1 KHANGTHUBU 16:32 - PATHIEN LEKHABU THIENGTHO (BSI)

³² Tuisuohgiet leh a sunga um chengcheng te hi gi hum hum u henla; gam leh guo leh a sunga um cheng chengte hi kipâk takin um hen.

1 KHANGTHUBU 16:32 ပူးပေါင်းရင်းမြစ်များ

ISAI 44:23

Aw vante haw, kipâk takin la sau in, Lalpa’n zie chuh a hih ta ngâl a, Lei mun niem pente haw hung kiko dawk un, tângte leh gammâng thingte haw, la sa dawk un: Lalpa chun Jakob te a tandawk ta a, Israel te haw achun kisulopi ding ahi ngâl a!

SAM LEHKHABU THE PSALMS 93:4

Tui tampi kinawk sangin, Tuisuohgiet kinawk hattak sang inle, Chunglama Lalpa chuh a lopi zawi.

1 KHANGTHUBU 16:33

Zie tieng chuleh, gamnuoia thing cheng chengte hin, Lalpa masang achun lâwpin la sa’nau! Leichung a vaihawm a hung ding ahi ngâla.

ISAI 42:10

Tuisuohgiet a va chieh te leh, a sung a um cheng chengte leh, tuikuol gam leh a sunga um chengcheng te haw Lalpa chawiân in la thak sau in la, kâwlmawng apat inle amah chawih-atna la sau in.

SAM LEHKHABU THE PSALMS 69:35

Pathien in Zion hukdawk intin, Juda khawpi haw chu sakit ding ahi ngâl a; A suokte chu zie tak achun cheng untin uh, luoh ta’n au.

SAM LEHKHABU THE PSALMS 96:11

Van haw khu kipâk tak in um u henla, lei hile lawp takin um hen; Tuisuohgiet leh a sunga thil um chengcheng hi gi lul lul u hen;