1 KHANGTHUBU 19:7 - PATHIEN LEKHABU THIENGTHO (BSI)

⁷ Khutichun, kangtalai singthum leh sangnih, chun, Maakah leng leh a mite a guoi u a, Medaba kieng ah panmun a guonggalh u a. Ammon suonte chule, a khawpiteu apat chun a pawt u a, a kikhawm u a, kido ding chun a pawt tau hi.

1 KHANGTHUBU 19:7 ပူးပေါင်းရင်းမြစ်များ

JOSHUA 13:9

Arnon guom panga um Aroer khuo apat leh guom lailung a khawpi leh, Medeba phaigam chengcheng Debon tiengin;

KISIMNA 21:30

Tuhin a suonteu chuh sukchimit in a um tau a, Heshbon apat Dibon tieng in, Medeba kawma, Nashim apat Nophah tieng hiel in,” ti’n a sau a.

JOSHUA 13:16

Chun, a gamgiu chuh Arnon guom panga um Aroer khuo apat a luiphai lai taka khawpi leh Medeba tângzawl chengcheng ahi a;

ISAI 15:2

Bajith leh Dibon a mite chuh a mun sang hawu a chuh kap dingin a chieh to tau a. Moab te chun Nebo leh Medaba chuh a kah khum u a, lungkham ziekin a luchang cheng teu leh, a khabemul cheng le a met vek tau hi.

2 KHANGTHUBU 14:9

Tichun, Ethiopia mi Zerah chuh sepaih maktaduoi khat leh kangtalai zathum tawh a mau do dingin a hung kipan dawka; Mareshah tieng a hungtung a.

1 KHANGTHUBU 18:4

Tichun David chun kangtalai sangkhat leh, sakawl chung chuong mi sang sagih leh, keng sepaih singnih a lâksak a. Kangtalai kai sakawl chengcheng chu, a zapi gui uh a bân sak a, kangtalai kai dingin zakhat a hinghawih a.

2 SAMUEL 10:6

Chun, Amon suonte chun David lungnatna a hih kha tau hi tih a hung kihet phet un, Beth-rehon a Suria te leh Zobah a Suria te, sepaih singnih leh, leng Maakah sepaih sangkhat tawh, Tob mite singkhat leh sangnih tawh a thuthak u a, a guoi tau a.

1 SAMUEL 13:5

Chun, Philistia mite chu Israel te do dingin a kikhawm khawm tau a; kidona kangtalai singthum, sakawl chung chuthiem sang gup leh sepaih tuisuohgiet panga pîlnel zah hiela tam ahiu a: a hung kuon to u a Beth-aven suohlam a Mikmas ah panmun a khawh tau a.

VAIHAWMTE 4:3

Jabin chun thik kangtalai zakuo hiel a nei a; kum sawmnih sung chuh nunsie tak leh ningkhel takin Israel chate chung achun vai a hawma; ziephetchun, Israel chate chuh Lalpa kawmah panpihna ngên in a kiko tau a.

PAWTDAWKNA 14:9

Chun, Aigupta mihaw chun sakawl chengcheng leh lengpa kangtalai leh a sakawl chung chuong mihaw leh a sepaihte chu tawh a delh u a. Pi-hahiroth naih Baal Zephon mun a Tuipi San panga a gieknau achun a va delhpha tau a.

1 KHANGTHUBU 19:8

Chun, David in zie chu a zak phetin, Joab leh a sepaih hangsan te cheng chu a sawl dawk a.