1 KHANGTHUBU 26:28 - PATHIEN LEKHABU THIENGTHO (BSI)

²⁸ Chun, thiemgau Samuel te, Kish chapa Saul te, Ner chapa Abner te, Zeruiah chapa Joab te’n a thilpiekteu leh, Ho-In siemna ding a piekteu taphawt chu, Shelomith leh a unaute a etkawl sak u a.

1 KHANGTHUBU 26:28 ပူးပေါင်းရင်းမြစ်များ

1 SAMUEL 9:9

(Tuma lam chun Israel gam ah Pathien thil dawt nawp a neih tieng u leh, “Hung tie, mutheipa kawmah chieh hiti,” a kiti sek uh a: tulai a Thiemgau a tih sek u hih tuma lam chun Mutheipa a tih sek uh ahi).

1 SAMUEL 17:55

Philistia pa kidopih dinga David kuon dawk a muh phet chun Saul in sepaih lawiupa Abner kawm achun, “Abner zie tanglakpa hi kuo chapa ahi?” a ti a. Chun, Abner chun, “A dam in dam mai in, aw lengpa, ka he hiel puoi,” a ti a.

1 KHANGTHUBU 26:27

Kidonaa gâllâk thil haw chu, Ho-In siemphatna a mat dingin a lân thiengtho uh a.

1 KHANGTHUBU 26:29

Chun, Izhar suonte lak achun, Kenania leh a chapate chu, vaihawmna lam thil leh, thil zikkhawmna vawp leh, Israel mipite kinakna thu a thutan dingin a guot u a.

1 KHANGTHUBU 28:12

A lunggil a a suongtuoh bang chengcheng, Ho-In huongsung mai limte, a kimvela indan chengcheng ding limte, Ho-In a matchâk kawihkhawmna In lim te, Lalpa kawma thillat kawihkhawmna In limte chu a pie a.