpi lam ah a tai ta a, Jehu chun a delh a, “Amah le kangtalai a khan that ngâl un,” a ti a; tichun Ibleam khuo leng, Gur chieh tohna lampi a a chieh lai chun a suliem tau a. Khutichun Megiddo khuo ah a tailut a, zie tak achun a thi ta a.

1 LENGTE 9:15

Leng Solomon in nasema pawnggawih lawi a siem ziek chuh ziehi ahi: Lalpa In leh amah In sa ding leh Millo in dingte, Jerusalem kulhte, Hazor khawpite, Megiddo khuote, Gezer khawpite, siem dingin ahi.

1 LENGTE 4:12

Tanak khuo leh Megiddo khuo haw ah Jezreel khuo nuoi, Zerathan khuo kawm a um Beth-shean biel chengcheng leh Beth-shean apat a Abelmeholah leh Jokmeam gam vak dawh tiengin Alihud chapa Baana a chang a;

1 SAMUEL 31:10

Chun, a gâlvan chu Asteroth pathien In ah a kawih u a; a luong chu Bethshan kulh bâng ah a tâk u a.

VAIHAWMTE 5:19

Lengte’n a hun do u a, Tichun Kanaan lengte chun Megiddo lui panga; Taanak khuo a do u a, Sum lak ah phatchuomna ding a nei puou hi.