1 KHANGTHUBU 20:1 - PATHIEN LEKHABU THIENGTHO (BSI)

¹ Chun, tihi a hung hi a, kum a hung kihei a, lengte kido dinga a pawt lai hun u chun, Joab in sepaih hât takte a puidawk a, Ammon suonte gam chu a va do u a, David vang chuh Jerusalem ah a um a. Joab chun Rabbah khuo chu a do a, a hihsie ta a.

1 KHANGTHUBU 20:1 ပူးပေါင်းရင်းမြစ်များ

2 SAMUEL 11:1

Chun, hiti hi ahi a, kum khat nung in, lengte kido dinga a pawt sek hun u chun, David in Joab chu a sawl a, a mite leh Israel mi chengcheng tawh; Amon suonte chu a sumangthai u a, Rabbah khuo a sim u a, David vang chu Jerusalem ah a um a.

AMOS 1:14

Khutichun, Rabbah khawpi kulh bâng chunga chun mei sawl ing ka ting, a kulhte chuh katum vek ina. Tichun, kido ni chun kiko thawm um intin; kidona chuh huihpi bang mai in um ina.

DAN NIHNA 3:11

(Rephah te laka um nalai sun chuh Bashan lengpa Og chauh hi ahi ta a; ngaitie, a zâlkhun chuh kahpathik ahi; Amon suonte khuo Rabbah achun a um nalai hilo ahim? Mihing teh dana teh in, a dunglam chuh tawng kuo ahi a, a vailam chuh tawng li ahi).

EZEKIEL 25:5

Rabbah khuo chuh sangawngsau in dingin siem ing ka ting, Amon chate gam pumpi chuh belam hawn chinna mun in siem ing ka’; khutichun, Lalpa chuh ka hi tih hun hen lau.

EZEKIEL 21:20

Ammon mite khuo Rabbah a chemzâm chiehna ding lampi khat guot inla, Judai gama kulh a ki-um Jerusalem a chiehna ding le.

ISAI 54:16

Ngaitie, mei tik a, gâlvan siemte hi kei siem ahiu a, sepaihte leh mi thahna dinga gâlvan chawite chule kei siem ahiu a; chuleh, phuba la a hihsie dingte chule kei guot ahi.

ISAI 6:11

Tichun, ken a kawmah, “Bang chan ahi die Lalpa?” ka ti a. Amah chun ei dâwng a, “Khawpite hi mihing umlo hiela a hung hawma, Inte hi a cheng ding umlo khawpa, gam pumpi suksiet dimdem a a um a, a hawma nutsieh ahih ma cheng.

2 LENGTE 13:20

Tichun, Elisha chu a thi ta a, a vui tau a. Kum cheng leh, Moab te chun Israel gam a hung do sek u a.

1 LENGTE 20:26

Chun, a kum kit chun hiti hi ahi a, Benhadad in Suria te chuh a va sim a; Israel te do dingin Aphek khuo ah a va chieh to a.

1 LENGTE 20:22

Chun, thiemgau khat chu Israel leng Ahab kawm achun a va chieh a, a kawmah, “Chieh kit inla, na sepaihte guonggalh hawih in, kum a hung beih tieng leh Suria leng chun hun do kit ding ahi,” a ti a.

2 SAMUEL 17:27

Chun, hiti hi ahi a, David chu Mahanaim a tun chun Amon suonte Rabbah khuo a Nahash chapa Shobi te, Lodebar khuo a Amiel chapa Makir te, Rogelim khuo a Gilead mi Barzillai te chun,

1 KHANGTHUBU 19:19

Tichun, Hadarezer mite chun Israel te zawhin a um ui tih a hung kihet phet un, David tawh kichamna a siem u a, a mite dingin a um tau a. Tichun, Suria te chun, Ammon mite chu a panpih kit nuom ta puou hi.