1 KHANGTHUBU 3:2 - PATHIEN LEKHABU THIENGTHO (BSI)

² A thumna chu Absalom ahi a, a nu Maakah chu Geshur leng Talmai chanu ahi. A lina chu Adonijah ahi a, a nu chu Hagith ahi a, a ngana chu Shephatia ahi a, a nu chu Abital ahi a, a gupna chu Ithream ahi a, a nu chu Eglah ahi.

1 KHANGTHUBU 3:2 ပူးပေါင်းရင်းမြစ်များ

2 SAMUEL 13:1

Chun, David chapa Absalom chun suohpih numei melhawih tak a nei a, a min chu Tamar ahi. Chun, David chapa Amnon chun amahnu chu a deihcha a.

2 SAMUEL 13:38

Khutichun Absalom chu Geshur gam ah a taimang a, zie tak achun kum thum a va um ta a.

2 SAMUEL 14:23

Khutichun Joab chu a kipan a, Geshur achun a chieh a, Absalom chu Jerusalem ah a pui ta a.

2 SAMUEL 14:32

Chun, Absalom chun Joab chu a dâwng a, “Ngaitie, bang dinga Geshur apat a hung ka him? zie tak achun um zing leng kei a dinga phazaw ta ding; ti a leng kawma sawl dingin ka hun thuthak a; leng mel chu ei muh sak inla; chun, gitlohna nei ka na hih chun ei that mai un, ti a sawl dinga ka hun thuthak leh na hung nuom puoh a ahi,” a ti a.

2 SAMUEL 15:8

Na suok hin Suria gama Geshur a ka um lai khan, ‘Lalpa’n Jerusalem a nei puihkit phawt chun Lalpa na sem ing ka,’ ti’n ka na kipautiem ta ngâl a,” a ti a.

2 SAMUEL 18:14

Khutichun Joab chun, “Hitihin na kieng ah hun mangbei maimai thei hiel puo’ng ka,” a ti a. Tichun tiengcha thum a chawi a, gangpi thing lêka a hinga kikhai nalai Absalom chu a lungchang zawn tak ah a sun a.

2 SAMUEL 18:18

Absalom chun a dam lai in leng-phaizawl achun suongphuh a na phut a; “Ka min manloh na dingin chapa la ka nei puoh ngâl in,” a ti a. Zie suongphuh min ding chun amah min a putsak a; tuni tieng hin Absalom hetzingna tih ahi tai.

2 SAMUEL 18:33

Khutichun leng chu a lungkham mah mah ta a, kulh kawtkhak chunga indan achun a chieh to a, a kap ta a: chun, a chieh toh kawm chun, “Aw, ka chapa Absalom, ka chapa Absalom, nang thasang in thi zaw mai leng aw, Aw Absalom, ka chapa, ka chapa,” a ti a.

2 SAMUEL 3:3

a bân a chu Kileab, Karmel mi Nabal zi Abigail apat ahi a; a thumna chu Absalom, Geshur leng Talmai chanu Maakah chapa a hi a;

2 SAMUEL 3:4

chun, a lina chu Adonijah, a nu Hagith ahi a; a ngana chu Shephatia, a nu Abital ahi a;

1 LENGTE 1:5

Chun, Hagith chapa Adonijah chun, “Kei leng hi ding ka hi,” ti’n a kingaisang mah mah a; kangtalai leh sakawl chung chuong mite, mi sawmnga a masanga tai dingin a guonggalh a.

1 LENGTE 1:6

A pa David chun bangtik lai inle, “Bang zieka zie tawbanga hi um na him?” ti’n a dawng in a sulungawi lo kha puoh a; amah hi mel hawih tak le ahi a, a nu’n Absalom zawh a a hin ahi.

1 LENGTE 2:22

Chun, leng Solomon chun a dâwng a, a nu kawm achun, “Bangti dana Shunam mi Abishag hi Adonijah dinga ngên na him? Lalgam hile nget sak ngâl ngâl ta; Adonijah chu ka u ahi ngâl a; amah a ding leh thiempu Abiathar leh Zeruiah chapa Joab a ding chun le ngên ta,” a ti a.

1 KHANGTHUBU 2:23

Himahleh, Geshur leh Aram chun, Jair khawpite, Kenath khuo leh khawpelhaw tawh, Khuo sawmgup a lâksak u a. Zie khawpi a chengcheng chêngte chu, Gilead pa Makir suonte chu ahiu hi.

1 KHANGTHUBU 3:1

Ziehaw hi David chapa, Hebron khuo a a hinte chu ahiu hi: a masapen chu Amnon ahi a, a nu chu Jezreel khuo a Ahinoam ahi a, a bana chu Daniel, a nu chu Karmel mi Abigail ahi.

1 KHANGTHUBU 3:3

Hebron khuo achun gup a hing a, zie tak achun kum sagih leh tha gup vai a hawm a.

JOSHUA 13:13

Amahvang chuh Geshur te leh Maakah te chuh Israel chate chun a nawhdawk puou hi; Geshur te leh Maakah te chuh tu tieng hin Israel te lak ah a cheng zing u a.