1 KHANGTHUBU 28:4 - PATHIEN LEKHABU THIENGTHO (BSI)

⁴ Himahlele, Lalpa Israel te Pathien in, ka pa inkawte chengcheng lak apat, Israel te lenga kumlekhuo a um dingin ei na tel ta a; Juda nam chu mapui dingin a na tel a; Juda namte laka ka pa inkawte; ka pa chapate lak apat Israel chengcheng leng hi dingin a na teldawk chuom ta a.

1 KHANGTHUBU 28:4 ပူးပေါင်းရင်းမြစ်များ

1 KHANGTHUBU 5:2

Juda phung chu a suohpihte laka chun a thupi pên a, nam chengcheng laka vaihawmtu ding chu, amah apat chun a hung pawtdawk a, bang cheng hileh, cha upa hihna chuh Joseph insung ah a um hi)

1 SAMUEL 16:1

Khutichun, Lalpa chun Samuel kawmah, “Israel te leng dinga ka deih tâk loh Saul ziek hin bang chana na lungkham ding? Na saki chu thau thun dim inla, chieh in, Bethlehem mi Jessai kawma hun sawl ding ka hi; a chapate laka khat leng dinga ka tel tâk ziekin,” a ti a.

1 KHANGTHUBU 17:27

Na suok inkawte hi, na deihsakna kumlekhuo a a chan theihna ding u a vangsak dingin ka hun ngên hi. Aw Lalpa, nangin vangsak inla, na vangsakna chu kumlekhuo’n a chungu ah um hen,” a ti a.

1 KHANGTHUBU 17:23

“Zieziekchun, aw Lalpa, na suok chungchâng thu leh, ka insung thu na gen chu, kumlekhuo a dingin subukim inla, na gensa bang khan hih in.

HEBRAI 7:14

I Lalpau chuh Juda phung apat a hung pieng a hii tih a kichien ngâl a, zieziekchun, Mosi’n thiempu haw chanchin a gen lai khan ziehi a gen kha.

SAM LEHKHABU THE PSALMS 108:8

Gilead chu keia ahi a; Manasseh chu keia ahi, Ephraim chule ka luchang humbitna ahi; Juda chule ka lal tiengkhut ahi.

SAM LEHKHABU THE PSALMS 60:7

Gilead chuh keia ahi a, Manasseh le keia ahi; Ephraim chule ka luchang humbitna ahi a; Juda chuh ka lal tiengkhut ahi.

SAM LEHKHABU THE PSALMS 18:19

Amah chun mun awngthawl tak ah ei puidawk a; Ka chunga a kipâk ziekin ei na hukbit tai.

1 SAMUEL 26:1

Chun, Ziph te chu Gibeah ah, Saul kawmah, a hung u a, “David chu Jeshimon saklam a Hakilah tânga kisel hilo ahim?” ti’n a va gen u a.

2 KHANGTHUBU 6:6

Amah vang chuh ka min umna dingin Jerusalem ka na tel ta a, ka mi Israel te vaihawm sak dingin David ka na tel tai,’” ti a; a gen pa, a mah khut ngêi a hun pititpa hi pahchak in um hen.

2 SAMUEL 5:3

Khutichun Israel upa chengcheng chu Hebron ah David kawm achun a chieh u a; chun leng David chun Hebron achun Lalpa masangah a kawm u ah thu a gawlh a: tichun David chu Israel te chunga leng hi dingin sathau a nuh tau a.

SAM LEHKHABU THE PSALMS 89:4

Na suonte chu kumlekhuo a dingin sudet ing ka ting, Na lalchutphah le khang chengcheng tieng in lemto ing ka.” Selah