1 KHANGTHUBU 17:20 - PATHIEN LEKHABU THIENGTHO (BSI)

²⁰ Aw, Lalpa, ka bil u a ka hêtkhâk lak uh achun, nang tawbang hi Pathien dang a um puou a, nang lo chuh pathien danga um diek puoi.

1 KHANGTHUBU 17:20 ပူးပေါင်းရင်းမြစ်များ

ISAI 44:6

Lalpa, Israel mipite Tandawkpa leh vengpa, Bangakai hihthei Lalpa chun hiti hin a tii, “Kei a Masapen leh a Nunung pên, Pathien khat chauh ka hi a. Kei tihloh Pathien dang himhim a um puoi.

EPHESI 3:20

Chun, I ngetnau leh ngaihtuohnau sanga thilhih-theihna tawh eihaw laka nasem thei:

PAWTDAWKNA 15:11

“Aw Lalpa, pathien haw lak ahin nang bang hi kuo a um? Thienthona lama lopi leh, Pahchak tâk hihna lama zahum leh, thilmakte hih sek, Nang tawbang kuo a um?

ISAI 63:12

Mosi manga thilhih theihna a thil lopitak hih sek Lalpa kha khawia um a hi ta’m? Kumlekhuo a a min sulopi dinga tuipi zêp khen a, a mite tui thuk tak a pui galkai pa kha khawitaka um a hi ta’m?”

ISAI 45:22

Khawvela ning tin apat ka kawmah hung unla, hukdam in um un. Kei hi Pathien ka hi a, a dang himhim a um puoi.

ISAI 45:5

“Kei hi Lalpa ka hi a, Pathien dang himhim a um puoi; nangin ei helo mah leh chin le, hatna hun pie ding ka hi.

ISAI 43:10

Nang u haw hi Kei ei hetpihte na hiu a, ka suokte hi dinga ka hun tel na hiu a, Khutia chuh nei hetuh a, nei ginchak uh a, Kei mai hi Pathien ka hi tih na hêtchet theihna dingun, Lalpa’n a tii. Kei tih loh pathien dang himhim a um puoh a, um le um ngei puo’n tin, hung um kit diek puo’n a.

ISAI 40:25

Pathien Thiengtho chuh kuo tawh ahim, tehkal theih ding? Amah bang hi kuo a um?

ISAI 40:18

Aleh, Pathien chuh kuo tawh na tehkal ta dingu? a hihloh leh, bang tawbang lim tawh na tehkal ding u?

SAM LEHKHABU THE PSALMS 89:8

Aw Lalpa, sepaihte haw Pathien, Aw JAA, nang tawbang mihat kuo a um a? Na muon um na chu na kimvel ah a um ngâl a.

SAM LEHKHABU THE PSALMS 89:6

Van dum akhun Lalpa tawh tehkal theih ding kuo a um a ahim? Van mite laka khun Lalpa tawbang kuo a um?

SAM LEHKHABU THE PSALMS 86:8

Aw Pathien, pathien lak ah nang tawbang a um puou hi; Na hih tawbanga hih le a um diek puou hi.

SAM LEHKHABU THE PSALMS 44:1

Aw Pathien ni dang lai a na thilhih haw kha ei suonteu in a damlai un ei hilh u a, ka nakhang un ka zau a.

1 SAMUEL 2:2

“Lalpa guola thiengtho khatchale a um puoi; Nang tawbang himhim a um puoi, I Pathien u tawbang suongpi himhim a um puoi.

DAN NIHNA 33:26

“Aw Jeshurun Pathien tawbang khat le a um puoi, A hun panpih dinga van a chuonga, A thupi na a meipi chunga chuong chuh!

DAN NIHNA 4:39

Zieziekchun, tuni hin na lunggil un vawp unla, chunglam van a leh nuoi lam leia hin le Lalpa chuh Pathien ahi tih heu in; adang himhim a um puoi tih heu in.

DAN NIHNA 4:35

Lalpa chuh Pathien ahi tih na het theihna dingun na kawm u a suklat ahi a; amah tih loh adang himhim a um puoi.

DAN NIHNA 3:24

“Aw Lalpa Pathien, na suok hi na lopina leh na khut hât chuh na muhsak pan ta a; lei leh van a le, na thilhih haw tawbang leh na thilhih thupi tak tawbang hih thei bang pathien a um?

PAWTDAWKNA 18:11

Tuhin chuh Lalpa chuh pathien chengcheng sangin a lopi zawi tih ka he tai; Aigupta te’n simmawh taka a bawlna tâk u ah Amah chuh a chung u a um ahi,” a ti a.

PAWTDAWKNA 8:10

Chun, amah chun, “Zing a ding in hi hen,” a ti a. Mosi chun, “Na thu bang chun hi hen; tichun Lalpa ka Pathien uh tawbang himhim hi kuomah a um puoi tih he’n la,

PAWTDAWKNA 9:14

Tuchung hin vang nang leh na suokte chung leh, na mite chung ahin hi chitin lênsak ding ka hi; tichun, leichung pumpi ahin Kei tawbang kuomah a um puoi tih hun he’n la.

1 KHANGTHUBU 17:19

Aw Lalpa, na suok ziek hin, nangmah lunggil a pawt bang zelin, zie thil lopi tak hi hetsak dingin thil lopi tak tak na hih ta a.

1 KHANGTHUBU 17:21

Na mite hi dinga suok apat a na puih dawk, Israel te bang hi lei chungah nam dang himhim a um puou. Amau a dinga thil lopi leh mak takte hih sak in, khawvel ah na min a thang ta a. Aigupta apat na mite na hukdawk a, a masang uh apat in namte na nawhdawk sak a.

SAM LEHKHABU THE PSALMS 97:9

Lalpa, nang chuh leichung chengcheng ahin Chungnung pên na hi ngâl a: Nang chuh pathien chengcheng chung pek ah chawih-at in na um ta a.