1 KHANGTHUBU 19:6 - PATHIEN LEKHABU THIENGTHO (BSI)

⁶ Ammon suonte chun, David zakdah lam tak a hih ui tih a hung kihet phet u chun, Mesopotamia gama mite, Aram-maakah a mite, Zobah-a mite, kangtalai leh sakawl chung chuong mite gawihna dingin, dangkaguo talent sangkhat a thak u a.

1 KHANGTHUBU 19:6 ပူးပေါင်းရင်းမြစ်များ

1 KHANGTHUBU 18:9

Chun, Hamath leng Tou chun, Zobah leng Hadarezer sepaih cheng chu David in a zo tai tih a na za ta a.

1 KHANGTHUBU 18:5

Chun, Damaska khuo a Suria mite chun, Zobah leng Hadarezer panpih dingin sepaih a sawl u a, David chun a na do a, Suria mite chu singnih leh sangnih a na that ta a.

2 SAMUEL 10:6

Chun, Amon suonte chun David lungnatna a hih kha tau hi tih a hung kihet phet un, Beth-rehon a Suria te leh Zobah a Suria te, sepaih singnih leh, leng Maakah sepaih sangkhat tawh, Tob mite singkhat leh sangnih tawh a thuthak u a, a guoi tau a.

THILSIEMBUL 34:30

Chun, Jakob in Simeon leh Levi kawm achun, “Nang un zie gama um haw lak ahin Kanaan haw leh Periz te hawt in nei siem u a, nei sulungkham mah mah ui tawmcha ka hih ziekin ei do dingin hung kikhawm khawm untin, ei that mai ding ahiu hi; tichun sukmangthai a um ding ka hi, kei leh ka inkawte hi tawh,” a ti a.

1 THESSALONIKA 4:8

Zieziekchun, kuole zie sinsakna thu khawksalo pa chun, mihiem khawksalo ahi puoh a, Pathien, a Thagau Thiengtho nanguh hun piepa khawksalo ahi zawi.

LUKE 10:16

Chun, Isu’n a sinsakte kawmah, “Kuole, nang haw thu ngai chuh, kei thu ngai ahi a, kuole, a hun deihlo chuh, kei ei deihlo ahiu hi; chun, kuole, kei ei deihlo chuh ei sawlpa deihlo ahi,” a ti a.

SAM LEHKHABU THE PSALMS 46:9

A mah chun kido na haw hi kâwlmawng chan in a suhai sek a; Thalpo chuh ahih bawnga, tiengcha chu sattan seka; Kangtalai haw chu mei in a hâl mang sek a.

SAM LEHKHABU THE PSALMS 14:3

Lam diklo lam ah a kihei vek tau a; a bawn un a petmang zo tau a; Kuo mah thilpha hih himhim a um puou, khat cha le a um puou:

2 KHANGTHUBU 27:5

Amah chun Ammon lengte a do a, a zo a. Chun, Ammon suonte chun zie kum chun dangka talent za leh buh puok singkhat leh buhman puok singkhat a pieu a. Khutibang mah chun Amon suonte chun a kum nihna leh a kum thumna a chun le a pieu hi.

2 KHANGTHUBU 25:6

Israel gam apat mihat hangsan nuoi khat dangka talent zakhat in a guoi na lai a.

2 KHANGTHUBU 18:9

Chun, Israel lengpa leh Juda lengpa chuh Samari kulh kawtpi lutna bul huongsung ah a leng puon uh a kivan in a lalchutphah gel u ah a chuu a, chun thiemgau chengcheng in a masang u ah thu a gen u a.

2 KHANGTHUBU 18:5

Khutichun Ahab chun thiemgau zali a sam khawm a, a kawm u ah, “Ramoth khuo do dingin ka va kuon ding um, kuon lo ding?” a ti a. A mau chun, “Va kuon to ah, Pathien in lengpa khut ahi pie ding ahi,” a tiu a.

2 KHANGTHUBU 18:3

Israel lengpa Ahab chun Juda lengpa Jehoshaphat kawmah, “Ramoth khuo nei hung do pih puoh die maw?” a ti a. Jehoshaphat chun a dâwng a, “Na kisak zawh hun hun a ding chun kei leh ka sepaih te chu kiguo zo sa ka hiu ui, hun kithuohpih ing kau,” a ti a.

2 SAMUEL 8:3

David chu Euphrates luia a gam la kit dinga a chieh kawmin Zobah leng Rehob chapa Hadadezer le a zo a.

1 SAMUEL 27:12

Chun, Akish chun David thugen chu taksang in, “Amah mi Israel te hi a kimuhdah sak ta ngâl in; zieziekchun, a damsung cheng chu ka suok in um ta lo ding ahim,” ti’n a ngaihtuoh a.

1 SAMUEL 14:47

Khutichun Israel te chunga lenga a hung pan phetin Saul in kiltina a melmate, Moab te, Ammonte, Edom te, Zobah lengte, Philistia te chengcheng chu a do a; a ngatna lam taphawt chu a zo zel mai a.

1 SAMUEL 13:4

Chun, Israel te chengcheng chun Saul in Philistia sepaihte a do hi tih leh Israel te chu Philistia te’n a mudah ui tih thu haw chu a hun he tau a. Khutichun, mipite chu Gilgal a Saul kawmah sapkhawm ahiu a.

PAWTDAWKNA 5:21

a kawm u ah, “Lalpa’n na thilhhih u chuh a mu a, na chungthuu hun vaihawm sak hen; a ziek chuh, Pharaoh leh a suokte mitmuh ah hawtna nei siem sak u a; kei uh ei thah na dingin a khut u ah chemzâm a chawih ziekun,” a tiu a.

1 KHANGTHUBU 19:5

Tichun, in lama vaihkit chu a zakcha mah mah tau a. A chanchin u chu David in a het phetin, “Jerikoh khuo achun hung um tadih unla, na khabemul teu chu a sauh kit nung leh In lama hung na’n lau.” ti a gen dingin mi a sawl a.