1 KHANGTHUBU 21:13 - PATHIEN LEKHABU THIENGTHO (BSI)

¹³ Chun, David in Gad chu a dâwng a, “Ka lung a kham mah mah hi, himahlele, mihing gawt a um ding chuh ka nuom puoi: Lalpa chu ei gawt in pang zaw he’n, a zaidawh thei ngâl a,” a ti a.

1 KHANGTHUBU 21:13 ပူးပေါင်းရင်းမြစ်များ

SAM LEHKHABU THE PSALMS 130:7

Aw Israel, Lalpa chuh kineppih in; Lalpa kieng ah zahngaihna a um ngâl a, A kieng ah tatna bukim a um hi.

HEBRAI 10:31

Pathien hing khuta kiek chuh thil tizat-um tak ahi!

PHILIPPI 1:23

A kal lak a hin a lawhna helo a um mai ka hi; chieh dawka Krista kawma um nawpna ka neih ziekin, zie chuh a pha zaw mah mah ngâl a.

ISAI 55:7

Migilo chun a umdan chuh haihsan hen la, mi diktatlo inle a ngaihtuohna chuh haihsan henla; Lalpa I Pathien kawm uh ah vaikit hen, tichun, amah chun lungsiet intin; a na ngaidam mah mah ding ahi ngâla.

JOHAN 12:27

“Tu’n ka lung a dawng hi; bang ka gen ta die aw? ‘Hepa, zie hun apat hin ei hukdam in,’ ka ti die leh aw? Bang hilele, zie gimtheihna thuok hi ka hung lawh ahi ngâl a.

ISAI 63:7

Lalpa zahngaihna nasep chuh geldawk ing ka ting; Lalpa zaidawhna thute leh pahchakna thute gen ing ka ting; A lungsietna bang zel leh, a zaidawhna nasat zie bang zela Israel inkuon chunga a phatna nasatak a vuk thu khale gen ing ka.

ISAI 47:6

Ka mite chungah ka lungna ta a; Keia te hitalo bang khawp hielin ka bawl ta a; Na thuneihna nuoi ah ka hun pie a, nangin lungsietna himhim latsak lo in na um a, teksiete nasan chuh gilo takin namkawl gik tak na puok saka.

ISAI 46:7

A liengko u a kawih dawkin a puu a, mun khat ah a kawih uh a; zie chun a ding a, himahleh, a umna mun apat chun a kichawn thei puoi. Mite’n amah chuh sam mahleu, a dâwng thei puoh a, a buoinau apat in le a hukdawk thei diek puoi.

THUCHINGTE 12:10

Mipha chun a ganchate hinna a ngaikhawk a, himahleh, migilo zahngaihna chuh amau a ding in a gilo nalai hi.

SAM LEHKHABU THE PSALMS 130:4

Himahleh, na kieng ah ngaihdamna a um a, Kihchaka na um theihna dingin.

SAM LEHKHABU THE PSALMS 106:7

Ei suonteu khan Aigupta gam ah na thilmak hih haw khah a ngaihtuoh puou a; Na zahngaihna nasa tak kha a hezing ta puou a; himahleh, Tuipi San ah khan Chungnung pên pa kalh in a hel zaw tau a, Tuipi San ngêi a khan.

SAM LEHKHABU THE PSALMS 103:8

Lalpa chuh lainatna a dim, mi lungsiet thei tak, Lungnieng tak, zahngaihna hau tak ahi.

SAM LEHKHABU THE PSALMS 86:15

Himahlele, Aw Lalpa, nang chuh lainatna a dim Pathien, mi lungsiet thei, Lungnieng, chitna leh thutak a dim na hi.

SAM LEHKHABU THE PSALMS 86:5

Aw Lalpa nang chuh na pha a, na ngaidam seka, A hun sam tapoh chungah zahngaihna na hau ngâla:

SAM LEHKHABU THE PSALMS 69:16

Aw Lalpa, ei dâwng inla; na zaidawhna chu a pha ngâla: Na lungsietna nasat zie bang zelin kei lam hi hun nga’n la,

SAM LEHKHABU THE PSALMS 69:13

Himahlele Aw Lalpa, ken vang chuh, hun kipah um ah na kawmah ahi ka paucham sek; Aw Pathien na lungsietna nasa tak ziekin, Na hukdamna thutak in ei dâwng in.

SAM LEHKHABU THE PSALMS 5:7

Kei vang chuh na phatna leh na ngilneihna nasa tak ziekin na In thiengtho ah hung lut ing ka. Kihcha kawmin na Ho-In thiengtho lam nga’n hun ho sek ing ka.

ESTHER 4:16

“Chieh inla, Judate chengcheng chuh Susan achun samkhawm in; an ngawl unla, kei a dingin paucham unla, Ni thum leh zan thum chuh an ne kiu inla, tui le dâwn diek kiu in. Kei leh ka suok nungakte hin le tawbang chun hih ung kau. Dan lo guolin leng kawmah lut ing ka ting, chun, ka thih leh ka thih himai ina,” a ti a.

ESTHER 4:11

“Kuole pasal hileh, numei hileh, leng sapna mulo a, insung gil lama lut taphawt chuh thah ding ahi a. Zie thu chuh leng suokte leh a gamsung a mipite chun a he vek u a. Zie dân leh hih theihna lampi chuh khat chauh a um a; leng in a leng tieng khut chuh amah lama a tun chun zie mi hinna chuh hukbit ding ahi. Himahleh, kei chuh leng in ei sap lohna chuh ni sawmthum ahi ta a,” a ti a.

2 KHANGTHUBU 28:9

Himahleh Samari khuo achun Lalpa thiemgau Obed kiti chu a cheng a. Israel sepaihte’n Juda mite sala puih hungkit haw, khawpi a lut ding kuon u chun a va tuok a a kawm u ah, “Na suonteu Lalpa Pathien chu Juda mite chungah a lungna a, a hun zawhsak a, himahlele tun, nunsie taka na thah dân teu chu a za ta ahi.

2 LENGTE 7:4

Khuo sung ah va lut mai hitiu, ti leuhing la, khuo sung a kiel ngâl u a, va thi mai ding I hi ngâl u a; chun, zie tak a hin chu zing leuhing la, thi tho ding I hi ngâl u a. Zieziekchun, hung tiem u! Suria sepaihte giehmun lam ah chieh mai hitiu; I hinnau ei hawih u leh hing hi tingun, ei na thah u leh la a thi hi mai hiting un,” ti’n a kiho u a.

2 LENGTE 6:15

Chun, Elisha suokpa chu, zingkal mataka a va thawh a, In apat a va pawtdawk phet chun, Suria sepaihhawn chu sakawl tawh, kangtalai tawh, khawpi a huolkhum uh a mu ta a. Tichun, Elisha kawmah a chieh kit vak a, a kawmah, “E khai! hepu, bang I ti ta die?” a ti a.

HABAKKUK 3:2

Aw Lalpa, na thilhihte chuh ka na heta a, maksakna’n ka dim tai. Thil lopi takte na hih sek kha, zie kum haw hun sung hinle hih kit in. Na lungnat inle, ka chungu ah zahngai tei in.

MIKA 7:18

Aw Lalpa, nang tawbang Pathien, a goluoh ding a mite, a suokcha sunte gitlohna ngaidam leh a sukkhelhnau subei dang a um puoi. A lungnat na chu kumlekhuo’n a vawp zing puoh a, zahngaihna chuh a kipahpih lam tak ahih ziekin.

JONA 4:2

Lalpa kawmah a paucham a, “Aw Lalpa, ziehi ka gam u a ka um laia ka gen kha hilo ahim? Zieziek ahih Tarshis lama taimang zieng ka hi kha! Nang hi mi lungsiet thiem leh hehpih thiem Pathien, lungna vak lo; dettaka lungsietna nei zing Pathien, thil phalo apat kisik kit thei Pathien leh mi gawt zieng lo na hi tih ka he a.

JONA 3:9

Khutichun, I manthai lohna dingun Pathien chuh lehhei kitin, lunghei in, a lungnatna nasa tak apat chun kilehhei puo’n a tih kuo a he?” ti’n.

SUNNA LA 3:32

Ei sulungkham mah leh, a lungsietna hauh dungzui in ei lungsiet nalai ding ahi.

ISAI 63:15

Van apat khan hun en suk inla, na thienthona leh na lopina umna mun apat khan hun en tie! Kei uh nei ngaihtuohna nasatak leh na hatnate kha khawitaka um ahi ta’m? Na lungthima nei ngaihsakna leh na lainatna chuh kei u apat a lâkmang ahi tai!

SAM LEHKHABU THE PSALMS 119:156

Aw Lalpa na zahngaihna chuh a nasa ie: Na vaihawmna haw bang zel in hinna ei pie’n.