1 KHANGTHUBU 13:6 - PATHIEN LEKHABU THIENGTHO (BSI)

⁶ Tichun, David leh mi chengcheng chu, Juda gama Baal Kiriath-Jearim a tihnau achun, Pathien Bawm, Cherub nih chunga, Lalchutphah a kichutsak a, Lalpa min kiputsak chu la kit dingin a va chieh tau a.

1 KHANGTHUBU 13:6 ပူးပေါင်းရင်းမြစ်များ

JOSHUA 15:9

Chun, gamgi chuh tângsip apat in Neptoah luicha haw tiengin a chieh sak uh a, Ephron tâng a khawpi haw ah a chieh zel a; chun gamgi chuh Baalah ah (zie chuh Kiriath-jearim ahi) a chieh sak tau a.

2 LENGTE 19:15

Chun, Hezekia chu Lalpa ma ah a paucham a, “Aw Lalpa, cherub te kikala chu, Israel Pathien, Nangmah chauh hi, gam cheng chunga vaihawm na hi a, Lei leh van hi nangmah siem ahi.

PAWTDAWKNA 25:22

Zie tak achun na kawmah hung ing ka ting, chun thu hetsakna bawm chung a cherub nih kikal, zahngaihna chutphah chunglam apat chun Israel chate kawma thu ka piek ding taphawt chuh zie apat chun hun hopih sek ing ka.

1 SAMUEL 4:4

Khutichun mipite chun Shiloh ah mi a sawl u a, zie apat chu Cherub te chunga chu sepaihte Lalpa thuthun bawm chu ava la tau a: chun, Pathien Thuthun bawm a laknau achun Eli chapate nih Hophni leh Phinehas le a tel u a.

JOSHUA 15:60

Kiriath-baal (zie chuh Kiriath-jearim ahi) leh Rabbah; khawpi haw leh a khawpel haw pum in khuo nih ahi.

ISAI 37:16

“Bangkim hihthei Lalpa Pathien, Israel Pathien, Cherub te chunga chu, Nang hi, nang mai hi, lei chung luoh gam chengcheng Pathien chuh na hi a; nang chun lei leh van hi na siem ahi.

SAM LEHKHABU THE PSALMS 99:1

Lalpa chuh lal in a chu a, mitin chu lau in kilîng u hen: Amah chuh Cherub te chungah a chu a; lei hi kilîng hen.

SAM LEHKHABU THE PSALMS 80:1

Aw Israel chingpa, Belam hawn banga Joseph puipa, ana ngaiin; Nang Cherub te chunga chu pa chun hung salhvak in.

1 LENGTE 8:16

‘Aigupta gam apat ka mi Israel te ka puihdawk ni apat in, Israel te nam lak ah khawimah khawpi hi ka min umna ding In sakna dingin ka tel puoh a, amahvang chuh ka mi Israel te lawiupa dingin David hi ka tel hi,’” a ti a.

KISIMNA 7:89

Khutichun kihona puon-In a Lalpa hopih dinga Mosi a lut tieng leh, Thuthun bawm chunga zahngaihna chutphah chunglama Cherub te nih kikal apat chun amah hun hopih in aw chuh a za a, a hopih ta a.

KISIMNA 6:27

Khutichun, “Israel mipite chun ka min chuh puu intin, vangsak ing ka,” a ti a.

PAWTDAWKNA 23:21

Amah zai ngak unla, a thugen chuh zawp un; a chungah kiphin kiu in: zie a helte chuh hun ngaidam nuom lo ding ahi ngâl a; amah achun ka min a um ngâla.

PAWTDAWKNA 20:24

Kei dingin lei a kisiem maichâm na siem ding ahi, achung achun hâlmang thilpiek na belamte leh bâwngchalte chuh hâlmang thilpiek leh chamna thillat dinga na piek sek ding ahi: muntin ah kei nei hona dinga ka kawihchuom ahi a, zie tak achun hung sek ing ka ting, vang hun pie sek ing ka.

JOSHUA 9:17

Chun, Israel chate chuh a chieh zel u a, a ni thum ni chun a khawpiteu chuh a va tung u a; a khawpi hawu chuh: Gibeon, Kephirah, Beeroth leh Kiriath-jearim ahi.

1 SAMUEL 6:21

Khutichun, Kiriath-jearim khuo a mite kawm achun, “Philistia te chun Lalpa bawm chu ahun kawih kit tau a, hung suk unla na kawm u ah la to un,” ti a va gen dingin mi a sawl tau a.