1 KHANGTHUBU 17:1 - PATHIEN LEKHABU THIENGTHO (BSI)

¹ Chun, leng David chu, a leng In achun a cheng ta a. Ni khat chu thiemgau Nathan a sama, a kawmah, “Kei, sidar thing In ah ka cheng a, Lalpa Thugawlh kawihna Thingkuong chuh, puon-In ah a um zaw a,” a ti a.

1 KHANGTHUBU 17:1 ပူးပေါင်းရင်းမြစ်များ

1 KHANGTHUBU 17:5

Israel chate Aigupta apat a ka puih dawk apat tuni tieng hin, Ho-In ah ka um kha puoh a, puon-In leh bâwkchate ah ka um zaw sek hi.

1 KHANGTHUBU 15:1

Khutichun, David chun, amah chênna dingin David khawpi achun inte a sa a; Thugawlh kawihna Thingkuong umna mun ding a guonggalh a, puon-In a zak a.

HAGGAI 1:9

“Tamtak ât dawk na kinem u a, himahleh, tawmcha a hung hi tai. Na buhteu chuh ina na hun tut tieng u leh ka na mût mang sek ahi. Bang zieka zie chuh hungtung ahim tih hi Sepaihte Lalpa thugen ahi. Nang haw, nangmau intum chietah na buoi u a, ka Ho-In chuh sie taka a um zing ziek ahi.

HAGGAI 1:4

“Ka mipite haw, Ka Ho-In sie taka um zing ngâla bang zieka nang haw In hawih tak taka cheng zing na hiu hi?

DANIEL 4:4

“Kei, Nebuknezar hi ka In ah nuom sa tak leh lopi takin ka leng In ah ka um a.

JEREMIA 22:15

Sidar thing In a na chen ziekin, leng in na kingai maw? Na pa khan a ne a, a dâwn a, diktak in vai a hawm a, zie chuh amah a dingin a phâi.

SAM LEHKHABU THE PSALMS 132:5

Lalpa mun ding ka hawldawk masang sieh chuh, Jakob Pathien hât In ding chuh,” ti’n.

2 KHANGTHUBU 1:4

(Thugawlh kawihna thingkuong chuh Jerusalem ah a um a, David in Kiriath-Jearim apat a na pawto a, a umna dinga a siemna mun akhan kawih in a um ta ngâl a.)

1 KHANGTHUBU 29:29

Chun, leng David chanchin chu, abul apat a tâwp gei in, thiemgau Samuel lehkhabute, thiemgau Nathan lehkhabute, thiemgau Gad lehkhabute haw ah a kizik hi.

1 KHANGTHUBU 16:1

Tichun, Thugawlh Bawm chu a la lut u a, a kawihna dinga David in a zak, puon-In sung achun a kawih tau a. Tichun, hâlmang kithawihnate leh, kichamna thillat te Pathien kawm achun a lân u a.

1 KHANGTHUBU 14:1

Chun, Tura leng Hiram chun David kawmah mi a sawl a, Sidar thingte a puok saka, suong sekte leh khutthiemte chu David In sa dingin a sawl sak a.

1 LENGTE 1:44

amah tawh kitawn in thiempu Zadok, thiemgau Nathan, Jehoiada chapa Benaiah, Kareth mite leh Peleth mite chu leng in a sawl a, leng sabiltung chungah a chut sak a.

1 LENGTE 1:23

“Entie, thiemgau Nathan a hung hi,” ti’n leng chuh a hilh u a. Nathan chuh leng masang a va tun chun, a ma achun a mai a lei si’n a bawkkhup a.

1 LENGTE 1:8

Himahlele, thiempu Zadok, Jehoiada chapa Benai, thiemgau Nathan, Shimei, Rei leh David mi hangsan haw vang chuh Adonijah lam ah a pang puou hi.

2 SAMUEL 12:25

thiemgau Nathan chu a thuthak a, amah chun Lalpa min pu’n a min dingin Jedidiah a sa a.

2 SAMUEL 12:1

Chun, Lalpa chun David kawmah Nathan a sawl a. Nathan chu a kawm achun a chieh a, “Khuo khat a hin mi nih a um u a; khat chu mi hausa a hi a, khatzaw chu mi chagah ahi a.

2 SAMUEL 6:17

Tichun Thuthun bawm chu a la lut u a, a kawihna dinga David in a zak, puon-In sunga amun ding achun a kawih tau a: David chun hâlmang thilpiekte leh chamna thilpiekte Lalpa masang achun a pie a.

NASEPTE 7:46

Zie David chun, Pathien deihsakna a chang a, Jakob Pathien dingin umna siem sak a ngên a.

1 LENGTE 8:17

“Ka pa David khan Israel te Pathien, Lalpa a dingin In sak a lunggil in a na guo sek a.

1 KHANGTHUBU 17:2

Ziephet chun, Nathan chun David kawmah, “Na lunggil a na vei bang tak chun hih ta; Pathien na kawmah a um ngâl a,” a ti a.

1 KHANGTHUBU 22:7

David chun a kawmah, “Ka chapa, ka Pathien limbawlna dingin, Ho-In sak ka ut mah mah a.

1 KHANGTHUBU 28:2

Tichun, leng David chu amau ah a ding a, “Ka unaute leh ka mite haw, ka thu hi na ngaitha tiem u! Kei chun, Thugawlh kawihna Thingkuong kawihna ding leh, I Pathien uh keng ngakna ding In sa leng tih ka na ut mah mah a. A van ding le ka ngah diem ta a.

PAWTDAWKNA 26:1

“Ziehaw bân achun, Hobuk chuh puonzak sawm nei a na siem ding ahi; patngat puonkawp a dumte, a sandupte, a sandângte, mang in cherub lim khutthiem tak a siem chuon sak ding ahi.

1 KHANGTHUBU 22:6

Tichun, a chapa Solomon a sama, Israel Pathien Ho-In sa ding chun thu a pie a.