1 KHANGTHUBU 2:23 - PATHIEN LEKHABU THIENGTHO (BSI)

²³ Himahleh, Geshur leh Aram chun, Jair khawpite, Kenath khuo leh khawpelhaw tawh, Khuo sawmgup a lâksak u a. Zie khawpi a chengcheng chêngte chu, Gilead pa Makir suonte chu ahiu hi.

1 KHANGTHUBU 2:23 ပူးပေါင်းရင်းမြစ်များ

2 SAMUEL 13:38

Khutichun Absalom chu Geshur gam ah a taimang a, zie tak achun kum thum a va um ta a.

JOSHUA 13:30

Chun, a gamgiu chuh Mahanaim apat a Bashan gam chengcheng Bashan leng Og gam chengcheng leh Bashan gama Jair khawpi chengcheng tawh, zie chuh khuo sawmgup ahi.

JOSHUA 13:13

Amahvang chuh Geshur te leh Maakah te chuh Israel chate chun a nawhdawk puou hi; Geshur te leh Maakah te chuh tu tieng hin Israel te lak ah a cheng zing u a.

DAN NIHNA 3:14

Manasseh chapa Jair chun Argob gamkaih chengcheng, Geshur te leh Maakah te gamgi chanin, a la a, zie gam chuh amah min a lawh sak a, khutichun, tuni tieng hin Bashan gam chuh Havoth-jair ti a het ahi zing hi).

THILSIEMBUL 50:23

Chun, Joseph chun Ephraim cha, a tute khang thum chan a mu a: Manasseh chapa Makir chate le Joseph pheichung ah a pieng u a.

1 KHANGTHUBU 2:22

Segub chun, chapa Jair kiti chu a nei a. Jair chuh, Gilead gambung khen sunga khawpi sawmnih le thum chunga chun vai a hawm a.

1 KHANGTHUBU 2:24

Hezron thih nung chun, a chapa Kaleb chun a pa zi, meithai Ephrath chu a kichênpih a. Chapa Aser kiti chu a nei u a, Tekoa khawpi siempa chu ahi.

1 LENGTE 4:13

Ramoth-gilead khuo chu Ben-geber a chang a, amah chun Manasseh chapa Jair khuo leh Gilead gama umte chu a chang khawm a; Bashan gama Argob biel khuo lopi taktak khuo sawmgup, kulh leh a kawt kamna sumeng thik tawn a kibawlte khuo haw chule a chang khawm hi;