1 KHANGTHUBU 28:5 - PATHIEN LEKHABU THIENGTHO (BSI)

⁵ Ka chapate chengcheng lak achun Lalpa’n chapa tamtak ei pie a, Israel te leng dingin, Lalpa gam lalchutphah a chu dingin ka chapa Solomon hi a na tel ta a.

1 KHANGTHUBU 28:5 ပူးပေါင်းရင်းမြစ်များ

1 KHANGTHUBU 23:1

Chun, David a hung têk mah mah phet chun, a chapa Solomon chu, Israel te leng dingin a siem a.

1 KHANGTHUBU 29:23

Khutichun, Solomon chu, Lalpa lalchutphah tundawk achun, a pa David thasang in leng in a chu ta a. Leng lawhting tak ahi a, Israel nam cheng cheng chun a thu a zawp u a.

1 KHANGTHUBU 29:1

Chun, leng David in mipi cheng chengte kawm achun, “Pathien teldawk, ka chapa Solomon hi a naupang nalai a, bangmah a he thei nai tadih puoh a, a sep ding chula a nasa ngâl a; Ho-In chu mihiemte ding a hi puoh a, Lalpa Pathien a ding a hi zaw ngâl a.

1 KHANGTHUBU 17:14

ka mite leh lenggam chunga thunei in siem ing ka ting, a vaihawmna chun tâwp ni nei puo’n a,’ ” ti’n.

1 LENGTE 2:15

Amah chun, “Lalgam hi keia ahi tai tih leh, Israel te chengcheng hinle kei hi leng dingin ei thil zing ui tih na he a. Himahlele, lalgam chu ka suohpihpa dingin a hung leh um kit zaw ta a; Lalpa na guot dân in amah a hizing ana hi.

1 LENGTE 8:20

“Khutichun Lalpa’n a thu gen chu a hun hihdet ta a; Lalpa’n a tiemsa bang ngêi in ka pa David mun chuh ka hun luoh a, Israel Lalchutphah achun ka hung chu ta a, Israel Pathien, Lalpa min dingin In chuh ka hun sa ta a.

2 KHANGTHUBU 9:8

Lalpa na Pathien, na chunga kipâk, a leng dingu a lalchutphah a hun chut sak Lalpa na Pathien chu pahchak in um hen; na Pathien in Israel te kumkhuo a hihdet dingin a hehpih a, zieziekchun diktaka vaihawm dingin a leng dingu a a hun siem na hi hi,” a ti a.

DAN NIHNA 17:15

Lalpa na Pathien un a tel ngêi chuh lenga na neih dinguh ahi a; na unau lak u a ngêi lenga na siem dinguh ahi; nam chuom mi, na unau uh hilo chuh na chung u a na kawih dinguh ahi puoi.

1 LENGTE 1:13

Leng David kawmah va chieh inla, a kawmah, ‘Aw ka lalpa lengpa, nang in, Na chapa Solomon hi, kei nunga leng hung hi ngêi ngêi ding ahi, amah hi ka lalchutphah ahin hung chu ding ahi,’ ti’n na suoknu kawmah hin na kipautiem hilo ahim? Bangti dana Adonijah hi leng a pang mai ahi ta’m?” va ti’n.

1 LENGTE 1:20

Tuhin ka lalpa lengpa, nang nunga na lal chutphah a kuo a hung chu ding tin na gen ngak in Israel te chengcheng mit na chungah a chu chiet hi.

1 LENGTE 1:30

Na kawma Lalpa Israel te Pathien min pan in, ‘Na chapa Solomon hi kei nung leh vai hun hawm ngêi ngêi in a, kei thasang in ka lalchutphah ahin hung chu ding ahi,’ ti a ka kipautiemna bang khan, tuni ngêi hinle hih ding ka hi,” a ti a.

1 LENGTE 1:35

Tichun amah chuh hun zui to un na tin uh, ka lalchutphah ahin hung chu’n a. Amah hi kei thasanga leng hung hi ding ahi ngâl a; chun, amah hi Israel gam leh Juda gam vaihawm dingin ka guot ahi,” a ti a.

1 KHANGTHUBU 29:28

Tichun upa tak leh têkkûn dam in, hausa tak leh pahchak lawh in a thi ta a, a chapa Solomon chun a thasang in vai a hawm tai.