1 KHANGTHUBU 15:3 - PATHIEN LEKHABU THIENGTHO (BSI)

³ Chun, Thugawlh Bawm a umna ding mun a guonggalhna a zawn to dingin, Israel te chengcheng chu David in Jerusalem ah a sam khawm a.

1 KHANGTHUBU 15:3 ပူးပေါင်းရင်းမြစ်များ

1 KHANGTHUBU 13:5

Khutichun, David in, Aigupta lui, Shihor apat a, Hamath khuo lutna tienga, Israel mite chengcheng chu, Kiriath-Jearim khuo a Pathien Thugawlh kawihna thingkuong chu la dingin a sam khawm a.

1 LENGTE 8:1

Khutichun, Solomon chun Israel upahaw, a nam uh luchang cheng chengte, Israel suonte inkuon lawiupate chuh, Jerusalem khuo a leng Solomon kawm achun David khawpi Zion apat Lalpa Thugawlh Bawm zawn to dingin a samkhawm a.

1 KHANGTHUBU 15:1

Khutichun, David chun, amah chênna dingin David khawpi achun inte a sa a; Thugawlh kawihna Thingkuong umna mun ding a guonggalh a, puon-In a zak a.

2 SAMUEL 6:12

Chun, leng David chu, “Thuthunna bawm ziekin Obed-edom inkawte leh a In a lo chengcheng Lalpa’n a vangsak ahi,” ti’n a hilh u a. Tichun David chun Thuthun bawm chu Obed-edom In apat chu, David khawpi achun kipâk takin a va la ta a.

1 KHANGTHUBU 15:12

Levi te kawm achun, “Nang haw hi, Levi inkuon sunga lawiupa pente na hiu a. Israel te Pathien, Lalpa Thugawlh kawihna thingkuong chu, a mun ka guonggalhna a na chawn toh theihna dingun nang haw hi na unauteu tawh kihihthiengtho un.

2 SAMUEL 6:17

Tichun Thuthun bawm chu a la lut u a, a kawihna dinga David in a zak, puon-In sunga amun ding achun a kawih tau a: David chun hâlmang thilpiekte leh chamna thilpiekte Lalpa masang achun a pie a.

PAWTDAWKNA 40:20

Chun, suongpek nih chuh a la a, Pathien bawm sung ah a kawih a. A zawnna mawlh chuh a bil ah a thun a, a chung achun zahngaihna chutphah a kawih a.

THIEMPUDANTE 9:5

Tichun, Mosi’n thu a piek bang chun, kihona puon-In mai achun a hun kai u a; mi chengcheng chun a va naih u a, Lalpa masang achun a va ding u a.

1 KHANGTHUBU 13:2

Israel mi, kikhawm khawm cheng chengte kawm achun, “Pha na sak lam uh a hih a, Lalpa I Pathien uh lemsak lam ahih chun, Israel gamsung cheng chenga I unau umte chu, a khawpi gancha tatna nei a cheng thiempute leh Levi te haw chu tawh, I kawm u a hung khawm dingin chiel hi tiu.

1 KHANGTHUBU 16:1

Tichun, Thugawlh Bawm chu a la lut u a, a kawihna dinga David in a zak, puon-In sung achun a kawih tau a. Tichun, hâlmang kithawihnate leh, kichamna thillat te Pathien kawm achun a lân u a.

2 KHANGTHUBU 1:2

Chun, leng Solomon chun Israel te chengcheng, sepaih sang chunga lawiupa te, za chunga lawiupa te, vaihawm te, Israel gamsung cheng chenga milien, inkuon lawiupa cheng chengte kawm achun thu a gen a.

2 KHANGTHUBU 1:4

(Thugawlh kawihna thingkuong chuh Jerusalem ah a um a, David in Kiriath-Jearim apat a na pawto a, a umna dinga a siemna mun akhan kawih in a um ta ngâl a.)

2 KHANGTHUBU 5:2

Khutichun, Solomon in Israel upa te haw, a nam lawiupau, Israel suonte inkuon lawiupa cheng chengte chu, David khawpi Zion apat Lalpa thugawlh kawihna thingkuong zawn to dingin Jerusalem khuo ah a sam khawm a.