1 KHANGTHUBU 27:1 - PATHIEN LEKHABU THIENGTHO (BSI)

¹ Chun, Israel te tam dân chu-inkuon lawiupate, sepaih sangkhat chunga lawiupate, zakhat chunga lawiupate, lam chuom chuom a leng nasem cheng cheng, kum khat sunga tha chenga thu lut leh thu pawt dungzuia kitheng zel sek haw chu mi singnih leh sangli ahiu hi.

1 KHANGTHUBU 27:1 ပူးပေါင်းရင်းမြစ်များ

MIKA 5:2

Himahleh, Aw nang Bethlehem Ephrathah, Juda gamsung a khawpi te laka neupen na hi a, himahlele, nang apat in Israel te vaihawm ding tungdawk ing ka, a phunggui malai pek apat a sût a um ngêi chuh.

1 KHANGTHUBU 28:1

Chun, David in Israel milien chengcheng chu, Jerusalem a kikhawm dingin thu a pie a. Khutichun, nam tina puitute, lenggam a vaihawm miliente, nam khat laka mapuite, leng leh a chapa teu leh a thuomphuou leh a kawihna enkawlte, leng In a miliente, sepaih lawiupate leh mi pawimawhte chengcheng chu Jerusalem ah a kikhawm u a.

1 KHANGTHUBU 13:1

Tichun, leng David chun lawiupa chengcheng, sang chunga lawiupate, leh za chunga lawiupate chu a dawng a.

1 LENGTE 5:14

Lebanon achun tha chenga kitheng zelin singkhat a sawl sek a; tha khat Lebanon ah a va um u a, amau haw In lam ah tha nih a um zel sek uh a; chun, Adoniram chu nasem a pawnggawihte lawiupa ahi.

1 LENGTE 4:27

Zie lawiupate chun amau panna tha chietah Solomon leh a dawhkhâng a an umte chengcheng haw nek ding chu a piedawk zel sek u a; piek kimloh a nei kha puou.

1 LENGTE 4:7

Chun, Solomon chun Israel te chengcheng chung achun lawiupa sawmlenih a nei a, ziehaw chun leng a dingin leh a inkawte dingin nek ding a ngaihtuoh u a; mi khat in kum khat a tha khat zel nek ding a ngaihtuoh sek uh ahi.

1 SAMUEL 8:12

chun, a sepaih sang lawiupa dingte, sawmnga lawiupa dingte’n guot intin; chun, khenkhat chu a lokai dingin, a buh ât ding in, a kidona thuomphuo siem ding in, a kangtalai matchâk siem ding in mang in a.

DAN NIHNA 1:15

Khutichun, na nam sung u a lawiupate chuh ka pawm a, na phung hawu lak apat a miching, thil chin he haw chuh na chung u a vaihawm dingin ka siem a, sang chunga vaihawmte, za chunga vaihawmte, sawmnga chunga vaihawmte, sawm chunga vaihawmte leh hotute le.

PAWTDAWKNA 18:25

Chun, Mosi chun Israel chate laka mi mattak deuh deuh a teldawk a, mipite chunga lawiupa’n a siem a, sangkhat chunga lawiupa ding, zakhat chunga lawiupa dingin, sawmnga chunga lawiupa ding leh sawm khat chunga lawiupa ding a guot ta a:

1 KHANGTHUBU 26:32

Leng David chun Jeriah inkawte lak apat chun inkuon lawiupa mi, sangnih leh zasagih a teldawk a, Jordan suohlam panga Reuben te, Gad te leh suohlam a Manasseh te gama, Israel chate chunga sakhuo lam leh mipi vaihawm dingin a tel ta a.

1 KHANGTHUBU 27:2

Ziehaw hi tha tina lawiupate chu ahiu hi: Jebdiel chapa Jashobeam a hi a, a lawi achun singnih leh sangli a um ui.

1 KHANGTHUBU 29:6

Tichun, Israel inkuon khat laka lawiupate, Israel nam lawiupate, sangkhat chunga lawiupate, zakhat chunga lawiupate, leng nasem lawiupate chun kipâk takin,

JOSHUA 23:1

Chun, hiti hi ahi a, kum bang zah ahim a hunghih nung in Lalpa’n Israel te chuh a kimvel a melma chengcheng lak apat chawlhna a piek nung chun Joshua chule a hung upa’n a hung têk ten ta a.

2 SAMUEL 23:8

Ziehaw hi David sepaih hangsante min chu ahi: Takemonmi Josheb-bashebeth chu sepaih lawiupate laka a lienpen ahi a; amah chu tum khata mi zagiet thatpa Eznite mi Adino a tih pau mah kha ahi.

1 KHANGTHUBU 11:10

Ziehaw hi David sepaih hangsan, Israel te chengcheng tawh panga, Israel te chungchâng thu a Lalpa’n a gen banga, lenga siemna dinga a ainahphah pih, mi hangsan tak takte chu ahiu hi:

2 KHANGTHUBU 1:2

Chun, leng Solomon chun Israel te chengcheng, sepaih sang chunga lawiupa te, za chunga lawiupa te, vaihawm te, Israel gamsung cheng chenga milien, inkuon lawiupa cheng chengte kawm achun thu a gen a.