1 KHANGTHUBU 19:3 - PATHIEN LEKHABU THIENGTHO (BSI)

³ Ammon suon lawiupate chun Hanun kawmah, “David hin na pa a zah zieka a lungmuon dinga na kawma a hun sawl hi dingin na gingcha? A mite hi gam susie ding leh entha dinga na kawma hung ahi puoh ding um?” a tiu a.

1 KHANGTHUBU 19:3 ပူးပေါင်းရင်းမြစ်များ

1 SAMUEL 29:9

Chun, Akish chun a dâwng a, David kawmah, “Ka mitmuh in Pathien Angel bang hiela demna bei na hi tih ka hêi; ahih ziekin Philistia lengte hin, ‘Kidona ah I kawm u ah hung kihen,’ a hun tiu a.

1 SAMUEL 29:4

Himahlele, Philistia sepaih lawiupate chun Akish chu a lungnat khum u a; Philistia sepaih lawiupate chun a kawmah, “Zie pa khu khuo na pieka chu chieh dingin sawl in, kidona ah I lak u ah telsak ki’n; dân leh kido lai in I melmateu lam ah pang kha’n a: a pu tawh a kihotheih kit na dingin I miteu luchang lak sanga lampi phazaw amah a dingin a uma ahim?

VAIHAWMTE 18:2

Chun, Dan suonte chun a phung lak u apat pasal hangsan chiet nga Zorah leh Eshtaol a kipatin gam entha ding leh gam hawl dingin a sawl u a; a kawm u achun, “Va chieh unla, gam va hawl un,” a tiu a: tichun, Ephraim tânggam a Mika In chuh a va tung u a, zie chun a giek tau hi.

2 SAMUEL 10:3

Himahlele Amon suonte leng haw chun a puu Hanun kawm achun, “David hin na pa a zah zieka thamuonna thu gen ding na kawma a hun sawl hih na gingcha? David hin a mite hi khuote hun hihsie dinga enviel leh entha dinga na kawma a hun sawl hilo ahim?” a tiu a.

1 KHANGTHUBU 19:2

David chun, “A pa khan ei na lungsiet sek ziekin, ken le Nahash chapa Hanun chu lungsiet ing ka,” a ti a. Khutichun, David chun a pa thihna chung thu a lungmuon dingin mite a sawl a. David mite chu Ammon gama Hanun kawm a va tun phet u chun,

1 KHANGTHUBU 19:4

Khutichun, Hanun chun David mite chu a man a, a khabemul uh a met muih sak a, a silhlechenteu chu a tawbak kimkhat uh khuh pha hâm in a tan sak a, a sawl kit ta a, tichun, a kipandawk tau a.