1 KHANGTHUBU 25:1 - PATHIEN LEKHABU THIENGTHO (BSI)

¹ Chun, leng David leh, Levi te laka lawiupate chun, Pathien hona puitu dingin Asaph te, Heman te, Jeduthun te a teldawk u a. Kingkangte, tumgitte leh dakkhutbet a Pathien thu phuongzak ding ahiu ui. Ziehaw hi Pathien hona a mapui dinga a teldawk teu min leh pawl tinin a nasep ding dân u chuh a hi:

1 KHANGTHUBU 25:1 ပူးပေါင်းရင်းမြစ်များ

1 KHANGTHUBU 6:33

Zie tawbang nasep a na tute chu, a inkuon uh chieh dân zelin ziehaw hi a hiu ui: Kohath phungte apat: Lapawl puite laka a masapen chu Joel chapa, lasak thiem Heman ahi. A inkuon chu, Jakob a sut lut in hiti hi ahi: Heman chu Joel chapa ahi a, Joel chu Samuel chapa ahi.

2 LENGTE 3:15

Abang hileh, kingkang tum thiem ei hun sap sak tiem u,” a ti a. Tichun, kingkang tum thiem in a hun tum phet chun, Lalpa thilhih theihna chu a chungah a hung um ta a,

1 SAMUEL 10:5

Zie zawh chuleh Philistia sepaihte panmun Pathien tâng chu va tungin na tin; chun hiti hi hi’n tin, zie a khuo chu na va tun tieng thiemgau haw pekgit, khuong leh kingkang tumte leh châmngai mûtte’n amau pui in mun sang apat hung kizawt suk kituokpih in na tin: chun, amau chun thu genlawk sausau in au:

1 KHANGTHUBU 6:39

Lapawl nihna puitu chu Asaph ahi a, a inkuon chu Levi tienga sut in hiti hi a hi: Asaph, Berekiah, Shimea,

NEHEMIA 12:27

Chun, Jerusalem kulhbang latna achun dakkhutbet te, gihawih te, kingkang haw tawh lasa a kipahthu gena, kipâk taka a lat nau a tel ding in Levi chite chuh a chênna mun chiet u apat in Jerusalem ah a puikhawm u a.

2 KHANGTHUBU 34:12

Na sem mipite chun ginum takin a sem u a; a lawiupateu, nasep endikte chu, Merari chapa te laka Levi mi Jahath leh Obadia te, Kohath mi chapa te laka Zekaria leh Meshullam te ahiu a. Levi te chu thil tum thiem tak le ahiu ui.

2 KHANGTHUBU 23:13

Zie taka Ho-In lutna a leng khuom, lengte a dinga siem bula leng ding leh a kimvel a sepaih lien leh pengkun mûtte ding chu a mu ta a, mipi chengcheng chu kipâk a kiko in, pengkun mût in, Ho-In a lasa te chun a matchâk teu chawiin, ma a pui u a. Amahnu chun a puon a bawtthêk a, lungkham a kiko in, “Phielgukna, phielgukna,” a ti a.

1 KHANGTHUBU 25:3

Jeduthun chapa gupte chu: Gedalia te, Zeri te, Jeshai te, Shimei te, Hashbia te, leh Mattithiah te ahiu ui; ziete hi, kingkang tawh Lalpa kawma kipahthu gena, pakcha a, a pau Jeduthun puih dân dana umte chu a hiu ui.

SAM LEHKHABU THE PSALMS 81:2

Pahchakna la sau unla, khuongneu haw, Kingkang ngaihnawp-um takte, pêkgit haw tawh lasau in.

NEHEMIA 12:24

Chun, Levi te inkuon a lawiupate Hashabia, Sherebia leh Kadmiel chapa Jeshua tawh a suohpihte Pathien mi David thupiek dungzuia pindan kisuktuohna a Pathien pakcha ding leh kipah thugen dingin Levi te chuh a pawl in a kisiem u a.

2 KHANGTHUBU 31:2

Leng Hezekia chun thiempu te leh Levi te kizawpna ding chu a siemthak kit a, zie nuoi achun na septum a pie chiet a, zie lak achun hâlmang thillat te, kipawlkhawmna thillat te, Ho-In a Pathien hona a sem dingte, Ho-In a mun chuom chuom a kipah thugen leh pakcha dingte a um u a.

2 KHANGTHUBU 23:9

Jehoiada chun Sepaih za lawiupa te chuh Ho-In a um lengpa David tiengcha leh phaw neu leh phaw lien te chu a pie a.

2 KHANGTHUBU 23:1

Thiempu Jehoiada chun kum gup a ngak nung in, thilhih ding chun thupukna a siem ta a. Sepaih lawiupate mi nga: Jehoram chapa Azaria te, Jehohanan chapa Ishmael te, Obed chapa Azaria te, Adaiah chapa Maaseiah te leh Zikri chapa Elisaphat te tawh thutiem a bawl u a.

1 KHANGTHUBU 23:2

Israel te milien haw chengcheng, thiempute leh Levi te haw tawh a sam khawm a.

1 KHANGTHUBU 12:28

Zadok inkuon apat tangval hât hangsan, sepaih lawiupa sawmnih leh nih tawh.

1 KHANGTHUBU 6:44

Merari suohpihte laka Ethan chu Lapawl thumna puitu chu ahi a, a inkuon chu Levi apat a sut in hiti hi a hi: Ethan, Kishi, Abdi, Malluk,

1 KHANGTHUBU 9:33

Chun, Levi inkuon khenkhatte chu, Ho-In a gihawih lama mawhpuo ahiu a. Zie inkuon lawiupate chu, Ho-In a indan khenkhat achun a cheng u a, sun le zan a sap lawn viel a hih ziekun, nasep dang chu piek ahi puou ui.

1 KHANGTHUBU 25:2

Asaph chapa lite: Zakur te, Joseph te, Nethania leh Asharelah te a hiu a. Amau haw chu, leng in thu a piek chenga Pathien thu phuong dinga Asaph puihhuoi a umte chuh ahiu hi.

2 KHANGTHUBU 5:12

Levi te lasa mi chengcheng te le a bawn un, Asaph te, Heman te, Jeduthun te, a chapa teu leh a suohpih teu tawh, patngatpuon a kivan in dakkhutbet te, tumgitte, kingkang te, tawh maichâm suohlam pang ah a ding u a, a lak u ah thiempu za leh sawmnih pengkun mût in a um ui:

2 KHANGTHUBU 8:14

Chun, a pa David in ana guot bang khan, thiempu lawite leh Levi te, a chanmun chiet u a ni chenga sep khawk bang zela pakcha dingte, thiempute ma a zenviel ding bang in a guot u a; chun kawtkhak chengah a pawl pawl a veng dingte a guot a, khutibang chun Pathien mi David chun thu a pie a.

2 KHANGTHUBU 23:18

Jehoiada chun thiempu te leh Levi te chu Ho-In nasepna a mawhpuo ding chun a kawih ta a. A mau haw chu leng David in sep ding a piek te sem dawk ding leh, Mosi dân bu a zik guola, Lalpa kawma kithawihnate hâl ding ahiu ui. Thil githeite leh thil lawpna te chunga mawhpuo le ahiu ui.

2 KHANGTHUBU 35:15

Asaph chate, Levi chi, thil tumgit tumte, leng David in a sepna ding mun uh a guotte chu ziehaw hi ahiu; Asaph, Heman, leh leng thiemgau Jeduthun te ahiu ui. Ho-In kawtkhak vengte chun a mun uh a nutsieh uh a ngai puoi, Levi te chun a chiehkân kut mat na ding a guonggalh sak ziek un.

EZEKIEL 40:44

Chun, huongcha sungnung zaw achun ei puilut a: Ngaitie! huong sungnung zaw achun indan nih a um a, khat chuh mâllam kawtkhak bul ah, simlam nga’n a um a, khat chuh simlam kawt khat bul ah mâllam nga’n a um hi!

1 LENGTE 10:12

Chun, Solomon chun almug thingte chuh Lalpa In leh leng In umna’n leh lasate dingin kingkang leh pêkgitte siem na dingin a mang a. Tuni tieng hin khutibang almug thing mawng mawng chu a hung kipuolut kit tapoh a, muh le a kimu kit ta puoi.

1 KHANGTHUBU 6:16

Levi chapa te chu: Gershom, Kohath leh Merari ahiu hi.

1 KHANGTHUBU 13:8

David leh Israel mite chengcheng chun la a sau a. Kingkangte, tumgitte, khuongchate, dakkhutbet te, leh pengkunte tawh Pathien masang a chun a lam dup dup u a.

1 KHANGTHUBU 15:28

Khutichun, Israel mi chengcheng te chun, kiko zuoh zuoh kawm leh, pengkun binei leh, belam kite mût hâm chuoi chuoi kawmin, dakkhutbet te, tumgit te, kingkangte tawh gi vengvung in, Thugawlh Bawm chu Jerusalem ah a zawn lut tau a.

1 KHANGTHUBU 25:9

Tichun, a phunsân masak pên u chu Asaph dingin Joseph chungah a chu a, a nihna chu Gedalia chungah a chu a, a chate tawh, a suohpih teu tawh sawmlenih ahiu hi.

2 KHANGTHUBU 29:13

Elizaphan chapate lak apat Shimri leh Jeiel te, Asaph chate lak apat in Zekaria leh Mataniah te;

2 KHANGTHUBU 29:14

Heman chate lak ah Jehuel leh Shimrei te, Jeduthun chate lak apat Shemaiah leh Uziel te chu a kipan dawk uh a.

EZRA 2:41

Lasa te: Asaph suonte chuh zakhat leh sawmnih leh giet,

EZRA 6:18

Khutichun, Mosi lehkhabu a kizik bangin Jerusalem a Pathien nasem ding chun thiempute leh Levi te chuh a pawl pawl in a kawih u a.

NEHEMIA 11:17

Chuleh, Asaph chapa, Zabdi chapa, Mika chapa Mattaniah chuh pauchamna leh kipahthu genna bul pat pên ahi a, chuleh, Bakbukia a suohpihte laka a nihna leh Jeduthun chapa, Galal chapa, Shammua chapa Abdi ahi.

SAM LEHKHABU THE PSALMS 81:3

Tha thak tieng leh pengkun mût unla, Thalik a ka kut niteu tawh.